https://sputnik.tj/20240830/barq-ziyod-rahmon-charkhai-nbo-norak-navsozi-1064130797.html

Барқ зиёд мешавад?: Раҳмон чархаи чаҳоруми НБО “Норак”-ро баъд аз навсозӣ ба кор даровард

Барқ зиёд мешавад?: Раҳмон чархаи чаҳоруми НБО “Норак”-ро баъд аз навсозӣ ба кор даровард

Sputnik Тоҷикистон

Иқтидори тавлиди гидроагрегати чоруми неругоҳ баъди навсозӣ дар як шабонарӯз ба 8 миллиону 266 ҳазору 519 кВт/соат неруи барқ мерасад

2024-08-30T11:59+0500

2024-08-30T11:59+0500

2024-08-30T12:00+0500

дар тоҷикистон

барқ

энергетика

нбо норак

чарха

навсозӣ

https://cdnn1.img.sputnik.tj/img/07e8/08/1e/1064129578_0:107:2048:1259_1920x0_80_0_0_0b6d7724affe8c355afce578671556c2.jpg

ДУШАНБЕ, 30авг — Sputnik. Президенти Тоҷикистон Эмомалӣ Раҳмон бо сафари корӣ ба шаҳри Норак сафар кард ва бо рафти навсозии неругоҳи Норак шинос шуд, иттилоъ додааст Хадамоти матбуоти раисҷумҳури кишвар.Ба иттилои манбаъ, зимни боздид раисҷумҳури кишвар агрегати чоруми нерӯгоҳро баъди таҷдид ба истифода додҚайд карда шудааст, ки корҳои таҷдиду навсозии неругоҳи обии “Норак” соли 2019 оғоз гардида, барои анҷоми корҳо маблағи умумии 35 миллиону 193 ҳазор евро равона карда шуд.Иқтидори тавлиди гидроагрегати чоруми неругоҳ баъди навсозӣ дар як шабонарӯз ба 8 миллиону 266 ҳазору 519 кВт/соат неруи барқ мерасад.Агрегати навсозишударо бо пахши тугма Эмомалӣ Раҳмон дар фазои тантанавӣ ба кор даровард.Қайд карда шудааст, ки кори боэътимоди агрегат бо гузоштани танга дар болои он ҷавобгӯи талаботи стандартҳои байналмилалӣ арзёбӣ гардид.Эмомалӣ Раҳмон ба масъулон супориш дод, ки дар доираи лоиҳа корҳои навсозии дигар агрегатҳо ва таҷҳизоти техникиро бо сифати баланд ва дар муҳлатҳои муайяншуда ба анҷом расонанд.Айни ҳол марҳилаи якуми корҳои навсозӣ дар неругоҳ идома дошта, дар доираи он таҷдиди 3 гидроагрегати дигари неругоҳ, таҷҳизоти асосӣ ва ёрирасони он, ивазнамоии 27 крани борбардор, навсозии 3 ҳалқаи барқии комплекси зеризаминӣ, ивази лифтҳо, таъмири дарбандҳои бефи поён, таҷдиди дарбандҳои куравӣ, навсозии стансияҳои насосии неругоҳ, таҷдиди системаи идора ва назорат ба анҷом расонида шуда, дар маҷмуъ неругоҳи Норак тақрибан мавриди навсозии куллӣ қарор хоҳад гирифт.То имрӯз дар доираи лоиҳа ба ғайр аз пурра навсозӣ гардидани ду гидроагрегати неругоҳ ҳамзамон дастгоҳи тақсимоти кушодаи 220 ва 500 кВ (киловолт) ба дастгоҳи тақсимоти пӯшидаи элегазӣ иваз карда шудҲамзамон Эмомалӣ Раҳмон дар инҷо бо раванди корҳои иҷрошуда дар дарбанди куравии гидроагрегати рақами 4 шинос шуд.Дарбанди куравӣ қисми асосии гидроагрегат ба ҳисоб рафта, ҳангоми кушодани он об вориди камераи спиралӣ мегардад ва ба воситаи чарха гидроагрегат ба даврзанӣ медарояд.Ҳоло дар иншоот корҳои омодагӣ барои навсозии гидроагрегати навбатӣ бо ҷалби кормандону мутахассисони ширкати “Андритс” ва зерпурдратчии он Ҷамъияти саҳомии кушодаи “ТоҷикСГЭМ” идома дорад.Зикр гардидааст, ки ғайр аз ин дар неругоҳ корҳои навсозӣ дар дастгоҳҳои гидромеханикии иншооти гидротехникӣ, ивазнамоии автотрасформаторҳо ва назорати сарбанд аз тарафи ширкатҳои дохилию хориҷӣ идома дорад.Ёдовар мешавем, ки гидроагрегати якуми неругоҳ баъд аз навсозӣ 24 октябри соли 2022 бо иштироки Эмомалӣ Раҳмон мавриди истифода қарор дода шуда буд ва ҳоло бо иқтидори 375 МВт фаъолият дорад.

https://sputnik.tj/20240415/sath-ob-obanbor-nerugoh-norak-1062478035.html

2024

Хабарҳо

tg_TJ

тоҷикистон, нбо норак, чарха, навсозӣ, роҳандоозӣ, иқтидор, барқ, нерӯи барқ