https://sputnik.tj/20240921/dehai-vmkb-barq-tamin-meshavad-1064422189.html
Дар ВМКБ ба 62 деҳаи бебарқ равшанӣ мерасад
Дар ВМКБ ба 62 деҳаи бебарқ равшанӣ мерасад
Sputnik Тоҷикистон
Амалисозии лоиҳаи “Барқикунонии деҳоти Тоҷикистон (TREP)” дар ҳудуди Вилояти Мухтори Кӯҳистони Бадахшон бомаром идома дорад
2024-09-21T12:52+0500
2024-09-21T12:52+0500
2024-09-21T12:52+0500
дар тоҷикистон
барқ
энергетика
вмкб
деҳот
https://cdnn1.img.sputnik.tj/img/07e7/08/11/1058897255_201:134:3054:1739_1920x0_80_0_0_35993e8f340acf184d88986c5a2169e1.jpg
ДУШАНБЕ, 21 сен — Sputnik. Дар доираи лоиҳаи “Барқикунонии деҳоти Тоҷикистон (TREP)” 62 деҳаи бебарқи минтақаҳои дурдасти вилоят бо барқ таъмин хоҳанд шуд, иттилоъ додааст Ширкати “Помир Энерҷи”.Қайд карда шудааст, ки аксарияти ин деҳаҳо дар ноҳияи баландкӯҳи Мурғоб ҷойгир мебошанд.Қайд карда шудааст, ки корҳо дар доираи амалисозии ин лоиҳа 13-уми ноябри соли 2019 оғоз гардида, то моҳи декабри соли 2025 пурра бояд ба анҷом расанд.Лоиҳа аз ду марҳала иборат буда, марҳалаи якуми он соли 2021 ба итмом расид.Ба иттилои манбаъ, дар марҳалаи аввал 27 деҳаи бебарқ ва 1114 муштарӣ тавассути сохтмони хатҳои интиқол ва тақсими қувваи барқи 10 ва 0,4кВ бо насби зеристгоҳҳои трансформатории хурд ва гузарондани ноқилҳои дарунӣ ба қувваи барқ пайваст гардиданд.Қайд карда шудааст, ки дар марҳалаи дуюм, ки аз соли 2021 оғоз ёфт, сохтмони шабакаҳои хурди автономӣ бо истифодаи панелҳои офтобӣ дар якҷоягӣ бо системаҳои батареявӣ ва як неругоҳи бодӣ дар назар аст.Мутобиқи лоиҳа, ширкати “Помир Энерҷи” дар ин давра сохтмони 13 неругоҳи барқи обӣ, 30 неругоҳи офтобиро бо системаи батареяҳо ва неругоҳи барқии бодии 200кВт-ро ба нақша гирифтааст.“Помир Энерҷи” ният дорад, ки то охири соли 2024 боз 7 неругоҳи барқии офтобиро дар якҷоягӣ бо системаҳои батареявӣ бо иқтидори умумии 5,3 мВт дар деҳаҳои Аличор, Башгумбез, Булункӯл, Чечекде, Оқтал, Мамадзоири ноҳияи Мурғоб ва деҳаи Харгӯшии ноҳияи Ишкошим сохта ба истифода диҳад.Марҳалаи дуюми амалигардонии лоиҳаи мазкур то соли 2025 идома ёфта, тавоноии стансияҳои барқии офтобӣ дар ин давра аз 33 кВт-и соли 2021 то охири амалигардонии барнома ба 2600 кВт мерасад.Ноҳияи Мурғоб минтақаи баландкӯҳ буда, деҳаҳои он аз ҳамдигар дар масофаи то 150-200 км дурӣ ҷойгиранд.Аз ин хотир, сохтмони иншооти барқӣ, мисли кашидани хатҳои барқӣ ба ин деҳаҳо хароҷоти калонро талаб мекунад.
https://sputnik.tj/20240830/barq-ziyod-rahmon-charkhai-nbo-norak-navsozi-1064130797.html
вмкб
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
вмкб, тоҷикистон, барқ, таъмин, деҳот, энергетика
вмкб, тоҷикистон, барқ, таъмин, деҳот, энергетика
Дар ВМКБ ба 62 деҳаи бебарқ равшанӣ мерасад
Амалисозии лоиҳаи “Барқикунонии деҳоти Тоҷикистон (TREP)” дар ҳудуди Вилояти Мухтори Кӯҳистони Бадахшон бомаром идома дорад
ДУШАНБЕ, 21 сен — Sputnik. Дар доираи лоиҳаи “Барқикунонии деҳоти Тоҷикистон (TREP)” 62 деҳаи бебарқи минтақаҳои дурдасти вилоят бо барқ таъмин хоҳанд шуд, иттилоъ додааст Ширкати “Помир Энерҷи”.
Қайд карда шудааст, ки аксарияти ин деҳаҳо дар ноҳияи баландкӯҳи Мурғоб ҷойгир мебошанд.
Қайд карда шудааст, ки корҳо дар доираи амалисозии ин лоиҳа 13-уми ноябри соли 2019 оғоз гардида, то моҳи декабри соли 2025 пурра бояд ба анҷом расанд.
Лоиҳа аз ду марҳала иборат буда, марҳалаи якуми он соли 2021 ба итмом расид.
Ба иттилои манбаъ, дар марҳалаи аввал 27 деҳаи бебарқ ва 1114 муштарӣ тавассути сохтмони хатҳои интиқол ва тақсими қувваи барқи 10 ва 0,4кВ бо насби зеристгоҳҳои трансформатории хурд ва гузарондани ноқилҳои дарунӣ ба қувваи барқ пайваст гардиданд.
Қайд карда шудааст, ки дар марҳалаи дуюм, ки аз соли 2021 оғоз ёфт, сохтмони шабакаҳои хурди автономӣ бо истифодаи панелҳои офтобӣ дар якҷоягӣ бо системаҳои батареявӣ ва як неругоҳи бодӣ дар назар аст.
Мутобиқи лоиҳа, ширкати “Помир Энерҷи” дар ин давра сохтмони 13 неругоҳи барқи обӣ, 30 неругоҳи офтобиро бо системаи батареяҳо ва неругоҳи барқии бодии 200кВт-ро ба нақша гирифтааст.
“Помир Энерҷи” ният дорад, ки то охири соли 2024 боз 7 неругоҳи барқии офтобиро дар якҷоягӣ бо системаҳои батареявӣ бо иқтидори умумии 5,3 мВт дар деҳаҳои Аличор, Башгумбез, Булункӯл, Чечекде, Оқтал, Мамадзоири ноҳияи Мурғоб ва деҳаи Харгӯшии ноҳияи Ишкошим сохта ба истифода диҳад.
Марҳалаи дуюми амалигардонии лоиҳаи мазкур то соли 2025 идома ёфта, тавоноии стансияҳои барқии офтобӣ дар ин давра аз 33 кВт-и соли 2021 то охири амалигардонии барнома ба 2600 кВт мерасад.
Ноҳияи Мурғоб минтақаи баландкӯҳ буда, деҳаҳои он аз ҳамдигар дар масофаи то 150-200 км дурӣ ҷойгиранд.
Аз ин хотир, сохтмони иншооти барқӣ, мисли кашидани хатҳои барқӣ ба ин деҳаҳо хароҷоти калонро талаб мекунад.
