Тоҷикистону Узбекистон корҳои муштараки иктишофи геологӣ дар ВМКБ-ро баррасӣ карданд

© Foto / Главное управление геологии при Правительстве Республики ТаджикистанВстреча руководства Главного управления геологии при Правительстве Республики Таджикистан с делегацией Министерства горной промышленности и геологии Республики Узбекистан.
Встреча руководства Главного управления геологии при Правительстве Республики Таджикистан с делегацией Министерства горной промышленности и геологии Республики Узбекистан. - Sputnik Тоҷикистон, 1920, 05.03.2025
Обуна шудан
Дар пойтахти Тоҷикистон баррасии масоили рушди ҳамкорӣ бо ҳайати вазорати саноати кӯҳӣ ва геологияи Узбекистон сурат гирифт
ДУШАНБЕ, 5 мар — Sputnik. Роҳбарияти Саридораи геологияи Тоҷикистон бо ҳайати Вазорати саноати кӯҳӣ ва геологияи Узбекистон мулоқот кард.
Дар ин бора дафтари матбуоти Саридораи геологияи Тоҷикистон хабар додааст.
Ба иттилои манбаъ, зимни мулоқот масъалаҳои рушди ҳамкории дуҷонибаи соҳаи геология баррасӣ шуд.
Ҳамчунин ба иттилои манбаъ, дар ин дидор корҳои муштараки иктишофи геологӣ, рақамикунонии маводи геологӣ ва пешниҳоди ҳисоботи оморӣ 5gr-6gr дар формати электронӣ ва онлайнӣ ва ба роҳ мондани ҳамкории муштарак дар қаламрави Вилояти Мухтори Кӯҳистони Бадахшон (Помир) мавриди баррасӣ қарор гирифт.
Грузовик на горной дороге - Sputnik Тоҷикистон, 1920, 11.09.2024
Транзити молҳои Тоҷикистон тариқи Узбекистон соддатар мешавад
Саридораи геологияи Тоҷикистон қайд кардааст, ки сафари ҳайати Вазорати саноати кӯҳӣ ва геологияи Узбекистон ба кишвар то 8-уми март идома хоҳад ёф.
Дар доираи он меҳмонон аз ташхисгоҳҳои геологӣ ва Осорхонаи геологӣ боздид хоҳанд кард.
Инчунин ба иттилои Саридораи геологияи Тоҷикистон дар доираи сафар имзои протоколи ҳамкорӣ бо ҳайати Узбекистон дар назар дошта шудааст.
Лентаи хабарҳо
0