https://sputnik.tj/20241201/ruzho-farhang-tojikiston-chin-barguzor-1065332937.html
Рӯзҳои фарҳанги Тоҷикистон дар Чин баргузор мешаванд
Рӯзҳои фарҳанги Тоҷикистон дар Чин баргузор мешаванд
Sputnik Тоҷикистон
Чорабиниҳо бо ҳадафи таҳкими равобити фарҳангии дуҷониба ва табодули таҷриба миёни ҳунармандони ду кишвар баргузор мешаванд 01.12.2024, Sputnik Тоҷикистон
2024-12-01T13:29+0500
2024-12-01T13:29+0500
2024-12-01T13:36+0500
дар тоҷикистон
рӯзҳои фарҳангӣ
чин
фарҳанг
вазорати фарҳанг
https://cdnn1.img.sputnik.tj/img/07e8/07/05/1063428038_0:318:3073:2047_1920x0_80_0_0_6f13e589b8cbd13e532f0efc483f3a06.jpg
ДУШАНБЕ, 1 дек— Sputnik. Дар моҳи апрели соли 2025 қарор аст, ки Рӯзҳои фарҳанги Тоҷикистон дар Чин баргузор шавад. Дар ин бора аз Вазорати фарҳанги ҷумҳурӣ хабар доданд. Маълум аст, ки чунин тасмим пас аз мулоқоти раиси Вазорати фарҳанги Тоҷикистон Матлубахон Сатториён бо сафири Чин дар ин кишвар Ҷи Шумин гирифта шудааст. Зимни мулоқот ҷонибҳо ташкили намоишгоҳҳо, таҳияи барномаҳои фарҳангӣ ва як қатор масъалаҳои табодули таҷриба миёни ҳунармандони ду кишварро баррасӣ карданд.Таъкид гардид, ки дар ҷараёни мулоқот ба таҳкими равобити фарҳангии дуҷониба аҳамияти хоса дода шуд, ки онҳо дар рушди ҳамкориҳои башардӯстона нақши муҳим доранд. Дар Рӯзҳои фарҳангӣ дар Чин Тоҷикистон ҳунари миллӣ, анъана ва мероси фарҳангии худро ба намоиш мегузорад. Гуфта мешавад, ки дар барнома намоишгоҳи рассомон, консертҳо ва дарсҳои маҳорат дар назар гирифта шудааст. Ба гуфтаи Матлубахон Сатториён, баргузории чунин чорабиниҳо ба таҳкими дӯстии мардум ва равобити Тоҷикистону Чин мусоидат мекунад.Дар навбати худ Сафири Чин Ҷи Шумин аҳамияти муколамаи фарҳангиро барои густариши ҳусни тафоҳум байни давлатҳо қайд намуда, изҳори боварӣ намуд, ки чорабиниҳо бомуваффақият баргузор мешаванд.Ёдовар мешавем, ки охири моҳи ноябр дар Тоҷикистон низ Рӯзҳои фарҳанги Белорус баргузор шуданд. Дар ин муддат дар ҷумҳурӣ барномахои гуногуни бадеӣ ва намоиши филми адабӣ-ҳуҷҷатии ду мамлакат "Хуни дил" барпо гардид.Барои сокинони Душанбе барномаи ҷолиби ҳунарӣ пешкаш карда шуда, меҳмонони хориҷӣ дар навбати худ ҷойҳои асосии пойтахтро тамошо карданд.
https://sputnik.tj/20241126/musiqivu-surud-raqs-ruzhoi-farhangi-belarus-tojikiston-video-1065275406.html
чин
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, рӯзҳои фарҳангӣ, чин, фарҳанг, вазорати фарҳанг
дар тоҷикистон, рӯзҳои фарҳангӣ, чин, фарҳанг, вазорати фарҳанг
Рӯзҳои фарҳанги Тоҷикистон дар Чин баргузор мешаванд
13:29 01.12.2024 (Навсозишуда: 13:36 01.12.2024) Чорабиниҳо бо ҳадафи таҳкими равобити фарҳангии дуҷониба ва табодули таҷриба миёни ҳунармандони ду кишвар баргузор мешаванд
ДУШАНБЕ, 1 дек— Sputnik. Дар моҳи апрели соли 2025 қарор аст, ки Рӯзҳои фарҳанги Тоҷикистон дар Чин баргузор шавад.
Дар ин бора аз Вазорати фарҳанги ҷумҳурӣ хабар доданд.
Маълум аст, ки чунин тасмим пас аз мулоқоти раиси Вазорати фарҳанги Тоҷикистон Матлубахон Сатториён бо сафири Чин дар ин кишвар Ҷи Шумин гирифта шудааст.
Зимни мулоқот ҷонибҳо ташкили намоишгоҳҳо, таҳияи барномаҳои фарҳангӣ ва як қатор масъалаҳои табодули таҷриба миёни ҳунармандони ду кишварро баррасӣ карданд.
Таъкид гардид, ки дар ҷараёни мулоқот ба таҳкими равобити фарҳангии дуҷониба аҳамияти хоса дода шуд, ки онҳо дар рушди ҳамкориҳои башардӯстона нақши муҳим доранд.
Дар Рӯзҳои фарҳангӣ дар Чин Тоҷикистон ҳунари миллӣ, анъана ва мероси фарҳангии худро ба намоиш мегузорад.
Гуфта мешавад, ки дар барнома намоишгоҳи рассомон, консертҳо ва дарсҳои маҳорат дар назар гирифта шудааст.
Ба гуфтаи Матлубахон Сатториён, баргузории чунин чорабиниҳо ба таҳкими дӯстии мардум ва равобити Тоҷикистону Чин мусоидат мекунад.
Дар навбати худ Сафири Чин Ҷи Шумин аҳамияти муколамаи фарҳангиро барои густариши ҳусни тафоҳум байни давлатҳо қайд намуда, изҳори боварӣ намуд, ки чорабиниҳо бомуваффақият баргузор мешаванд.
Ёдовар мешавем, ки охири моҳи ноябр дар Тоҷикистон низ Рӯзҳои фарҳанги Белорус баргузор шуданд. Дар ин муддат дар ҷумҳурӣ барномахои гуногуни бадеӣ ва намоиши филми адабӣ-ҳуҷҷатии ду мамлакат "Хуни дил" барпо гардид.
Барои сокинони Душанбе барномаи ҷолиби ҳунарӣ пешкаш карда шуда, меҳмонони хориҷӣ дар навбати худ ҷойҳои асосии пойтахтро тамошо карданд.
