https://sputnik.tj/20250425/rahmon-zarardidagoni-ofati-tabiii-rasht-tojikobod-kumak-1067120592.html
Раҳмон ба зарардидагони офати табиӣ дар ноҳияҳои Рашт ва Тоҷикобод боз кумак фиристод
Раҳмон ба зарардидагони офати табиӣ дар ноҳияҳои Рашт ва Тоҷикобод боз кумак фиристод
Sputnik Тоҷикистон
Корвони кумакҳои навбатии президенти Тоҷикистон, иборат аз масолеҳи сохтмонӣ барои зарардидагони заминларза дар ноҳияҳои Рашту Тоҷикобод равон карда шуд
2025-04-25T18:59+0500
2025-04-25T18:59+0500
2025-04-27T14:41+0500
дар тоҷикистон
кӯмак
рашт
заминларза
эмомалӣ раҳмон
https://cdnn1.img.sputnik.tj/img/07e9/04/0f/1066981426_0:0:1920:1080_1920x0_80_0_0_0130bc3d341b3859730c4ba97d6fe2d0.jpg.webp
ДУШАНБЕ, 25 апр — Sputnik. Кумакҳои навбатии раисҷумҳури кишвар ба зарардидагони офати табиии дар ноҳияҳои Рашт ва Тоҷикобод фиристода шуд, иттилоъ додааст шабакаи “Телевизиони Тоҷикистон”.Ба иттилои манбаъ, Кумакҳо дар ҳаҷми зарурӣ иборат аз семент, хишт ва тахта давоми рӯз ба минтақаҳои зарадидаи ноҳияҳои Рашту Тоҷикобод дастрас карда мешаванд.Бояд гуфт, ки 15 апрел дар асоси дастури президенти Тоҷикистон ба зарардидагони заминларзаи ноҳияҳои Рашту Тоҷикобод кумакҳо, иборат аз маҳсулоти хӯрокворӣ, ашёи хоҷагидорӣ ва масолеҳи сохтмонӣ фиристода шуда буд.Ҳамзамон 17 апрел Эмомалӣ Раҳмон дар маҷлиси ғайринавбатии ҳукумати кишвар барои ҳарчи зудтар ва пурра рафъ намудани оқибатҳои ин заминларза, ҳалли мушкилиҳои пешомада ва бо ёрии ҳамаҷониба фаро гирифтани аҳолии осебдида ба Комиссияи ҳукуматӣ, мақомоти дахлдор ва раисони ноҳияҳои Рашту Тоҷикобод супоришҳо дода буд.Эмомалӣ Раҳмон аз вазорату идораҳои дахлдор талаб карда буд, ки барои ҳарчи зудтар ба роҳ мондани раванди таълим, ба табобати саривақтӣ фаро гирифтани нафарони ҷароҳатҳои ҷисмонӣ бардошта, назорати қатъии ҳолати санитарию эпидемиологии минтақаҳои аз офати табиӣ зарардида ва сари вақт таъмин кардани сокинон бо маводи доруворӣ ва дигар лавозимоти тиббӣ тадбирҳои қатъӣ андешанд.Таъкид гардид, ки фаъолияти муассисаҳои таълимӣ ва раванди таълиму тарбияи хонандагон, аз ҷумла дар ҷойҳои муваққатӣ бояд бемонеа идома ёбад.Дар ҳоли ҳозир ба иттилои мақомоти расмии Тоҷикистон барои аҳолии аз офати табиӣ зарардидаи ноҳияҳои Тоҷикободу Рашт расонидани кумакҳои ҳамаҷонибаи фаврӣ идома дорад.Ҳамчунин, бунёди манзилҳои истиқоматии пурра харобгардидаи сокинони ду ноҳия оғоз гардидааст ва ба сокинони манзилҳои истиқоматияшон қисман зарардида тамоми масолеҳи сохтмонӣ кумак карда шудааст.Инчунин тамоми зарардидагони эҳтиёҷманд ба ҷойҳои бехавф кӯчонида шуда, бо хаймаҳо, ашёи рӯзгор ва маводи хӯрокворӣ таъмин карда шудаанд.Ёдовар мешавем, ки 13 апрел дар ҳудуди Тоҷикистон заминларза ба амал омад. Қувваи ларзиши замин дар марказаш, ки дар километри 160-уми самти шимолу шарқ аз шаҳри Душанбе ва километри 21-уми самти шарқ аз маркази ноҳияи Рашт қарор дошт, 5-6 балл ва дар шаҳри Душанбе 3 баллро ташкил дод.
https://sputnik.tj/20250420/sughd-osebdidagon-zilzila-rasht-kumak-firistod-1067057125.html
рашт
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, заминларза, офати табиӣ, рашт, тоҷикиобод, эмомалӣ раҳмон, кӯмак, кумак
тоҷикистон, заминларза, офати табиӣ, рашт, тоҷикиобод, эмомалӣ раҳмон, кӯмак, кумак
Раҳмон ба зарардидагони офати табиӣ дар ноҳияҳои Рашт ва Тоҷикобод боз кумак фиристод
18:59 25.04.2025 (Навсозишуда: 14:41 27.04.2025) Корвони кумакҳои навбатии президенти Тоҷикистон, иборат аз масолеҳи сохтмонӣ барои зарардидагони заминларза дар ноҳияҳои Рашту Тоҷикобод равон карда шуд
ДУШАНБЕ, 25 апр — Sputnik. Кумакҳои навбатии раисҷумҳури кишвар ба зарардидагони офати табиии дар ноҳияҳои Рашт ва Тоҷикобод фиристода шуд, иттилоъ додааст шабакаи “Телевизиони Тоҷикистон”.
Ба иттилои манбаъ, Кумакҳо дар ҳаҷми зарурӣ иборат аз семент, хишт ва тахта давоми рӯз ба минтақаҳои зарадидаи ноҳияҳои Рашту Тоҷикобод дастрас карда мешаванд.
Бояд гуфт, ки 15 апрел дар асоси дастури президенти Тоҷикистон ба зарардидагони заминларзаи ноҳияҳои Рашту Тоҷикобод кумакҳо, иборат аз маҳсулоти хӯрокворӣ, ашёи хоҷагидорӣ ва масолеҳи сохтмонӣ фиристода шуда буд.
Ҳамзамон 17 апрел Эмомалӣ Раҳмон дар маҷлиси ғайринавбатии ҳукумати кишвар барои ҳарчи зудтар ва пурра рафъ намудани оқибатҳои ин заминларза, ҳалли мушкилиҳои пешомада ва бо ёрии ҳамаҷониба фаро гирифтани аҳолии осебдида ба Комиссияи ҳукуматӣ, мақомоти дахлдор ва раисони ноҳияҳои Рашту Тоҷикобод супоришҳо дода буд.
Эмомалӣ Раҳмон аз вазорату идораҳои дахлдор талаб карда буд, ки барои ҳарчи зудтар ба роҳ мондани раванди таълим, ба табобати саривақтӣ фаро гирифтани нафарони ҷароҳатҳои ҷисмонӣ бардошта, назорати қатъии ҳолати санитарию эпидемиологии минтақаҳои аз офати табиӣ зарардида ва сари вақт таъмин кардани сокинон бо маводи доруворӣ ва дигар лавозимоти тиббӣ тадбирҳои қатъӣ андешанд.
Таъкид гардид, ки фаъолияти муассисаҳои таълимӣ ва раванди таълиму тарбияи хонандагон, аз ҷумла дар ҷойҳои муваққатӣ бояд бемонеа идома ёбад.
Дар ҳоли ҳозир ба иттилои мақомоти расмии Тоҷикистон барои аҳолии аз офати табиӣ зарардидаи ноҳияҳои Тоҷикободу Рашт расонидани кумакҳои ҳамаҷонибаи фаврӣ идома дорад.
Ҳамчунин, бунёди манзилҳои истиқоматии пурра харобгардидаи сокинони ду ноҳия оғоз гардидааст ва ба сокинони манзилҳои истиқоматияшон қисман зарардида тамоми масолеҳи сохтмонӣ кумак карда шудааст.
Инчунин тамоми зарардидагони эҳтиёҷманд ба ҷойҳои бехавф кӯчонида шуда, бо хаймаҳо, ашёи рӯзгор ва маводи хӯрокворӣ таъмин карда шудаанд.
Ёдовар мешавем, ки 13 апрел дар ҳудуди Тоҷикистон заминларза ба амал омад. Қувваи ларзиши замин дар марказаш, ки дар километри 160-уми самти шимолу шарқ аз шаҳри Душанбе ва километри 21-уми самти шарқ аз маркази ноҳияи Рашт қарор дошт, 5-6 балл ва дар шаҳри Душанбе 3 баллро ташкил дод.
