КҲФ: Сел ба бархе аз ноҳияҳои вилояти Суғд зарар расонд

© Foto / КЧС ТаджикистанаПоследствия схода селя на территории Согдийской области
Последствия схода селя на территории Согдийской области - Sputnik Тоҷикистон, 1920, 14.06.2024
Обуна шудан
Ба иттилои КҲФ-и Тоҷикистон ҳушдор додааст, ки дар навоҳии наздикӯҳӣ ва кӯҳии тобеи ҷумҳурӣ ва вилояти Суғд хатари омадани сел боқӣ мемонад
ДУШАНБЕ, 14 июн — Sputnik. Кумитаи ҳолатҳои фавқулодаи Тоҷикистон иттилоъ дод, ки бар асари боронҳои шадиди ахир аз теппаҳои атрофи деҳаи Сарвақти Ҷамоати деҳоти Пунуки ноҳияи Ашт, ки дар байни марзи Тоҷикистон ва Узбекистон ҷойгир аст, сел омад.
Ба иттилои манбаъ, дар натиҷа 40 қитъаи наздиҳавлигӣ, 12 иншооти ёрирасон зери сангу рег ва обу лой монда, 7 километр роҳи деҳот баста шуд.
Ҳамчунин бар асари номусоидии ҳаво дар деҳаи Оббурдони ноҳияи Мастчоҳи вилояти Суғд сел ба иншооти ёрирасон зарар расонида, се қитъаи замини сокинон зери об монд.
Инчунин ба иттилои КҲФ дар километри 477-уми шоҳроҳи Кӯлоб-Дарвоз-Ванҷ-Хоруғи Вилояти Мухтори Кӯҳистони Бадахшон, ки аз ҳудуди деҳаи Хехаки Ҷамоати деҳоти Язгуломи ноҳияи Ванҷ мегузарад, сангрезӣ ба амал омад.
Последствия сильных осадков в Согдийской области - Sputnik Тоҷикистон, 1920, 27.05.2024
Яке ғарқу дигареро сел бурд: ҳалокати ду ноболиғ аз беэҳтиётӣ дар Тоҷикистон
Дар натиҷа ин қитъаи роҳ муваққатан баста шуд.
Барои анҷоми корҳо барои рафъи оқибатҳои он техника ва кормандони хадамоти роҳи ноҳия ба ҷойи ҳодиса ҷалб карда шуданд.
Кумитаи ҳолатҳои фавқулода шаҳрвандон ва меҳмонони кишварро огоҳ кардааст, ки 14 июн дар навоҳии наздикӯҳӣ ва кӯҳии тобеи ҷумҳурӣ ва вилояти Суғд хатари омадани сели маҳаллӣ боқӣ мемонад.
Лентаи хабарҳо
0