https://sputnik.tj/20260113/ahmadzoda-az-korkhonai-tilloi-zarafshon-khost-istehsolro-ba-10-mlrd-rasonad-1074492028.html
Аҳмадзода аз корхонаи тиллои Зарафшон хост истеҳсолро ба 10 млрд расонад
Аҳмадзода аз корхонаи тиллои Зарафшон хост истеҳсолро ба 10 млрд расонад
Sputnik Тоҷикистон
Раиси вилояти Суғд корхона дар зарфи 11 соли охир ҳаҷми истеҳсоли маҳсулотро ба маротиб афзоиш дода шумораи кормандон ва сатҳи музди меҳнатро низ боло бурдааст
2026-01-13T16:38+0500
2026-01-13T16:38+0500
2026-01-13T16:38+0500
дар тоҷикистон
шм "зарафшон"
зарафшон
тилло
истеҳсол
саноат
суғд
раҷаббой аҳмадзода
https://cdnn1.img.sputnik.tj/img/07ea/01/0d/1074493638_0:67:1280:787_1920x0_80_0_0_2ebb9c257bd69ff3013be8d13eb489e4.jpg
ДУШАНБЕ, 13 янв - Sputnik. Ахиран раиси вилояти Суғд Раҷаб Аҳмадзода дар мулоқот бо мудири кулли корхонаи “Зарафшон” гуфт, ки корхонаи муштараки “Зарафшон” дар ҳаҷми маҷмӯи маҳсулоти саноатии шаҳри Панҷакент саҳми назаррас дорад.Вай гуфт фаъолияти пурсамари корхонаҳои бузурги саноатӣ, аз ҷумла корхонаи муштараки “Зарафшон”, дар татбиқи барномаҳои созанда ва рушди иқтисоди миллӣ нақши калидӣ дорад.Ба гуфтаи раиси вилояти Суғд дар соли 2025 ҳаҷми истеҳсоли маҳсулоти саноатӣ дар корхона ба 7,9 млрд сомонӣ расонида шуд, ки нисбат ба ҳамин давраи соли 2024 ба андозаи 2,1 млрд сомонӣ зиёд мебошад.Қайд карда шудааст, ки фаъолияти корхона дар 11 соли охир собит кардааст, ки ҳамзамон бо афзоиши ҳаҷми истеҳсол шумораи кормандон ва сатҳи музди меҳнати онҳо низ мунтазам боло рафтааст.“Ин дастовардҳо гувоҳи онанд, ки роҳбарияти корхонаи муштараки “Зарафшон” бо дастгириҳои давлатӣ, истифодаи оқилонаи иқтидорҳои мавҷуда, бунёди корхонаҳои нав ва афзун намудани ҳаҷми истеҳсолот дар амалисозии ҳадафи чоруми миллӣ — саноатикунонии босуръати мамлакат саҳми арзанда мегузорад”, - зикр кард Раҷаб Аҳмадзода.Оқои Аҳмадзода таъкид кард, ки Чун солҳои гузашта, соли равон низ дар назди корхонаҳои азими саноатӣ уҳдадориҳо ҷиҳати зиёд намудани ҳаҷми истеҳсоли маҳсулот гузошта мешаванд.Вай азмақомоти корхонаи “Зарафшон” талаб кард, ки соли 2026 ҳаҷми истеҳсоли маҳсулоти саноатиро ба 10 миллиард сомонӣ расонад.ҶДММ КМ "Зарафшон" моҳи сентябри соли 1994 таъсис ёфтааст. 75% саҳмияҳои корхона ба ширкати чинии “Zijin Mining Group Co. Ltd” ва 25% ба ҳукумати Тоҷикистон тааллуқ дорад.Корхона бузургтарин конҳои тилои Тоҷикистон – “Тарор” ва “Ҷилав”-ро, ки дар 44-километрии шаҳри Панҷакенти вилояти Суғд ҷойгиранд, коркард мекунад.Қобили зикр аст, ки зиёда аз 70%-и тиллои дар Тоҷикистон истеҳсолшуда ба корхонаи муштараки “Зарафшон” рост меояд.
https://sputnik.tj/20250304/bonki-milli-tanzimi-hajmi-puli-naqd-tillo-furush-1066435421.html
суғд
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, зарафшон, корхона, истеҳсол, маҳсулот, тилло, раҷаб аҳмадзода, музди меҳнат
тоҷикистон, зарафшон, корхона, истеҳсол, маҳсулот, тилло, раҷаб аҳмадзода, музди меҳнат
Аҳмадзода аз корхонаи тиллои Зарафшон хост истеҳсолро ба 10 млрд расонад
Раиси вилояти Суғд корхона дар зарфи 11 соли охир ҳаҷми истеҳсоли маҳсулотро ба маротиб афзоиш дода шумораи кормандон ва сатҳи музди меҳнатро низ боло бурдааст
ДУШАНБЕ, 13 янв - Sputnik. Ахиран раиси вилояти Суғд Раҷаб Аҳмадзода дар мулоқот бо мудири кулли корхонаи “Зарафшон” гуфт, ки корхонаи муштараки “Зарафшон” дар ҳаҷми маҷмӯи маҳсулоти саноатии шаҳри Панҷакент саҳми назаррас дорад.
Вай гуфт фаъолияти пурсамари корхонаҳои бузурги саноатӣ, аз ҷумла корхонаи муштараки “Зарафшон”, дар татбиқи барномаҳои созанда ва рушди иқтисоди миллӣ нақши калидӣ дорад.
Ба гуфтаи раиси вилояти Суғд дар соли 2025 ҳаҷми истеҳсоли маҳсулоти саноатӣ дар корхона ба 7,9 млрд сомонӣ расонида шуд, ки нисбат ба ҳамин давраи соли 2024 ба андозаи 2,1 млрд сомонӣ зиёд мебошад.
Қайд карда шудааст, ки фаъолияти корхона дар 11 соли охир собит кардааст, ки ҳамзамон бо афзоиши ҳаҷми истеҳсол шумораи кормандон ва сатҳи музди меҳнати онҳо низ мунтазам боло рафтааст.
“Ин дастовардҳо гувоҳи онанд, ки роҳбарияти корхонаи муштараки “Зарафшон” бо дастгириҳои давлатӣ, истифодаи оқилонаи иқтидорҳои мавҷуда, бунёди корхонаҳои нав ва афзун намудани ҳаҷми истеҳсолот дар амалисозии ҳадафи чоруми миллӣ — саноатикунонии босуръати мамлакат саҳми арзанда мегузорад”, - зикр кард Раҷаб Аҳмадзода.
Оқои Аҳмадзода таъкид кард, ки Чун солҳои гузашта, соли равон низ дар назди корхонаҳои азими саноатӣ уҳдадориҳо ҷиҳати зиёд намудани ҳаҷми истеҳсоли маҳсулот гузошта мешаванд.
Вай азмақомоти корхонаи “Зарафшон” талаб кард, ки соли 2026 ҳаҷми истеҳсоли маҳсулоти саноатиро ба 10 миллиард сомонӣ расонад.
ҶДММ КМ "Зарафшон" моҳи сентябри соли 1994 таъсис ёфтааст. 75% саҳмияҳои корхона ба ширкати чинии “Zijin Mining Group Co. Ltd” ва 25% ба ҳукумати Тоҷикистон тааллуқ дорад.
Корхона бузургтарин конҳои тилои Тоҷикистон – “Тарор” ва “Ҷилав”-ро, ки дар 44-километрии шаҳри Панҷакенти вилояти Суғд ҷойгиранд, коркард мекунад.
Қобили зикр аст, ки зиёда аз 70%-и тиллои дар Тоҷикистон истеҳсолшуда ба корхонаи муштараки “Зарафшон” рост меояд.
