https://sputnik.tj/20240910/idomai-safar-raisjumhur-sugd-rahmon-konibodom-inshoot-iftitoh-1064279809.html
Идомаи сафари раисҷумҳур ба Суғд: Раҳмон ба Конибодом рафту чандин иншоот ифтитоҳ кард
Идомаи сафари раисҷумҳур ба Суғд: Раҳмон ба Конибодом рафту чандин иншоот ифтитоҳ кард
Sputnik Тоҷикистон
Раисҷумҳури Тоҷикистон пас аз таҷлили бо шукуҳи ҷашни Истиқлолияти давлатӣ дар шаҳри Хуҷанд сафари кориашро ба вилояти Суғд идома дод
2024-09-10T15:49+0500
2024-09-10T15:49+0500
2024-09-10T15:49+0500
дар тоҷикистон
конибодом
эмомалӣ раҳмон
раисҷумҳур
ифтитоҳ
иншоот
https://cdnn1.img.sputnik.tj/img/07e8/09/0a/1064278309_0:12:1129:647_1920x0_80_0_0_6496e34ff01365655d7acbfd5efa2fd9.jpg
ДУШАНБЕ, 10 сен — Sputnik. Дар идомаи сафари корӣ дар шаҳри Конибодом Президенти Тоҷикистон Эмомалӣ Раҳмон хатти оби полезии шохоби дарёи Сир барои обёрии 2500 гектар замини деҳаҳои Сомониён, Кӯчкак, Файзбор, Бекобод ва Хамирҷӯйро мавриди истифода қарор доданд.Хадамоти матбуоти раисҷумҳур хабар додааст, ки бо мавриди истифода қарор гирифтани он мушкилоти норасоии оби полезӣ дар ин минтақа пурра бартараф гардид.Пойгоҳи обкашии “Истиқлол” аз 2 хатти оби полезӣ иборат буда, об аз масофаи 9200 метр аз Баҳри тоҷик то заминҳои кишоварзӣ интиқол меёбад.Сипас президенти Тоҷикистон Эмомалӣ Раҳмон дар маросими ифтитоҳи Муассисаи таҳсилоти миёнаи умумии №48 иштирок намуд.Ҳамчунин дар шаҳри Конибодом Президенти Тоҷикистон дар тарабхонаи наву замонавии “Хосият”, ки аз ҷониби соҳибкори ватанӣ Соҳиба Исроилова бунёд гардидааст, ба 80 нафар наврасони ятими шаҳру ноҳияҳои Конибодом, Исфара, Ҷаббор Расулов, Деваштич, Спитамен ва Зафарободи вилояти Суғд маҷмуи сару либоси ягонаи мактабӣ, лавозимоти хониш, пойафзол ва маблағҳои пулӣ тақдим намуданд.Баъд аз тақдими туҳфаҳо ба ятимон президенти Тоҷикистон Эмомалӣ Раҳмон дар ҳамин минтақа бо ҷараёни корҳои сохтмонӣ дар роҳи мошингарди Конибодом-Кӯчкак шинос шуд.Қайд карда шудааст, ки татбиқи лоиҳаи “Беҳтар намудани роҳҳои алоқаи минтақавӣ ва Осиёи Марказӣ, БРАМОМ-4” моҳи марти соли 2023 оғоз гардида, кор дар 4 минтақаи вилояти Суғд, аз ҷумла, Куруш-Бекобод 12,3 километр, Деҳмой-Бобоҷон Ғафуров 22 километр, Бобоҷон Ғафуров-Хистеварз 6,6 километр ва Конибодом-Кӯчкак 10,3 километр, дар маҷмуъ бо дарозии умумии 51,2 километр бомаром идома дорад.Бо таваҷҷуҳ ба аҳамияти байналмилалии ин роҳ, он аз рӯйи дараҷаи техникии якум ва сеюми роҳсозӣ бунёд карда мешавад. Дар 4 қитъаи навшавандаи роҳҳои мошингарди вилояти Суғд навсозии 11 пул бо дарозии умумии 457,3 метр низ дар назар дошта шудааст.Маблағгузори лоиҳа Ассотсиатсияи байналмилалии рушди гурӯҳи Бонки ҷаҳонӣ мебошад.Ҳамчунин Эмомалӣ Раҳмон дар Конибодом коргоҳи истеҳсоли пойафзоли ҶДММ "Фароғат", Муассисаи таҳсилоти томактабии №1 ба номи “Нури Робия”, Муассисаи таҳсилоти томактабии №2-и “Ситора” ва корхонаи бандубасти меваи хушки Ҷамъияти дорои масъулияти маҳдуди “Неруи Канд”-ро мавриди баҳрабардорӣ қарор дод.
https://sputnik.tj/20240910/bunyodi-korkhona-nizomi-yagonai-energetiki-rahmon-peshravi-sughd-1064277857.html
конибодом
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, суғд, конибодом, эмомалӣ раҳмон, раисҷумҳур, иншоот, ифтитоҳ
тоҷикистон, суғд, конибодом, эмомалӣ раҳмон, раисҷумҳур, иншоот, ифтитоҳ
Идомаи сафари раисҷумҳур ба Суғд: Раҳмон ба Конибодом рафту чандин иншоот ифтитоҳ кард
Раисҷумҳури Тоҷикистон пас аз таҷлили бо шукуҳи ҷашни Истиқлолияти давлатӣ дар шаҳри Хуҷанд сафари кориашро ба вилояти Суғд идома дод
ДУШАНБЕ, 10 сен — Sputnik. Дар идомаи сафари корӣ дар шаҳри Конибодом Президенти Тоҷикистон Эмомалӣ Раҳмон хатти оби полезии шохоби дарёи Сир барои обёрии 2500 гектар замини деҳаҳои Сомониён, Кӯчкак, Файзбор, Бекобод ва Хамирҷӯйро мавриди истифода қарор доданд.
Хадамоти матбуоти раисҷумҳур хабар додааст, ки бо мавриди истифода қарор гирифтани он мушкилоти норасоии оби полезӣ дар ин минтақа пурра бартараф гардид.
Пойгоҳи обкашии “Истиқлол” аз 2 хатти оби полезӣ иборат буда, об аз масофаи 9200 метр аз Баҳри тоҷик то заминҳои кишоварзӣ интиқол меёбад.
Сипас президенти Тоҷикистон Эмомалӣ Раҳмон дар маросими ифтитоҳи Муассисаи таҳсилоти миёнаи умумии №48 иштирок намуд.
Ҳамчунин дар шаҳри Конибодом Президенти Тоҷикистон дар тарабхонаи наву замонавии “Хосият”, ки аз ҷониби соҳибкори ватанӣ Соҳиба Исроилова бунёд гардидааст, ба 80 нафар наврасони ятими шаҳру ноҳияҳои Конибодом, Исфара, Ҷаббор Расулов, Деваштич, Спитамен ва Зафарободи вилояти Суғд маҷмуи сару либоси ягонаи мактабӣ, лавозимоти хониш, пойафзол ва маблағҳои пулӣ тақдим намуданд.
Баъд аз тақдими туҳфаҳо ба ятимон президенти Тоҷикистон Эмомалӣ Раҳмон дар ҳамин минтақа бо ҷараёни корҳои сохтмонӣ дар роҳи мошингарди Конибодом-Кӯчкак шинос шуд.
Қайд карда шудааст, ки татбиқи лоиҳаи “Беҳтар намудани роҳҳои алоқаи минтақавӣ ва Осиёи Марказӣ, БРАМОМ-4” моҳи марти соли 2023 оғоз гардида, кор дар 4 минтақаи вилояти Суғд, аз ҷумла, Куруш-Бекобод 12,3 километр, Деҳмой-Бобоҷон Ғафуров 22 километр, Бобоҷон Ғафуров-Хистеварз 6,6 километр ва Конибодом-Кӯчкак 10,3 километр, дар маҷмуъ бо дарозии умумии 51,2 километр бомаром идома дорад.
Бо таваҷҷуҳ ба аҳамияти байналмилалии ин роҳ, он аз рӯйи дараҷаи техникии якум ва сеюми роҳсозӣ бунёд карда мешавад. Дар 4 қитъаи навшавандаи роҳҳои мошингарди вилояти Суғд навсозии 11 пул бо дарозии умумии 457,3 метр низ дар назар дошта шудааст.
Маблағгузори лоиҳа Ассотсиатсияи байналмилалии рушди гурӯҳи Бонки ҷаҳонӣ мебошад.
Ҳамчунин Эмомалӣ Раҳмон дар Конибодом коргоҳи истеҳсоли пойафзоли ҶДММ "Фароғат", Муассисаи таҳсилоти томактабии №1 ба номи “Нури Робия”, Муассисаи таҳсилоти томактабии №2-и “Ситора” ва корхонаи бандубасти меваи хушки Ҷамъияти дорои масъулияти маҳдуди “Неруи Канд”-ро мавриди баҳрабардорӣ қарор дод.
