Рустами Эмомалӣ озими Маскав шуд ва қарор аст бо Путин мулоқот кунад

© Foto / Пресс-служба Рустама ЭмомалиРустам Эмомали прибыл в Москву
Рустам Эмомали прибыл в Москву - Sputnik Тоҷикистон, 1920, 28.05.2025
Обуна шудан
Раиси Маҷлиси миллии Маҷлиси Олии Тоҷикистон Рустами Эмомалӣ бо сафари расмӣ вориди шаҳри Маскав шуд
ДУШАНБЕ, 28 мая — Sputnik. Раиси Маҷлиси миллии Маҷлиси Олии Тоҷикистон, Раиси шаҳри Душанбе Рустам Эмомалӣ барои анҷом додани сафари расмӣ вориди шаҳри Маскав шуд.
Дар ин бора дафтари матбуоти раиси шаҳри Душанбе хабар додааст.
Дар фурудгоҳи байналмилалии Внуково-2-и шаҳри Маскав Рустами Эмомалиро муовини Раиси Шӯрои Федератсияи Маҷлиси Федералии Федератсияи Русия, Сафири Тоҷикистон дар Русия ва дигар шахсони расмӣ истиқбол гирифтанд.
Дар ин сафараш раиси Маҷлиси Олии Тоҷикистон бо роҳбарияти олии Русия дидору мулоқот хоҳад кард.
Ба гуфтаи сухангӯи раисҷумҳури Русия Дмитрий Песков президенти Русия Владимир Путин Рустами Эмомалӣ, ки дар ин рӯзҳо дар Маскав қарор дорад, дидору гуфтугӯ хоҳад кард.
"Президент қарор аст имрӯз раиси палатаи болоии парлумони Тоҷикистонро Рустам Эмомалӣ, ки ҳамзамон раиси шаҳри Душанбе аст ва дар Маскав қарор дорад, ба ҳузур пазирад”, - гуфт ӯ.
Оқи Песков таъкид кард, ки гуфтугӯ Путин ва Рустам Эмомалӣ кӯтоҳ хоҳад буд.
Рустам Эмомали и Вячеслав Володин - Sputnik Тоҷикистон, 1920, 24.03.2025
Вячеслав Володин Рустами Эмомалиро ба Русия даъват кард
Ҳамчунин раиси Маҷлиси Олии Тоҷикистон Рустами эмомалӣ бо раиси Шӯрои федератсияи Русия Валентина Матвиенко дидору гуфтугӯ хоҳад кард.
Ёдовар мешавем, ки Рустами Эмомалиро дар ин сафар раисони кумитаҳои Маҷлиси миллии Маҷлиси Олии Тоҷикистон, роҳбари Дастгоҳи Маҷлиси миллии Маҷлиси Олии кишвар ва дигар шахсони расмӣ ҳамроҳӣ мекунанд.
Лентаи хабарҳо
0