Вакилони мардумӣ назорати истифодаи пули давлатро дар Тоҷикистон пурзӯр карданиянд

© SputnikПарламент Таджикистана
Парламент Таджикистана - Sputnik Тоҷикистон, 1920, 19.05.2024
Обуна шудан
Таҳкими назорати истифодаи самаранокии пули давлатӣ дар ҳамкорӣ бо Палатаи ҳисоби Тоҷикистон дар назар аст, ки олитарин ниҳоди бахш мебошад
ДУШАНБЕ, 19 май — Sputnik. Назорати истифодаи мақсаднок ва самараноки воситаҳои буҷетӣ мавзуи меҳварии машварати вакилони Маҷлиси намояндагони Тоҷикистон ва Палатаи ҳисоби кишвар буд.
Ба иттилои дафтари матбуоти Маҷлиси намояндагон, дар кори машварат намояндагони Палатаи ҳисоби Ҷумҳурии Тоҷикистон иштирок намуданд.
"Дар машварат ба масъалаи назорати истифодаи мақсаднок ва самараноки воситаҳои буҷетӣ, баланд бардоштани нақши Палатаи ҳисоби Тоҷикистон дар ин самт баррасӣ гардид", - омадааст дар иттилоия.
Таъкид шуд, ки дар ин бахш ҳамкории Маҷлиси намояндагон бо Палатаи ҳисоби ҷумҳурӣ тақвият дода шавад.
Сумангул Тагаева министр труда и занятости - Sputnik Тоҷикистон, 1920, 25.02.2024
Вакили парлумон: маоши муҳоҷирони тоҷикистонӣ зиёд мешавад
Маврид ба зикр аст, ки хароҷоти буҷаи давлатӣ дар Тоҷикистон асосан ба бахши иҷтимоӣ равона шудааст, ки соли равон қариби 19 млрд сомонӣ ё 43%-и ҳаҷми умумии буҷаро ташкил медиҳад.
Қаблан парлумон даромади буҷаи Тоҷикистон барои соли 2024-ро 43 млрд сомонӣ тасдиқ кард, ки нисбати нақшаи соли равон қариби 6 млрд сомонӣ зиёд мебошад. Хароҷоти буҷа дар ҳаҷми 44,1 млрд сомонӣ бо афзоиши 6 млрд сомонӣ ба нақша гирифта шудааст.
Тоҷикистон хароҷот барои бахши маориф дар соли 2024-ро ба андозаи 1 млрд сомонӣ зиёд карда, ба 8,2 млрд сомонӣ пешбинӣ намудаст. Соҳаи тандурустӣ низ яке самтҳои афзалиятноки сиёсати иҷтимоии давлат боқӣ монда, хароҷоти бахш дар соли оянда қариби 3,5 млрд сомонӣ пешбинӣ гардидаст.
Дар умум хароҷоти Тоҷикистон аз дахлаш дар соли ҷорӣ 1 млрд бештар пешбинӣ шудааст.
Лентаи хабарҳо
0