https://sputnik.tj/20240817/ittihomi-parvandai-hamlai-terroristi-krokus-1063984765.html

Иттиҳоми нав дар парвандаи ҳамлаи террористӣ дар Крокус

Иттиҳоми нав дар парвандаи ҳамлаи террористӣ дар Крокус

Sputnik Тоҷикистон

Гумонбарон бо 4 иттиҳом: содир кардани ҳамлаи террористӣ, муомилоти ғайриқонунии силоҳ, гузаштан аз омӯзиш ва ширкат дар созмони террористӣ муттаҳам мешаван

2024-08-17T12:59+0500

2024-08-17T12:59+0500

2024-08-19T11:42+0500

крокус сити холл

дар тоҷикистон

русия

парванда

иттиҳом

тафтишот

https://cdnn1.img.sputnik.tj/img/07e8/08/10/1063978772_0:235:2878:1854_1920x0_80_0_0_d7a4bce5b22ec158ee555f23dcd7b3d8.jpg

ДУШАНБЕ, 17 август — Sputnik. Тафтишоти ҳамлаи террористӣ дар “Крокус Сити Холл” то 22 ноябр тамдид шуд.Дар ин бора омадааст дар қарори додгоҳи Басмании шаҳри Маскав, менависад РИА Новости."Мӯҳлати тафтишоти парванда то 22 ноябр тамдид карда шуд", - гуфт судя Евгения Николаева.Мӯҳлати боздошти омилони ҳамлаи террористӣ Далерҷон Мирзоев*, Муродалӣ Раҷабализода*, Муҳаммадсобир Файзов* ва Шамсидин Фаридунӣ* низ тамдид шудааст.Онҳо ба иттиҳоми нав - ширкат дар созмони террористӣ ва гузаштани омӯзиш бо ҳадафи анҷоми фаъолияти террористӣ муттаҳам шудаанд.Ҳамлаи террористӣ дар Крокус Сити ХоллРӯзи 22 март дар толори консертии Крокус Сити Холл, воқеъ дар шимолу ғарби Маскав тирпарронӣ рух дод.Чанд нафар ва бидуни ниқоб вориди бинои марказӣ шуданд. Онҳо ба рӯи одамон тирандозӣ карданд ва баъд аз он курсиҳои толорро оташ заданду инчунин норинҷакҳои оташзо партоб намуданд, ки боиси сӯхтори шадид ва қисман фурӯ рехтани бино гардид.Тибқи маълумоти охирини Кумитаи тафтишоти Русия, дар натиҷаи ҳамлаи террористӣ дар Крокус беш аз 140 нафар кушта шудаанд, ки шаш нафари онҳо кӯдакон мебошанд.Ҷинояткорон субҳи барвақти 23 март дар вилояти Брянск дар наздикии марз бо Украина боздошт шуданд.Ҳар чор нафар зодаи Тоҷикистон мебошанд. Баъдтар тафтишот муайян кард, ки пеш аз ҳамлаи хунин ду нафар аз ин террористҳо аз Истанбул боздид карданд.Имкон дорад, раҳбари эҳтимолии ин гурӯҳ бо доираҳои тундгаро дар Туркия робита дошта бошанд. Тибқи як фарзия дигар, маҳз дар он ҷо яке аз онҳо барои анҷоми ҳамлаи террористӣ омӯзиши зарурӣ гирифтааст.Дар маҷмӯъ, дар робита ба ҳамлаи террористӣ дар Крокус 12 гумонбар боздошт шудааст. Ҳамаи онҳо ба рӯйхати террористони Росфинмониторинг шомил шудаанд. Чанд нафари дигар бо гумони даст доштан дар ин ҳодиса низ боздошт шудаанд.Владимир Путин, раисиҷумҳури Русия, зимни муроҷиати худ ба шаҳрвандон қайд кард, ки баъд аз ҳамлаи террористӣ ҷинояткорон ба самти Украина ҳаракат мекарданд, ки дар он ҷо барои онҳо як "долон"-и вижа омода карда шуда буд. Вай таъкид кард, ки ҳеҷ яке аз ширкаткунандагон набояд аз ҷазои одилона раҳо ёбад.Путин таваҷҷуҳро ба он ҷалб кард, ки дар паси ҳамлаҳои террористӣ дар манотиқи мухталифи ҷаҳон "на танҳо гурӯҳҳои тундгаро, балки хадамотҳои вижаи баъзе аз кишварҳо низ даст доранд".Мақсади онҳо вайрон кардани асосҳои конститутсионӣ ва ноором кардани давлатҳои соҳибихтиёр, инчунин барангехтани кинаю адоват байни миллатҳо ва динҳо аст.* Ба феҳристи террористон ва экстремистҳои Росфинмониторинг дохил карда шудаанд

https://sputnik.tj/20240816/tamdidi-muhlati-taftishot-parvandai-hamlai-terroristi-krokus-1063975785.html

https://sputnik.tj/20240812/tarh-krokus-vahdat-dushanbe-terrorizm-muboriza-1063909509.html

русия

2024

Хабарҳо

tg_TJ

тоҷикистон, русия, парванда, ҳамла, террористӣ, крокус