https://sputnik.tj/20250604/vaziri-sanoati-tojikiston-sathi-hamkoriho-idm-nokifoya-1067861781.html
Вазири саноати Тоҷикистон ҳамкориҳои кишварҳои ИДМ дар бахши саноатро нокифоя хонд
Вазири саноати Тоҷикистон ҳамкориҳои кишварҳои ИДМ дар бахши саноатро нокифоя хонд
Sputnik Тоҷикистон
Вазири саноат ва технологияҳои нави Тоҷикистон пешниҳод кардааст, ки барои кооператсияи бахши саноат дар ИДМ бояд аз таҷрибаи Иттиҳоди Шӯравӣ истифода кард
2025-06-04T14:39+0500
2025-06-04T14:39+0500
2025-06-04T14:57+0500
дар тоҷикистон
саноат
идм
ҳамгироӣ
шералӣ кабир
https://cdnn1.img.sputnik.tj/img/07e7/01/18/1054447955_0:0:3076:1730_1920x0_80_0_0_dbe7727a8a88dd6833cb8d30b51abac1.jpg
ДУШАНБЕ, 4 июн — Sputnik. Вазири саноат ва технологияҳои нави Тоҷикистон Шералӣ Кабир сатҳи ҳамкориҳои кишварҳои ҳамсудро нокифоя хонд.Вай дар ин бора дар 11-умин ҷаласаи Шӯрои сиёсати саноатии ИДМ дар Душанбе таъкид кард.Вазири тоҷик пешниҳод кард, ки бояд таҷрибаи Иттиҳоди Шӯравӣ дар самти ҳамкорӣ бо дарназардошти имконоти ҳуш маснуӣ ба назар гирифта шавад."Бо вуҷуди асноди зиёде, ки аз замони таъсиси ИДМ ба имзо расидааст, сатҳи ҳамкориҳои кишварҳои муштаракулманофеъ ҳанӯз нокифоя аст", таъкид кард Шералӣ Кабир.Ба гуфтаи вай, рушди кооператсия ва шарикӣ дар саноат низ чандон хуб ба роҳ монда нашудааст.Шералӣ Кабир пешниҳод кард, ки таҷрибаи мусбии Иттиҳоди Шӯравӣ бояд омухта, шаклхои нави кооператсияи саноатӣ ба вуҷуд оварда, имкониятҳои ҳуш маснуӣ истифода бурда шавад."Дар замони Иттиҳоди Шӯравӣ дар байни кишварҳои мо робитаҳо ва механизмҳои мустаҳками занҷири истеҳсолоти саноатӣ вуҷуд доштанд. Ман боварӣ дорам, ки мо бояд ба робитаҳои таърихан муқарраршуда такя кунем ва бо назардошти навовариҳои технологӣ, бахусус имкони ҳуш маснуб шаклҳои нави ҳамкориро эҷод кунем", - таъкид кард вазир.Ёдовар мешавем, ки дар Душанбе ҷаласаи 11-уми Шӯрои сиёсати саноатии ИДМ ҷараён дорад.Дар чаҳорчӯби он ҷаласаи нахустини машваратии вазирони саноати кишварҳои Осиёи Марказӣ низ баргузор мешавад.Дар ҷаласаи мазкур лоихаи созишномаи рушди мошинсозии вазнин баррасӣ мешавад. Ин санад, ки аз ҷониби Вазорати саноати Тоҷикистон таҳия шудааст, ба таҳкими ҳамгироӣ ва истеҳсоли муштарак нигаронида шуда, рӯзи 5-уми июн ба сарони ҳукуматҳои ИДМ муаррифӣ мешавад.Интизор меравад, ки кишварҳои ИДМ созишнома дар бораи рушди мошинсозии вазнинро, ки бо ташаббуси Эмомалӣ Раҳмон, раисиҷумҳури Тоҷикистон пешниҳод шудааст, ба имзо расад.
https://sputnik.tj/20250421/vazorati-sanoat-pork-sanoati-mushtarak-rusiya-tojikiston-idora-1067067630.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, саноат, иттиҳоди шӯравӣ, таҷриба, ҳамкорӣ, идм, шералӣ кабир
тоҷикистон, саноат, иттиҳоди шӯравӣ, таҷриба, ҳамкорӣ, идм, шералӣ кабир
Вазири саноати Тоҷикистон ҳамкориҳои кишварҳои ИДМ дар бахши саноатро нокифоя хонд
14:39 04.06.2025 (Навсозишуда: 14:57 04.06.2025) Вазири саноат ва технологияҳои нави Тоҷикистон пешниҳод кардааст, ки барои кооператсияи бахши саноат дар ИДМ бояд аз таҷрибаи Иттиҳоди Шӯравӣ истифода кард
ДУШАНБЕ, 4 июн — Sputnik. Вазири саноат ва технологияҳои нави Тоҷикистон Шералӣ Кабир сатҳи ҳамкориҳои кишварҳои ҳамсудро нокифоя хонд.
Вай дар ин бора дар 11-умин ҷаласаи Шӯрои сиёсати саноатии ИДМ дар Душанбе таъкид кард.
Вазири тоҷик пешниҳод кард, ки бояд таҷрибаи Иттиҳоди Шӯравӣ дар самти ҳамкорӣ бо дарназардошти имконоти ҳуш маснуӣ ба назар гирифта шавад.
"Бо вуҷуди асноди зиёде, ки аз замони таъсиси ИДМ ба имзо расидааст, сатҳи ҳамкориҳои кишварҳои муштаракулманофеъ ҳанӯз нокифоя аст", таъкид кард Шералӣ Кабир.
Ба гуфтаи вай, рушди кооператсия ва шарикӣ дар саноат низ чандон хуб ба роҳ монда нашудааст.
Шералӣ Кабир пешниҳод кард, ки таҷрибаи мусбии Иттиҳоди Шӯравӣ бояд омухта, шаклхои нави кооператсияи саноатӣ ба вуҷуд оварда, имкониятҳои ҳуш маснуӣ истифода бурда шавад.
"Дар замони Иттиҳоди Шӯравӣ дар байни кишварҳои мо робитаҳо ва механизмҳои мустаҳками занҷири истеҳсолоти саноатӣ вуҷуд доштанд. Ман боварӣ дорам, ки мо бояд ба робитаҳои таърихан муқарраршуда такя кунем ва бо назардошти навовариҳои технологӣ, бахусус имкони ҳуш маснуб шаклҳои нави ҳамкориро эҷод кунем", - таъкид кард вазир.
Ёдовар мешавем, ки дар Душанбе ҷаласаи 11-уми Шӯрои сиёсати саноатии ИДМ ҷараён дорад.
Дар чаҳорчӯби он ҷаласаи нахустини машваратии вазирони саноати кишварҳои Осиёи Марказӣ низ баргузор мешавад.
Дар ҷаласаи мазкур лоихаи созишномаи рушди мошинсозии вазнин баррасӣ мешавад. Ин санад, ки аз ҷониби Вазорати саноати Тоҷикистон таҳия шудааст, ба таҳкими ҳамгироӣ ва истеҳсоли муштарак нигаронида шуда, рӯзи 5-уми июн ба сарони ҳукуматҳои ИДМ муаррифӣ мешавад.
Интизор меравад, ки кишварҳои ИДМ созишнома дар бораи рушди мошинсозии вазнинро, ки бо ташаббуси Эмомалӣ Раҳмон, раисиҷумҳури Тоҷикистон пешниҳод шудааст, ба имзо расад.
