https://sputnik.tj/20241127/imzo-protokol-masalai-marz-tojikistonu-qirghiziston-buston-1065278670.html
Имзои боз як протокол: Баррасии масъалаи марз миёни Тоҷикистону Қирғизистон дар Бӯстон
Имзои боз як протокол: Баррасии масъалаи марз миёни Тоҷикистону Қирғизистон дар Бӯстон
Sputnik Тоҷикистон
Дар вилояти Суғди Тоҷикистон ҳайатҳои ҳайатҳои ҳукуматии Тоҷикистон ва Қирғизистон масъалаи аломатгузории марзро баррасӣ карданд
2024-11-27T09:36+0500
2024-11-27T09:36+0500
2024-11-27T12:20+0500
вазъ дар марзи тоҷикистону қирғизистон
дар тоҷикистон
қирғизистон
марз
аломатгузорӣ
суғд
бӯстон
мулоқот
https://cdnn1.img.sputnik.tj/img/07e8/0b/1a/1065279326_0:185:2713:1711_1920x0_80_0_0_8000111282fa602621433b2a4550ab27.jpg
ДУШАНБЕ, 27 ноя — Sputnik. Ба иттилои Кумитаи давлатии амнияти миллии Тоҷикистон вохӯрии навбатии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатии ду кишвар баргузор гардид.Вохӯрии навбатӣ аз 20 ноябр то 26 ноябри соли 2024 дар шаҳри Бӯстони вилояти Суғди Тоҷикистон сурат гирифтааст.Тибқи иттилои манбаъ, дар вохӯрӣ ба мувофиқа расиданд, ки ҷонибҳо дар мулоқоти навбатӣ, ки дар қаламрави Ҷумҳурии Қирғизистон баргузор мегардад, корҳоро оид ба тавсифи қитъаҳои боқимондаи сарҳади давлатии Тоҷикистон ва Қирғизистон идома медиҳанд.Қайд карда шудааст, ки ҳайатҳои расмӣ дар анҷоми мулоқот Протоколи дахлдор ба имзо расид.КДАМ таъкид кардааст, ки вохӯрӣ дар фазои дӯстона ва ҳусни тафоҳум доир гардид.Ёдовар мешавем, ки 24 ноябр раисони Кумитаи давлатии амнияти миллии Тоҷикистону Қирғизистон Саймумин Ятимов ва Қамчибек Ташиев масоили таъйини марзи муштаракро баррасӣ карданд.Онҳо ҳамраисҳои ҳайатҳои ҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистон мебошанд.Музокирот дар Бӯстони вилояти Суғд сурат гирифт.Дар натиҷа, тасмим гирифта шуд, ки ҷонибҳо барои муайян кардани сарҳад дар минтақаҳои боқимонда корҳоро идома диҳанд.Сарони ҳайатҳои ду кишвар масъалаҳои делимитатсияи сарҳади муштаракро баррасӣ намуда, "ба гурӯҳҳои корӣ <...> супоришҳои мушаххас доданд, то корҳоро оид ба муайян кардани мавқеъи хатти марзии ду давлат дар қисматҳои боқимонда идома диҳанд."Марзи Тоҷикистону ҚирғизистонТоҷикистон ва Қирғизистон 970 километр марзи муштарак доранд. Дар ҳамин ҳол, қисмате аз хати он ҳанӯз мушаххас ва ё аломатгузорӣ нашудааст.Ин вазъ пас аз пошхӯрии Иттиҳоди Шӯравӣ ба вуҷуд омадааст - ҷонибҳо наметавонанд дар мавриди моликияти даҳҳо қитъаҳои баҳсбарангез ба созиш бирасанд.Ҳудуди муайяннашуда доиман ба минтақаи низоъҳои байни аҳолии маҳаллӣ табдил ёфта, сарҳадбонони ду кишвар низ ба он ҷалб мешуданд. Раисони ҷумҳури Тоҷикистону Қирғизистон Эмомалӣ Раҳмон ва Содир Ҷабборов борҳо масъалаи марзро баррасӣ кардаанд.Вазъ дар минтақаҳои баҳсбарангезро Созмони Паймони Амнияти Дастаҷамъӣ (СПАД) низ таҳти назорати ҷиддӣ қарор медиҳад.Дар чанд соли ахир мақомоти Тоҷикистону Қирғизистон барои ҳалли ин масъала ба таври фаъол гуфтушунид доранд. Вохӯриҳо бо навбат дар ҳудуҳои ҳар ду ҷумҳурӣ барпо мегарданд. Тарафҳо ният доранд, ки корро дар ояндаи наздик пурра ба анҷом расонанд.
https://sputnik.tj/20241124/muloqot-saron-kumita-davlati-amniyat-tojikiston-qirghiziston-marz-1065246902.html
https://sputnik.tj/20240917/taboduli-peshnihodho-marz-miyoni-tojikistonu-qirghiziston-1064367884.html
қирғизистон
суғд
бӯстон
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, қирғизистон, марз, баррасӣ, бӯстон, мулоқот, аломатгузорӣ
тоҷикистон, қирғизистон, марз, баррасӣ, бӯстон, мулоқот, аломатгузорӣ
Имзои боз як протокол: Баррасии масъалаи марз миёни Тоҷикистону Қирғизистон дар Бӯстон
09:36 27.11.2024 (Навсозишуда: 12:20 27.11.2024) Дар вилояти Суғди Тоҷикистон ҳайатҳои ҳайатҳои ҳукуматии Тоҷикистон ва Қирғизистон масъалаи аломатгузории марзро баррасӣ карданд
ДУШАНБЕ, 27 ноя — Sputnik. Ба иттилои Кумитаи давлатии амнияти миллии Тоҷикистон вохӯрии навбатии гурӯҳҳои кории топографӣ ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатии ду кишвар баргузор гардид.
Вохӯрии навбатӣ аз 20 ноябр то 26 ноябри соли 2024 дар шаҳри Бӯстони вилояти Суғди Тоҷикистон сурат гирифтааст.
Тибқи иттилои манбаъ, дар вохӯрӣ ба мувофиқа расиданд, ки ҷонибҳо дар мулоқоти навбатӣ, ки дар қаламрави Ҷумҳурии Қирғизистон баргузор мегардад, корҳоро оид ба тавсифи қитъаҳои боқимондаи сарҳади давлатии Тоҷикистон ва Қирғизистон идома медиҳанд.
Қайд карда шудааст, ки ҳайатҳои расмӣ дар анҷоми мулоқот Протоколи дахлдор ба имзо расид.
КДАМ таъкид кардааст, ки вохӯрӣ дар фазои дӯстона ва ҳусни тафоҳум доир гардид.
Ёдовар мешавем, ки 24 ноябр раисони Кумитаи давлатии амнияти миллии Тоҷикистону Қирғизистон Саймумин Ятимов ва Қамчибек Ташиев масоили таъйини марзи муштаракро баррасӣ карданд.
Онҳо ҳамраисҳои ҳайатҳои ҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистон мебошанд.
Музокирот дар Бӯстони вилояти Суғд сурат гирифт.
Дар натиҷа, тасмим гирифта шуд, ки ҷонибҳо барои муайян кардани сарҳад дар минтақаҳои боқимонда корҳоро идома диҳанд.
Сарони ҳайатҳои ду кишвар масъалаҳои делимитатсияи сарҳади муштаракро баррасӣ намуда, "ба гурӯҳҳои корӣ <...> супоришҳои мушаххас доданд, то корҳоро оид ба муайян кардани мавқеъи хатти марзии ду давлат дар қисматҳои боқимонда идома диҳанд."
Марзи Тоҷикистону Қирғизистон
Тоҷикистон ва Қирғизистон 970 километр марзи муштарак доранд. Дар ҳамин ҳол, қисмате аз хати он ҳанӯз мушаххас ва ё аломатгузорӣ нашудааст.
Ин вазъ пас аз пошхӯрии Иттиҳоди Шӯравӣ ба вуҷуд омадааст - ҷонибҳо наметавонанд дар мавриди моликияти даҳҳо қитъаҳои баҳсбарангез ба созиш бирасанд.
Ҳудуди муайяннашуда доиман ба минтақаи низоъҳои байни аҳолии маҳаллӣ табдил ёфта, сарҳадбонони ду кишвар низ ба он ҷалб мешуданд. Раисони ҷумҳури Тоҷикистону Қирғизистон Эмомалӣ Раҳмон ва Содир Ҷабборов борҳо масъалаи марзро баррасӣ кардаанд.
Вазъ дар минтақаҳои баҳсбарангезро Созмони Паймони Амнияти Дастаҷамъӣ (СПАД) низ таҳти назорати ҷиддӣ қарор медиҳад.
Дар чанд соли ахир мақомоти Тоҷикистону Қирғизистон барои ҳалли ин масъала ба таври фаъол гуфтушунид доранд. Вохӯриҳо бо навбат дар ҳудуҳои ҳар ду ҷумҳурӣ барпо мегарданд. Тарафҳо ният доранд, ки корро дар ояндаи наздик пурра ба анҷом расонанд.
