Маълум шуд, соли 2024 чӣ қадар шаҳрванди Тоҷикистон вориди Русия шуд

© Sputnik / Рамиль СитдиковТрудовые мигранты
Трудовые мигранты  - Sputnik Тоҷикистон, 1920, 20.06.2025
Обуна шудан
Тибқи оморе, ки Вазорати умури дохилии Русия интишорнамуд, соли гузашта аз ҳама беш ба Русия шаҳрвандони Ӯзбекистон ворид шудаанд
ДУШАНБЕ, 20 июн — Sputnik. Дар соли 2024 беш аз 6 миллион муҳоҷир ба Федератсияи Русия ворид шудааст, ки нисфи онҳо маҳз бо мақсади шуғл рафтаанд.
Дар ин бора Валентина Казакова, сардори Сарраёсати масъалаҳои муҳоҷирати Вазорати корҳои дохилии Русия дар Анҷумани байналмилалии иқтисодии Петербург (АБИП) изҳор дошт.
"Мо ба рақамҳои пеш аз пандемия баргаштем. Тақрибан 6,3 миллион шаҳрвандони хориҷӣ меоянд (маълумот барои соли 2024 - идора). Тақрибан 50 дарсади ин шаҳрвандон бо ҳадафи кор меоянд", - гуфт вай зимни ҷаласа дар мавзӯи "Муҳоҷирати меҳнатӣ. Андозаи иқтисодӣ".
Тибқи маводҳое, ки дар ҷаласа аз ҷониби ин ниҳод пешниҳод гардидаанд, радабандии шаҳрвандони хориҷии ба Русия омада чунин аст:
Ӯзбакистон - 23,3%;
Тоҷикистон - 16,7%;
Қирғизистон - 10,4%;
Беларус - 9,5%.
Чанде пеш Вазорати меҳнат, муҳоҷират ва шуғли аҳолии Тоҷикистон иттилоъ дод, ки дархости ширкатҳои русӣ барои ҷалби қувваи коргар аз Тоҷикистон зиёд шудааст.
Рабочие на строительной площадке Деревни Универсиады-2023 - Sputnik Тоҷикистон, 1920, 17.06.2025
Вазорат: Дархостҳои ширкатҳои Русия барои ҷалби коргар аз Тоҷикистон афзоиш ёфтааст
Шариф Норзод, муовини вазир дар мусоҳиба бо ТАСС зикр намуд, ки аз аввали соли беш аз 70 ширкати русӣ ба ин ниҳод дархост ирсол кардааст.
"Теъдоди дархостҳои корфармоёни рус барои ҷалби нерӯи корӣ аз Тоҷикистон рӯ ба афзоиш аст. Аз авоили соли ҷорӣ ба вазорат аз беш аз 70 ширкати русӣ барои дарёфти беш аз 25 ҳазор ҷойи кори холӣ дархост ворид шудааст", - гуфта буд ӯ.
Лентаи хабарҳо
0