https://sputnik.tj/20250930/rasulzoda-tojikiston-va-belarusro-rishtahoi-dustii-derina-bo-ham-mepayvandand-1071629460.html
Расулзода: Тоҷикистон ва Беларусро риштаҳои дӯстии дерина бо ҳам мепайванданд
Расулзода: Тоҷикистон ва Беларусро риштаҳои дӯстии дерина бо ҳам мепайванданд
Sputnik Тоҷикистон
Дар шаҳри Мински Беларус ҷаласаи навбатии Шурои сарони ҳукуматҳои кишварҳои аъзои ИДМ баргузор гардид, ки дар кори он Сарвазири Тоҷикистон иштирок намуд
2025-09-30T13:03+0500
2025-09-30T13:03+0500
2025-09-30T13:03+0500
дар тоҷикистон
белорус
ҳамкорӣ
қоҳир расулзода
сиёсат
иқтисод
минск
https://cdnn1.img.sputnik.tj/img/07e9/09/1d/1071609446_0:194:2996:1879_1920x0_80_0_0_0e9e1234379954ee7e2d1960d3152aac.jpg
ДУШАНБЕ, 30сен — Sputnik. Сарвазири кишвар Қоҳир Расулзода дар доираи сафари худ ба шаҳри Минск дар Намоишгоҳи байналмилалии "ИННОПРОМ-Беларус-2025" иштирок ва суханронӣ намудааст.Вай зимни суханронии худ таъкид кард, ки Тоҷикистону Белорус дар соҳаҳои гуногун ҳамкориҳои густурдаро ба роҳ мондаанд.Вай илова кард, ки ҳоло дар Тоҷикистон барои рушди соҳаи саноат шароити хуб фароҳам оварда шудааст ва ҳоло ба ҷалби сармоя ба соҳаҳои технологӣ ва навсозии иқтидори истеҳсолӣ таваҷҷуҳи махсус равона гардидааст.Сарвазири кишвар қайд кард, ки Тоҷикистон ба ояндаи ҳамкорӣ бо Беларус, махсусан, дар самти табодули технология, бунёди корхонаҳои муштарак, татбиқи лоиҳаҳо дар соҳаҳои логистика, нақлиёт ва савдои наздисарҳадӣ хушбин аст.Сарвазир аз имтиёзҳои андозию гумрукӣ, ки 110 номгӯйро дар бар мегиранд ва шароити мусоиди кор дар минтақаҳои озоди иқтисодӣ сармоягузоронро барои татбиқи лоиҳаю барномаҳои нав дар Тоҷикистон даъват намуд.Ёдовар мешавем, ки дар шаҳри Мински Ҷумҳурии Беларус ҷаласаи навбатии Шурои сарони ҳукуматҳои кишварҳои аъзои Иттиҳоди Давлатҳои Мустақил баргузор гардид, ки дар кори он Сарвазири Тоҷикистон Қоҳир Расулзода иштирок намуд.Дар ҷаласа доир ба вазъи кунунӣ ва дурнамои рушди ҳамкории иқтисодии кишварҳои аъзои Иттиҳоди Давлатҳои Мустақил табодули афкор анҷом дода шуда, масъалаҳои соҳаҳои иқтисод, тиҷорат, сармоягузорӣ, саноат, кишоварзӣ, гумрук, илму маориф, сайёҳӣ, фарҳанг ва тандурустӣ баррасӣ гардиданд.Аз рӯи натиҷаҳои ҷаласа санадҳои ниҳоӣ, аз ҷумла стратегияҳо оид ба рушди илмию технологии Иттиҳоди Давлатҳои Мустақил барои солҳои 2026-2035, рушди ҷомеаи иттилоотӣ ва иқтисоди рақамӣ то соли 2035 ва рақамикунонии долонҳои асосии бисёрмодалии нақлиётии кишварҳои аъзои Иттиҳоди Давлатҳои Мустақил тасдиқ гардиданд.
https://sputnik.tj/20250930/saroni-hukumat-idm-nishasti-minsk-sanad-muhim-qabul-1071612612.html
белорус
минск
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, белорус, ҳамкорӣ, дӯстӣ, иқтисод, сиёсат, равобит, расулзода
тоҷикистон, белорус, ҳамкорӣ, дӯстӣ, иқтисод, сиёсат, равобит, расулзода
Расулзода: Тоҷикистон ва Беларусро риштаҳои дӯстии дерина бо ҳам мепайванданд
Дар шаҳри Мински Беларус ҷаласаи навбатии Шурои сарони ҳукуматҳои кишварҳои аъзои ИДМ баргузор гардид, ки дар кори он Сарвазири Тоҷикистон иштирок намуд
ДУШАНБЕ, 30сен — Sputnik. Сарвазири кишвар Қоҳир Расулзода дар доираи сафари худ ба шаҳри Минск дар Намоишгоҳи байналмилалии "ИННОПРОМ-Беларус-2025" иштирок ва суханронӣ намудааст.
Вай зимни суханронии худ таъкид кард, ки Тоҷикистону Белорус дар соҳаҳои гуногун ҳамкориҳои густурдаро ба роҳ мондаанд.
“Тоҷикистон ва Беларусро риштаҳои дӯстии дерина бо ҳам мепайванданд, ки бар пояи эҳтирому эътимоди ҳамдигарӣ асос ёфтаанд. Ҳоло кишварҳо дар соҳаҳои гуногун ҳамкории густурда ба роҳ мондаанд, ки саноат дар он мавқеи калидӣ дорад”, - гуфт ӯ.
Вай илова кард, ки ҳоло дар Тоҷикистон барои рушди соҳаи саноат шароити хуб фароҳам оварда шудааст ва ҳоло ба ҷалби сармоя ба соҳаҳои технологӣ ва навсозии иқтидори истеҳсолӣ таваҷҷуҳи махсус равона гардидааст.
"Мо барои беҳтар гардонидани фазои сармоягузорӣ пайваста ислоҳот мегузаронем, ки амалӣ намудани хизматрасонии электронӣ барои сармоягузорон, кам кардани раванди ҳуҷҷатгузорӣ ва таъмини шаффофият аз ин ҷумла аст", — гуфт Қоҳир Расулзода.
Сарвазири кишвар қайд кард, ки Тоҷикистон ба ояндаи ҳамкорӣ бо Беларус, махсусан, дар самти табодули технология, бунёди корхонаҳои муштарак, татбиқи лоиҳаҳо дар соҳаҳои логистика, нақлиёт ва савдои наздисарҳадӣ хушбин аст.
Сарвазир аз имтиёзҳои андозию гумрукӣ, ки 110 номгӯйро дар бар мегиранд ва шароити мусоиди кор дар минтақаҳои озоди иқтисодӣ сармоягузоронро барои татбиқи лоиҳаю барномаҳои нав дар Тоҷикистон даъват намуд.
Ёдовар мешавем, ки дар шаҳри Мински Ҷумҳурии Беларус ҷаласаи навбатии Шурои сарони ҳукуматҳои кишварҳои аъзои Иттиҳоди Давлатҳои Мустақил баргузор гардид, ки дар кори он Сарвазири Тоҷикистон Қоҳир Расулзода иштирок намуд.
Дар ҷаласа доир ба вазъи кунунӣ ва дурнамои рушди ҳамкории иқтисодии кишварҳои аъзои Иттиҳоди Давлатҳои Мустақил табодули афкор анҷом дода шуда, масъалаҳои соҳаҳои иқтисод, тиҷорат, сармоягузорӣ, саноат, кишоварзӣ, гумрук, илму маориф, сайёҳӣ, фарҳанг ва тандурустӣ баррасӣ гардиданд.
Аз рӯи натиҷаҳои ҷаласа санадҳои ниҳоӣ, аз ҷумла стратегияҳо оид ба рушди илмию технологии Иттиҳоди Давлатҳои Мустақил барои солҳои 2026-2035, рушди ҷомеаи иттилоотӣ ва иқтисоди рақамӣ то соли 2035 ва рақамикунонии долонҳои асосии бисёрмодалии нақлиётии кишварҳои аъзои Иттиҳоди Давлатҳои Мустақил тасдиқ гардиданд.
