https://sputnik.tj/20250112/milisa-tojikiston-kumak-oshkorsozi-jinoyot-mukofotpuli-elon-1065834322.html
Милисаи Тоҷикистон барои кумак дар ошкорсозии ҷиноёт мукофотпулӣ эълон кард
Милисаи Тоҷикистон барои кумак дар ошкорсозии ҷиноёт мукофотпулӣ эълон кард
Sputnik Тоҷикистон
Ин шеваи ҳавасмандсозии шаҳрвандон ба ҳамкорӣ дар ошкорсозии ҷиноятҳои сангин дар Тоҷикистон вақтҳои охир зиёд шуда, натиҷа низ додааст.
2025-01-12T16:51+0500
2025-01-12T16:51+0500
2025-01-12T15:56+0500
дар тоҷикистон
вкд
мукофотпулӣ
рӯйдод, ҷиноят ва ҳолатҳои фавқулода
https://cdnn1.img.sputnik.tj/img/102263/00/1022630093_0:131:2501:1537_1920x0_80_0_0_89ed781e24fb218211cb7d60e68eabb4.jpg
ДУШАНБЕ, 11 янв — Sputnik. Раёсати кофтукови ҷиноятии ВКД Тоҷикистон аз сокинони ҷумҳурӣ хост, дар ошкор намудани ду ҷиноят мусоидат намоянд ва барои кумак 200 ҳазор сомонӣ мукофотпулӣ ваъда дод. Ин ҷиноятҳо куштори ду сокини Ваҳдат пайиҳам будаанд, ки феълан милиса дар ҷустуҷӯи ҷинояткорон аст. ВКД мегӯяд, шаби 6-ум ба 7-уми декабри соли 2024 кушиори сокини 50-солаи ҷамоати Чуянгарон, деҳаи Бонғураи шаҳри Ваҳдат рух додаст. Инчунин 5 декабри соли 2024 дар шаҳри Ваҳдат куштори сокини 76-солаи ҷамоати А. Абдулвосиев, деҳаи Баҳористон содир гардидааст. Махфӣ нигоҳ доштани шахсият ва таъмини амнияти шахси мусоидаткунанда кафолат дода мешавад, таъкид кардааст ВКД ва рақамҳои телефонии телефонии +992 918-63-33-50 ва почтаи электрони mvduur.tj@gmail.com барои пешниҳоди маълумот ироа кардаст. Маврид ба зикр аст, ки вақтҳои охир дар ҷумҳурӣ барои пешниҳоди маълумот дар бораи ҷиноятҳои сангин мукофотпулиҳо дода мешаванд. Қаблан ҳодисаи ҳамла ба ронандаи таксӣ дар Душанбе танҳо баъди он ошкор шуд, ки барои маълумот дар мавриди нафари муттаҳам 100 ҳазор сомонӣ мукофотпулӣ эълон шуда буд. Маҳз дар натиҷаи коркард ва санҷиши ахбороти аз ҷониби як нафар шаҳрванд, ки тариқи суроғаҳои электронӣ ба мақомоти милитсия ворид гардид, гумонбари ҷинояти қасдан расонидани зарари вазнин ба саломатӣ, ки беш аз 6-моҳ дар ҷустуҷӯ қарор дошт, муайян карда шуд, иттилоъ дод ВКД ва афзуд, ки мукофотпулиро супурд. ВКД таъкид намудаст, ки ошкор ва пешгирии кирдорҳои ҷиноятию ҳуқуқвайронкунӣ, таъмини тартиботи ҷамъиятӣ ва ҳифзи ҳуқуқу манфиатҳои шаҳрвандон, пеш аз ҳама дар натиҷаи ҳамкорӣ ва эътимоду боварии шаҳрвандон ба мақомоти ҳифзи ҳуқуқ ба даст меоянд.
https://sputnik.tj/20241221/bozdosht-robita-qatlho-mudhish-konibodom-1065609051.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
милиса тоҷикистон кумак ошкорсозӣ ҷиноёт мукофотпулӣ эълон
милиса тоҷикистон кумак ошкорсозӣ ҷиноёт мукофотпулӣ эълон
Милисаи Тоҷикистон барои кумак дар ошкорсозии ҷиноёт мукофотпулӣ эълон кард
Ин шеваи ҳавасмандсозии шаҳрвандон ба ҳамкорӣ дар ошкорсозии ҷиноятҳои сангин дар Тоҷикистон вақтҳои охир зиёд шуда, натиҷа низ додааст.
ДУШАНБЕ, 11 янв — Sputnik. Раёсати кофтукови ҷиноятии ВКД Тоҷикистон аз сокинони ҷумҳурӣ хост, дар ошкор намудани ду ҷиноят мусоидат намоянд ва барои кумак 200 ҳазор сомонӣ мукофотпулӣ ваъда дод.
Ин ҷиноятҳо куштори ду сокини Ваҳдат пайиҳам будаанд, ки феълан милиса дар ҷустуҷӯи ҷинояткорон аст.
ВКД мегӯяд, шаби 6-ум ба 7-уми декабри соли 2024 кушиори сокини 50-солаи ҷамоати Чуянгарон, деҳаи Бонғураи шаҳри Ваҳдат рух додаст.
Инчунин 5 декабри соли 2024 дар шаҳри Ваҳдат куштори сокини 76-солаи ҷамоати А. Абдулвосиев, деҳаи Баҳористон содир гардидааст.
“Барои муайян кардани ҳолатҳо ва боздошти гумонбаршудагон мукофотпулӣ ба андозаи 200 000 сомонӣ ба шахсоне дода мешавад, ки маълумоти боэътимод ва дақиқ оид ба ин ҷиноятҳо пешниҳод менамоянд”, - омадаст дар эълони ВКД.
Махфӣ нигоҳ доштани шахсият ва таъмини амнияти шахси мусоидаткунанда кафолат дода мешавад, таъкид кардааст ВКД ва рақамҳои телефонии телефонии +992 918-63-33-50 ва почтаи электрони mvduur.tj@gmail.com барои пешниҳоди маълумот ироа кардаст.
Маврид ба зикр аст, ки вақтҳои охир дар ҷумҳурӣ барои пешниҳоди маълумот дар бораи ҷиноятҳои сангин мукофотпулиҳо дода мешаванд.
Қаблан ҳодисаи ҳамла ба ронандаи таксӣ дар Душанбе танҳо баъди он ошкор шуд, ки барои маълумот дар мавриди нафари муттаҳам 100 ҳазор сомонӣ мукофотпулӣ эълон шуда буд.
Маҳз дар натиҷаи коркард ва санҷиши ахбороти аз ҷониби як нафар шаҳрванд, ки тариқи суроғаҳои электронӣ ба мақомоти милитсия ворид гардид, гумонбари ҷинояти қасдан расонидани зарари вазнин ба саломатӣ, ки беш аз 6-моҳ дар ҷустуҷӯ қарор дошт, муайян карда шуд, иттилоъ дод ВКД ва афзуд, ки мукофотпулиро супурд.
ВКД таъкид намудаст, ки ошкор ва пешгирии кирдорҳои ҷиноятию ҳуқуқвайронкунӣ, таъмини тартиботи ҷамъиятӣ ва ҳифзи ҳуқуқу манфиатҳои шаҳрвандон, пеш аз ҳама дар натиҷаи ҳамкорӣ ва эътимоду боварии шаҳрвандон ба мақомоти ҳифзи ҳуқуқ ба даст меоянд.
