https://sputnik.tj/20240831/rahmon-gushtingiri-varzishi-sunnatii-tojikon-tarikh-panjhazorsola-dorad-1064148358.html
Раҳмон: Гӯштингирӣ варзиши суннатии тоҷикон аст ва таърихи беш аз панҷҳазорсола дорад
Раҳмон: Гӯштингирӣ варзиши суннатии тоҷикон аст ва таърихи беш аз панҷҳазорсола дорад
Sputnik Тоҷикистон
Президенти Тоҷикистон ахиран таъкид кард, ки дар тӯли ҳазорсолаҳо гӯштингирӣ дар байни мардуми тоҷик маҳбубияти зиёд дошт
2024-08-31T14:16+0500
2024-08-31T14:16+0500
2024-08-31T14:16+0500
дар тоҷикистон
эмомалӣ раҳмон
навигариҳои варзиши тоҷикистон
гӯштингирӣ
таърих
тоҷикон
https://cdnn1.img.sputnik.tj/img/07e8/08/1e/1064143724_0:68:2048:1221_1920x0_80_0_0_c4dd516761d38813612c8f8f17991168.jpg
ДУШАНБЕ, 31 авг — Sputnik. Раисҷумҳури Тоҷикистон Эмомалӣ Раҳмон зимни суханрониаш дар маросими ифтитоҳи нахустин Чемпионати ҷаҳон дар риштаи гӯштингирӣ иброз дошт, ки гӯштингирӣ намуди суннатии варзиши мардуми тоҷик маҳсуб мешавад.Вай таъкид кард, ки ин намуди варзиши суннатии тоҷикон таърихи беш аз панҷҳазорсола дорад.Ба гуфтаи Эмомалӣ Раҳмон, дар масири таърихи тӯлонии миллати тоҷик навъҳои гуногуни варзиш, аз ҷумла гӯштингирӣ дар байни мардуми фарҳангсолори тоҷик маҳбубияти зиёд дошта, дар баробари тақвият бахшидани қувваи ҷисмонӣ барои наврасону ҷавонон ҳамчун василаи тарбияи хислатҳои наҷиби инсонӣ хизмат кардааст."Тавре, ки аз куҳантарин осори адабии тоҷикон бармеояд, мардуми мо аз замонҳои хеле қадим барои таъмини тарзи ҳаёти солим, такмили ҷасорати ҷавонону наврасон, ҳифзи Ватан ва марзу буми он аз ин навъи варзиши миллӣ истифода мекарданд ва ин анъана имрӯз низ идома дорад", — изҳор дошт президенти Тоҷикистон.Ҳамзамон кишвардори Тоҷикистон таъкид кард, ки аз давраҳои хеле қадим то имрӯз побарҷо будани намудҳои гуногуни варзиш, аз ҷумла гӯштингирӣ далели соҳибфарҳанг будани миллати тоҷик, рамзи матонат, ҷасурӣ, тавоноӣ ва далериву шуҷоат мебошад.Ёдовар мешавем, ки имрӯз дар пойтахти Тоҷикистон- шаҳри Душанбе нахустин Чемпионати ҷаҳон оид ба гӯштингирӣ оғоз гардида, то 31 август идома меёбад.Дар чемпионат зиёда аз 200 варзишгар аз 60 давлати ҷаҳон иштирок менамоянд. Паҳлавонон дар 9 вазн — 3 вазн байни занон ва 6 вазн байни мардон бо ҳам рақобат мекунанд.Фонди ҷоизавии чемпионат 400 ҳазор доллари ИМА аст. Дар ҳамаи вазнҳо ба ғолибони ҷойи якум 20 000 доллар, барандагони медали нуқра – 10 000 ва медали биринҷӣ 5 000 доллари ИМА тақдим мешавад.
https://sputnik.tj/20240831/medli-tillo-nuqrai-pahlavononi-tojik-chempionati-jahoni-gushtingiri-1064148155.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, эмомалӣ раҳмон, гӯштингирӣ, таърих, варзиш, суннатӣ, тоҷикон
тоҷикистон, эмомалӣ раҳмон, гӯштингирӣ, таърих, варзиш, суннатӣ, тоҷикон
Раҳмон: Гӯштингирӣ варзиши суннатии тоҷикон аст ва таърихи беш аз панҷҳазорсола дорад
Президенти Тоҷикистон ахиран таъкид кард, ки дар тӯли ҳазорсолаҳо гӯштингирӣ дар байни мардуми тоҷик маҳбубияти зиёд дошт
ДУШАНБЕ, 31 авг — Sputnik. Раисҷумҳури Тоҷикистон Эмомалӣ Раҳмон зимни суханрониаш дар маросими ифтитоҳи нахустин Чемпионати ҷаҳон дар риштаи гӯштингирӣ иброз дошт, ки гӯштингирӣ намуди суннатии варзиши мардуми тоҷик маҳсуб мешавад.
Вай таъкид кард, ки ин намуди варзиши суннатии тоҷикон таърихи беш аз панҷҳазорсола дорад.
Ба гуфтаи Эмомалӣ Раҳмон, дар масири таърихи тӯлонии миллати тоҷик навъҳои гуногуни варзиш, аз ҷумла гӯштингирӣ дар байни мардуми фарҳангсолори тоҷик маҳбубияти зиёд дошта, дар баробари тақвият бахшидани қувваи ҷисмонӣ барои наврасону ҷавонон ҳамчун василаи тарбияи хислатҳои наҷиби инсонӣ хизмат кардааст.
"Тавре, ки аз куҳантарин осори адабии тоҷикон бармеояд, мардуми мо аз замонҳои хеле қадим барои таъмини тарзи ҳаёти солим, такмили ҷасорати ҷавонону наврасон, ҳифзи Ватан ва марзу буми он аз ин навъи варзиши миллӣ истифода мекарданд ва ин анъана имрӯз низ идома дорад", — изҳор дошт президенти Тоҷикистон.
Ҳамзамон кишвардори Тоҷикистон таъкид кард, ки аз давраҳои хеле қадим то имрӯз побарҷо будани намудҳои гуногуни варзиш, аз ҷумла гӯштингирӣ далели соҳибфарҳанг будани миллати тоҷик, рамзи матонат, ҷасурӣ, тавоноӣ ва далериву шуҷоат мебошад.
Ёдовар мешавем, ки имрӯз дар пойтахти Тоҷикистон- шаҳри Душанбе нахустин Чемпионати ҷаҳон оид ба гӯштингирӣ оғоз гардида, то 31 август идома меёбад.
Дар чемпионат зиёда аз 200 варзишгар аз 60 давлати ҷаҳон иштирок менамоянд. Паҳлавонон дар 9 вазн — 3 вазн байни занон ва 6 вазн байни мардон бо ҳам рақобат мекунанд.
Фонди ҷоизавии чемпионат 400 ҳазор доллари ИМА аст. Дар ҳамаи вазнҳо ба ғолибони ҷойи якум 20 000 доллар, барандагони медали нуқра – 10 000 ва медали биринҷӣ 5 000 доллари ИМА тақдим мешавад.
