Дар Душанбе нақшаи чорабиниҳо барои Соли тандурустӣ дар ИДМ муаррифӣ шуд

© Sputnik / Павел БедняковВрач сидит за столом кабинета в поликлинике Москвы.
Врач сидит за столом кабинета в поликлинике Москвы. - Sputnik Тоҷикистон, 1920, 06.10.2025
Обуна шудан
Дар нақшаи чорабиниҳо дар доираи Соли тандурустӣ дар ИДМ ба баланд бардоштани тахассуси кормандони соҳаи тиб таваҷҷуҳи махсус дода шудааст
ДУШАНБЕ, 6 окт — Sputnik. Соли 2026 дар чорчӯби Соли тандурустӣ дар ИДМ дар кишварҳои Иттиҳоди Давлатҳои Мустақил тақрибан 90 чорабиниҳои гуногун ташкил карда мешаванд.
Дар ин бора дар нишасти 38-уми Шӯрои ҳамкориҳои кишварҳои муштаракулманофеъ дар соҳаи тандурустӣ дар Душанбе хабар дода шуд.
Маърӯзаро раиси гурӯҳи коршиносии таҳияи нақшаи чорабиниҳо Александр Семёнов, муаррифӣ кард.
Ба гуфтаи ӯ, ин барнома аз ҷониби вазоратҳои тандурустии кишварҳо, Хазинаи байнидавлатии ҳамкориҳои башардӯстона ва котиботи Ассамблеяи байнипарлумонии ИДМ таҳия шудааст.
Семёнов қайд кард, ки нақша тақрибан 90 чорабиниро дар 10 самти асосӣ дар бар мегирад.
"Таваҷҷуҳи асосӣ ба пешгирии бемориҳои ғайрисироятӣ, рушди кӯмаки аввалияи тиббию санитарӣ, таъмини беҳдошти санитарию эпидемиологӣ, вокуниш ба ҳолатҳои фавқулодда ва татбиқи технологияҳои инноватсионӣ, аз ҷумла рақамӣ дар соҳаи тандурустӣ равона карда шудааст", - гуфт ӯ.
Ҳамчунин ба баланд бардоштани ихтисоси кормандони соҳаи тиб ва амалӣ намудани ташаббусҳои муштараки таълимӣ, илмию таълимӣ таваҷҷӯҳи махсус зоҳир карда мешавад.
Заседание Совета глав правительств СНГ - Sputnik Тоҷикистон, 1920, 30.09.2025
Сарони ҳукуматҳои ИДМ дар нишасти Минск як қатор санадҳои муҳимро қабул карданд
Ҳамчунин, вазири тандурустӣ ва ҳифзи иҷтимоии аҳолии Тоҷикистон Ҷамолиддин Абдуллозода, нишони таҳияшудаи Соли тандурустӣ дар ИДМ-ро муаррифӣ кард.
"Логови пешниҳодшуда рамзи ғамхорӣ бораи саломатӣ, башарият ва ваҳдати кишварҳои ИДМ мебошад", - гуфт ӯ.
Абдуллозода зикр кард, ки ин нишон барои истифода дар асноди расмӣ дар чорабиниҳои марбут ба Соли тандурустӣ дар ИДМ ва сомонаҳои расмии кишварҳои муштаракулманофеъ пешниҳод шудааст.
Лентаи хабарҳо
0