https://sputnik.tj/20251226/ima-mekhohad-munosibathoi-rusiya-va-ittihodiyai-avruporo-tavassuti-iqtisod-ba-etidol-orad-1074165449.html
ИМА мехоҳад муносибатҳои Русия ва Иттиҳодияи Аврупоро тавассути иқтисод ба эътидол орад
ИМА мехоҳад муносибатҳои Русия ва Иттиҳодияи Аврупоро тавассути иқтисод ба эътидол орад
Sputnik Тоҷикистон
Сиёсатмадорони амрикоӣ дурнамои молии мавҷударо дар Русия ҳамчун воситаи асосии барқарор кардани робитаҳои гуногунҷабҳа мебинанд
2025-12-26T20:31+0500
2025-12-26T20:31+0500
2025-12-26T20:31+0500
амалиёти вижа
украина
има
иттиҳоди аврупо
аврупо
ҳамкорӣ
иқтисод
амалиёти вижаи русия барои ҳимояи донбасс: охирин хабарҳо
https://cdnn1.img.sputnik.tj/img/07e9/0c/1a/1074155351_0:29:3149:1800_1920x0_80_0_0_27f0ee9a25f22be71fa5c11594e143d9.jpg
ДУШАНБЕ, 26 дек – Sputnik. Иёлоти Муттаҳида роҳи иқтисодиеро мебинад, ки муносибатҳои Русия ва Иттиҳоди Аврупо (ИА) метавонад ба эътидол биёрад.Дар ин бора The Wall Street Journal дар истинод ба манбаъҳо хабар додааст.Дар мақола қайд карда мешавад, ки бозгашти Русия ба иқтисоди ҷаҳонӣ ба сармоягузорони амрикоӣ имкон медиҳад, ки пул кор кунанд ва муносибатҳои Русияро бо Украина ва Аврупо устувор созанд.Дар мақола инчунин ба андешаҳои фиристодаи махсуси президенти ИМА Стив Уиткофф ва домоди раҳбари Амрико Ҷаред Кушнер ишора шудааст, ки бовар доранд, ки Русия барои соҳибкорон имкониятҳои зиёде фароҳам меорад.Қаблан хабар дода шуда буд, ки маъмурияти Доналд Трамп ҳуҷҷатҳоеро, ки нақшаи барқарор кардани робитаҳои иқтисодӣ бо Русия ва барқарорсозии Украинаро пас аз низоъдар бар мегирифтанд, ба Аврупо пешниҳод кардааст.Таъкид мешавад, ки ин ташаббусҳои пешниҳодшуда боиси ташаннуҷ байни Вашингтон ва Брюссел шудаанд.Аз соли 2022 инҷониб, Иттиҳоди Аврупо 19 бастаи таҳримҳоро алайҳи Русия ҷорӣ кардааст. Охирин, ки тирамоҳи имсол қабул шуда буд, маҳдудиятҳои иловагиро ба бонкҳо ва системаҳои пардохти электронии Русия, инчунин як қатор ширкатҳои хориҷиро дар бар мегирифт, ки ба Маскав дар канорагирӣ аз маҳдудиятҳо кумак мекарданд.Ёдовар мешавем, ки Русия аз 24 феврали соли 2022 дар Украина амалиёти вижаи низомӣ анҷом медиҳад. Президенти Русия Владимир Путин рисолати онро "ҳимояи одамоне, ки ҳашт сол боз аз ҷониби режими Киев мавриди таҳқир ва наслкушӣ қарор гирифтаанд" тавсиф кардааст.Ба гуфтаи ӯ, ҳадафи ниҳоии амалиёти вижаи низомӣ озод кардани Донбасс ва фароҳам овардани шароитест, ки амнияти худи Русияро кафолат медиҳад.Кишварҳои Ғарб расман даст доштани худро дар низоъ дар Украина рад мекунанд, аммо ба Нерӯҳои Мусаллаҳи Украина силоҳ медиҳанд.Вазири корҳои хориҷии Русия Сергей Лавров қайд кард, ки ҳама гуна интиқоли силоҳ, ки барои Украина пешбинӣ шудааст, ҳадафи қонунии Русия хоҳад буд. Вазорати корҳои хориҷии Русия изҳор дошт, ки кишварҳои НАТО бо таъмини силоҳ ба Украина "бо оташ бозӣ мекунанд".Дар айни замон, Маскав борҳо омодагии худро барои оғози музокирот дар бораи ҳалли низоъ изҳор кардааст, аммо Киев манъи қонунгузории музокиротро ҷорӣ кардааст.
https://sputnik.tj/20251226/medvedchuk-raypursi-ukrainaro-maskhara-1074153701.html
украина
има
аврупо
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
русия, има, аврупо, иттиҳодияи аврупо, муносибат, иутисод, украина, амалиёти вижа
русия, има, аврупо, иттиҳодияи аврупо, муносибат, иутисод, украина, амалиёти вижа
ИМА мехоҳад муносибатҳои Русия ва Иттиҳодияи Аврупоро тавассути иқтисод ба эътидол орад
Сиёсатмадорони амрикоӣ дурнамои молии мавҷударо дар Русия ҳамчун воситаи асосии барқарор кардани робитаҳои гуногунҷабҳа мебинанд
ДУШАНБЕ, 26 дек – Sputnik. Иёлоти Муттаҳида роҳи иқтисодиеро мебинад, ки муносибатҳои Русия ва Иттиҳоди Аврупо (ИА) метавонад ба эътидол биёрад.
Дар ин бора The Wall Street Journal дар истинод ба манбаъҳо хабар додааст.
Дар мақола қайд карда мешавад, ки бозгашти Русия ба иқтисоди ҷаҳонӣ ба сармоягузорони амрикоӣ имкон медиҳад, ки пул кор кунанд ва муносибатҳои Русияро бо Украина ва Аврупо устувор созанд.
Дар мақола инчунин ба андешаҳои фиристодаи махсуси президенти ИМА Стив Уиткофф ва домоди раҳбари Амрико Ҷаред Кушнер ишора шудааст, ки бовар доранд, ки Русия барои соҳибкорон имкониятҳои зиёде фароҳам меорад.
Қаблан хабар дода шуда буд, ки маъмурияти Доналд Трамп ҳуҷҷатҳоеро, ки нақшаи барқарор кардани робитаҳои иқтисодӣ бо Русия ва барқарорсозии Украинаро пас аз низоъдар бар мегирифтанд, ба Аврупо пешниҳод кардааст.
Таъкид мешавад, ки ин ташаббусҳои пешниҳодшуда боиси ташаннуҷ байни Вашингтон ва Брюссел шудаанд.
Аз соли 2022 инҷониб, Иттиҳоди Аврупо 19 бастаи таҳримҳоро алайҳи Русия ҷорӣ кардааст. Охирин, ки тирамоҳи имсол қабул шуда буд, маҳдудиятҳои иловагиро ба бонкҳо ва системаҳои пардохти электронии Русия, инчунин як қатор ширкатҳои хориҷиро дар бар мегирифт, ки ба Маскав дар канорагирӣ аз маҳдудиятҳо кумак мекарданд.
Ёдовар мешавем, ки Русия аз 24 феврали соли 2022 дар Украина амалиёти вижаи низомӣ анҷом медиҳад. Президенти Русия Владимир Путин рисолати онро "ҳимояи одамоне, ки ҳашт сол боз аз ҷониби режими Киев мавриди таҳқир ва наслкушӣ қарор гирифтаанд" тавсиф кардааст.
Ба гуфтаи ӯ, ҳадафи ниҳоии амалиёти вижаи низомӣ озод кардани Донбасс ва фароҳам овардани шароитест, ки амнияти худи Русияро кафолат медиҳад.
Кишварҳои Ғарб расман даст доштани худро дар низоъ дар Украина рад мекунанд, аммо ба Нерӯҳои Мусаллаҳи Украина силоҳ медиҳанд.
Вазири корҳои хориҷии Русия Сергей Лавров қайд кард, ки ҳама гуна интиқоли силоҳ, ки барои Украина пешбинӣ шудааст, ҳадафи қонунии Русия хоҳад буд. Вазорати корҳои хориҷии Русия изҳор дошт, ки кишварҳои НАТО бо таъмини силоҳ ба Украина "бо оташ бозӣ мекунанд".
Дар айни замон, Маскав борҳо омодагии худро барои оғози музокирот дар бораи ҳалли низоъ изҳор кардааст, аммо Киев манъи қонунгузории музокиротро ҷорӣ кардааст.
