https://sputnik.tj/20230912/peshnihod-tashkil-nizomi-hisobbarobarsozi-iiao-briks-1059344139.html
Пешниҳоди ташкили низоми муосири ҳисоббаробарсозӣ миёни кишварҳои ИИАО ва БРИКС
Пешниҳоди ташкили низоми муосири ҳисоббаробарсозӣ миёни кишварҳои ИИАО ва БРИКС
Sputnik Тоҷикистон
Бо таваҷҷуҳ ба афзоиши гардиши коло миёни кишварҳои Иттиҳоди иқтисодии АвруОсиё ва БРИКС пешниҳод шуд, ки низоми боэътимоди ҳисоббаробаркунӣ фаъол шавад
2023-09-12T16:29+0500
2023-09-12T16:29+0500
2023-09-12T16:29+0500
дар русия
брикс
иттиҳоди иқтисодии уросиё
иқтисод
рушд
https://cdnn1.img.sputnik.tj/img/103077/89/1030778927_0:0:2900:1631_1920x0_80_0_0_6de1f8098d91550cc8609729e1ff7e63.jpg
ДУШАНБЕ, 12 сен — Sputnik. Гардиши мутақобила миёни кишварҳои узви ду созмони байналмилалӣ афзоиш ёфта, содироти коло аз ҳудуди Иттиҳоди иқтисодии АвруОсиё ба БРИКС дар нимсолаи аввали соли 2023 15% зиёд шудаст. Ин нуктаро раиси ҳайати мушовараи Комиссияи иқтисодии АвруОсиё Михаил Мясникович дар иҷлосияи "ИИАО – БРИКС: нақш дар ташаккули ҷаҳони нави бисёрқутбӣ” дар Форуми VIII Иқтисодии Шарқӣ баён дошт. Ӯ изҳори боварӣ намуд, ки ҳамлу нақли коло афзоиш хоҳанд ёфт ва дар чунин шароит кишварҳо ба низоми муосир ва боэътимоди пардохт ниёз доранд. "Ман пешниҳод мекунам, ки вазоратҳои молия ва бонкҳои марказии кишварҳоямон омӯзиши ин масоилро дар робита ба ИИАО ва БРИКС то нишасти навбатии ин иттиҳодия дар Қазон дар соли 2024 мавриди коркард қарор диҳанд", - гуфт Мясникович. Ӯ зикр намуд, ки бозори дохилии Иттиҳоди иқтисодии АвруОсиё аз ҳисоби тавлидоти худӣ пурра бо молҳои аввалияи асосӣ таъмин мебошад. Вай аз ширкатҳои Чин, Ҳиндустон ва дигар кишварҳои БРИКС даъват кард, ки ҳамкориро дар бахши тавлиди дастгоҳҳои истеҳсолӣ, кимиёвӣ, дорусозӣ ва бахшҳои дигар тақвият бахшанд. Михаил Мясникович зикр намуд, ки дар ҳудуди ИИАО беш аз ду ҳазор майдони саноатӣ, тақрибан 500 парки саноатӣ, 70 минтақаи махсуси озоди иқтисодӣ ва зиёда аз 100 ҳудудҳои афзалиятноки рушд мавҷуд мебошанд.
https://sputnik.tj/20230912/putin-gharb-nizom-moliyavi-vayron-1059337062.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
хостор, иқтисод, ҳамкорӣ, ииао, брикс
хостор, иқтисод, ҳамкорӣ, ииао, брикс
Пешниҳоди ташкили низоми муосири ҳисоббаробарсозӣ миёни кишварҳои ИИАО ва БРИКС
Бо таваҷҷуҳ ба афзоиши гардиши коло миёни кишварҳои Иттиҳоди иқтисодии АвруОсиё ва БРИКС пешниҳод шуд, ки низоми боэътимоди ҳисоббаробаркунӣ фаъол шавад
ДУШАНБЕ, 12 сен — Sputnik. Гардиши мутақобила миёни кишварҳои узви ду созмони байналмилалӣ афзоиш ёфта, содироти коло аз ҳудуди Иттиҳоди иқтисодии АвруОсиё ба БРИКС дар нимсолаи аввали соли 2023 15% зиёд шудаст.
Ин нуктаро раиси ҳайати мушовараи Комиссияи иқтисодии АвруОсиё Михаил Мясникович дар иҷлосияи "ИИАО – БРИКС: нақш дар ташаккули ҷаҳони нави бисёрқутбӣ” дар Форуми VIII Иқтисодии Шарқӣ баён дошт.
Ӯ изҳори боварӣ намуд, ки ҳамлу нақли коло афзоиш хоҳанд ёфт ва дар чунин шароит кишварҳо ба низоми муосир ва боэътимоди пардохт ниёз доранд.
"Ман пешниҳод мекунам, ки вазоратҳои молия ва бонкҳои марказии кишварҳоямон омӯзиши ин масоилро дар робита ба ИИАО ва БРИКС то нишасти навбатии ин иттиҳодия дар Қазон дар соли 2024 мавриди коркард қарор диҳанд", - гуфт Мясникович.
Ӯ зикр намуд, ки бозори дохилии Иттиҳоди иқтисодии АвруОсиё аз ҳисоби тавлидоти худӣ пурра бо молҳои аввалияи асосӣ таъмин мебошад.
“Мо ҳоло барои беҳбуди сифат кор талош дорем. Сухан дар бораи баланд бардоштани ҳосилнокии меҳнат, коҳиши сарфи нерӯ ва мавод меравад. Ба он маъност, ки технологияҳои муосирро бояд ҷорӣ кард", - гуфт мақомдори ИИАО.
Вай аз ширкатҳои Чин, Ҳиндустон ва дигар кишварҳои БРИКС даъват кард, ки ҳамкориро дар бахши тавлиди дастгоҳҳои истеҳсолӣ, кимиёвӣ, дорусозӣ ва бахшҳои дигар тақвият бахшанд.
Михаил Мясникович зикр намуд, ки дар ҳудуди ИИАО беш аз ду ҳазор майдони саноатӣ, тақрибан 500 парки саноатӣ, 70 минтақаи махсуси озоди иқтисодӣ ва зиёда аз 100 ҳудудҳои афзалиятноки рушд мавҷуд мебошанд.
