https://sputnik.tj/20260413/tojikiston-choraho-amniyat-kibernetiki-nbo-roghun-taqviyat-1076792887.html
Тоҷикистон чораҳои амнияти кибернетикиро дар НБО Роғун тақвият медиҳад
Тоҷикистон чораҳои амнияти кибернетикиро дар НБО Роғун тақвият медиҳад
Sputnik Тоҷикистон
Тоҷикистон чораҳо амният кибернетика Роғун тақвият
2026-04-13T09:45+0500
2026-04-13T09:45+0500
2026-04-13T10:25+0500
дар тоҷикистон
нбо "роғун"
амният ва мудофиа
хатари киберӣ
https://cdnn1.img.sputnik.tj/img/07e9/06/02/1067796990_0:160:3074:1889_1920x0_80_0_0_026794411eee1ea4beb60a8e1ac4a45a.jpg
ДУШАНБЕ, 13 апр – Sputnik. Тоҷикистон барои тақвияти амнияти киберӣ дар системаҳои идоракунии нерӯгоҳи барқи обии Роғун чораҳо меандешад. Дар ин бора хадамоти матбуоти ҶСК TGEM хабар дод. Қайд карда мешавад, ки дар форуми "Рӯзи инноватсия дар Остона 2026" санаде дар бораи ҳифзи инфрасохтори IT-и ширкат бо истифода аз зеҳни сунъӣ имзо шудааст.Дар ин чорабинӣ, ширкати ватании TGEM бо ширкати Palo Alto Networks дар ҳузури ноиби президенти минтақавии он, Ведат Тюфекчи ва бо ширкати Ayon Smart Solution дар ҳузури директори генералии он, Абубакр Бобоев, ёддошти шарикӣ имзо кард. Хадамоти матбуот таъкид кард, ки ин шарикӣ ҷустуҷӯи роҳҳои ҳалли амнияти кибернетикиро осон мекунад, истифодаи системаҳоро барои ошкор ва пешгирии ҳамлаҳои ҳакерӣ имкон медиҳад ва иншооти муҳимро барои муқобала бл чунин таҳдидҳо устувортар мекунад. Ғайр аз ин, ин ташаббус кори устувори системаи энергетикии НБО Роғунро таъмин мекунад. Ширкат афзуд, ки имзои ин ҳуҷҷат оғози кор дар самти эҷоди система барои таъмини амнияти кибернетикии иншооти TGEM, аз ҷумла онҳое, ки ба инфрасохтори нерӯгоҳи барқи обӣ алоқаманданд, мебошад.Ёдовар мешавем, ки сохтмони Нерӯгоҳи барқи обии Роғун (НБО) дар дарёи Вахш соли 1987 оғоз шуда буд, аммо лоиҳа дар солҳои 1990 бинобар фурӯпошии ИҶШС ва ҷанги шаҳрвандӣ ба таъхир афтод. Аз аввали солҳои 2000-ум инҷониб аз нав оғоз кардани кор чандин маротиба баррасӣ шуда буд, аммо бо сабаби сармоягузории назаррас борҳо ба таъхир гузошта шуд.Пас аз ин ҷумҳурӣ соли 2008 ҷамъияти саҳҳомии кушодаи "Нерӯгоҳи барқи обии Роғун"-ро бо сармояи 116 млн сомонӣ роҳандозӣ кард ва эълон намуд, ки нерӯгоҳро бо сармояи худаш месозад. Соли 2009 ҳадди ин сармоя ба 6 млрд сомонӣ расонида шуд ва корҳо оғоз гардиданд.
https://sputnik.tj/20260214/muloqot-rahmon-rahbar-bonk-osiyo-1075273697.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, нбо "роғун", амният ва мудофиа, хатари киберӣ
дар тоҷикистон, нбо "роғун", амният ва мудофиа, хатари киберӣ
Тоҷикистон чораҳои амнияти кибернетикиро дар НБО Роғун тақвият медиҳад
09:45 13.04.2026 (Навсозишуда: 10:25 13.04.2026) Дар форуми "Рӯзи инноватсия дар Остона 2026" санаде дар бораи ҳифзи инфрасохтор бо истифода аз зеҳни сунъӣ имзо шуд
ДУШАНБЕ, 13 апр – Sputnik. Тоҷикистон барои тақвияти амнияти киберӣ дар системаҳои идоракунии нерӯгоҳи барқи обии Роғун чораҳо меандешад.
Дар ин бора хадамоти матбуоти ҶСК TGEM хабар дод.
Қайд карда мешавад, ки дар форуми "Рӯзи инноватсия дар Остона 2026" санаде дар бораи ҳифзи инфрасохтори IT-и ширкат бо истифода аз зеҳни сунъӣ имзо шудааст.
Дар ин чорабинӣ, ширкати ватании TGEM бо ширкати Palo Alto Networks дар ҳузури ноиби президенти минтақавии он, Ведат Тюфекчи ва бо ширкати Ayon Smart Solution дар ҳузури директори генералии он, Абубакр Бобоев, ёддошти шарикӣ имзо кард.
Хадамоти матбуот таъкид кард, ки ин шарикӣ ҷустуҷӯи роҳҳои ҳалли амнияти кибернетикиро осон мекунад, истифодаи системаҳоро барои ошкор ва пешгирии ҳамлаҳои ҳакерӣ имкон медиҳад ва иншооти муҳимро барои муқобала бл чунин таҳдидҳо устувортар мекунад. Ғайр аз ин, ин ташаббус кори устувори системаи энергетикии НБО Роғунро таъмин мекунад.
Ширкат афзуд, ки имзои ин ҳуҷҷат оғози кор дар самти эҷоди система барои таъмини амнияти кибернетикии иншооти TGEM, аз ҷумла онҳое, ки ба инфрасохтори нерӯгоҳи барқи обӣ алоқаманданд, мебошад.
Ёдовар мешавем, ки сохтмони Нерӯгоҳи барқи обии Роғун (НБО) дар дарёи Вахш соли 1987 оғоз шуда буд, аммо лоиҳа дар солҳои 1990 бинобар фурӯпошии ИҶШС ва ҷанги шаҳрвандӣ ба таъхир афтод.
Аз аввали солҳои 2000-ум инҷониб аз нав оғоз кардани кор чандин маротиба баррасӣ шуда буд, аммо бо сабаби сармоягузории назаррас борҳо ба таъхир гузошта шуд.
Пас аз ин ҷумҳурӣ соли 2008 ҷамъияти саҳҳомии кушодаи "Нерӯгоҳи барқи обии Роғун"-ро бо сармояи 116 млн сомонӣ роҳандозӣ кард ва эълон намуд, ки нерӯгоҳро бо сармояи худаш месозад. Соли 2009 ҳадди ин сармоя ба 6 млрд сомонӣ расонида шуд ва корҳо оғоз гардиданд.
