https://sputnik.tj/20230818/judokoron-tojik-zagreb-grand-prix-sabqat-1058901239.html
Ҷудокорони тоҷик дар Zagreb Grand Prix 2023 бо киҳо вориди сабқат мешаванд
Ҷудокорони тоҷик дар Zagreb Grand Prix 2023 бо киҳо вориди сабқат мешаванд
Sputnik Тоҷикистон
Тоҷикистонро дар ин мусобиқаи бузург мебоист 5 нафар намояндагӣ кунанд, аммо бо сабаби мушкили раводид се паҳлавон рафта натавонистанд
2023-08-18T09:41+0500
2023-08-18T09:41+0500
2023-08-18T14:18+0500
дар тоҷикистон
навигариҳои варзиши тоҷикистон
дзюдо
хорватия
https://cdnn1.img.sputnik.tj/img/102974/13/1029741372_0:0:3081:1733_1920x0_80_0_0_d7dc0f90b2cf22676f7c2183abc5dbc6.jpg
ДУШАНБЕ, 18 авг – Sputnik. Дар шаҳри Загреби Хорватия мусобиқаи бонуфузи Zagreb Grand Prix 2023 оғоз гардид, ки дар он Тоҷикистонро танҳо ду нафар намояндагӣ мекунад.Бар асоси қуръакашии Федератсияи байналмилалии ҷудо, ки як рӯз қабл доир гардид, паҳлавонони кишвар бо намояндагони Маҷористон ва Литва дар даври аввал нерӯ месанҷанд. Имрӯз -18-уми август - мусобиқаҳо бо нерӯсанҷиҳо дар вазнҳои 60кг ва 66 кг миёни мардон ва дар вазнҳои 48 кг, 52 кг ва 57 кг миёни занон оғоз мегардандҲамин тариқ, Обид Ҷебов дар рӯзи якуми мусобиқа дар вазни то 60 кг бо Андрей Клоков, ҷудокор аз Литва қувва меозмояд. Зимнан, дар рӯзи дуюм Ҷаҳонгир Маҷидов бо Петер Сафрани аз Маҷористон дар вазни то 90 кг вориди майдони сабқат мешавад. Тоҷикистонро дар ин мусобиқаи бузург мебоист 5 нафар намояндагӣ кунанд, аммо бо сабаби мушкили раводид Муҳаммадсолеҳ Қувватов, Меҳрзод Сӯфиев ва Маҳмадшариф Наҷмиддинов рафта натавонистанд.Мусобиқа аз 18-ум то 20-уми август дар шаҳри Загреби Хорватия бо ширкати беш аз 560 ҷудокор аз 88 кишвари дунё доир мешавад. Барои иштирок дар ин мусобиқаи бонуфузи байналмилалӣ, аз ҷумла, қариби 340 мард ва зиёда аз 220 зан номнавис шудаанд.Рақобатҳо, чун анъана, дар ҳафт вазн миёни мардон ва дар 7 вазн миёни бонувон сурат мегиранд.Ғолибону ҷоизадорон дар баробари медал бо ҷоизапулӣ қадрдонӣ мешаванд. Аз ҷумла ғолибон дар ҳамаи вазнҳо 3 ҳазор евро, барандагони медали нуқра 2 ҳазор евро ва барандагони медали биринҷӣ 1 ҳазор евро мукофотпулӣ мегиранд.Мушкили раводид бори аввал нест, ки монеаи иштироки ҷудокорони тоҷик дар мусобиқаҳо дар Аврупо мегардад. Қаблан низ ҷудокори тоҷик, Сомон Маҳмадбеков ба далели мушкили раводид натавонист дар мусобиқа дар Маҷористон иштирок намояд.
https://sputnik.tj/20230809/maqom-navi-judokoron-tojik-radabandi-jahoni-1058722168.html
хорватия
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
ҷудокорон тоҷик zagreb grand prix сабқат
ҷудокорон тоҷик zagreb grand prix сабқат
Ҷудокорони тоҷик дар Zagreb Grand Prix 2023 бо киҳо вориди сабқат мешаванд
09:41 18.08.2023 (Навсозишуда: 14:18 18.08.2023) Тоҷикистонро дар ин мусобиқаи бузург мебоист 5 нафар намояндагӣ кунанд, аммо бо сабаби мушкили раводид се паҳлавон рафта натавонистанд
ДУШАНБЕ, 18 авг – Sputnik. Дар шаҳри Загреби Хорватия мусобиқаи бонуфузи Zagreb Grand Prix 2023 оғоз гардид, ки дар он Тоҷикистонро танҳо ду нафар намояндагӣ мекунад.
Бар асоси қуръакашии Федератсияи байналмилалии ҷудо, ки як рӯз қабл доир гардид, паҳлавонони кишвар бо намояндагони Маҷористон ва Литва дар даври аввал нерӯ месанҷанд.
Имрӯз -18-уми август - мусобиқаҳо бо нерӯсанҷиҳо дар вазнҳои 60кг ва 66 кг миёни мардон ва дар вазнҳои 48 кг, 52 кг ва 57 кг миёни занон оғоз мегарданд
Ҳамин тариқ, Обид Ҷебов дар рӯзи якуми мусобиқа дар вазни то 60 кг бо Андрей Клоков, ҷудокор аз Литва қувва меозмояд.
Зимнан, дар рӯзи дуюм Ҷаҳонгир Маҷидов бо Петер Сафрани аз Маҷористон дар вазни то 90 кг вориди майдони сабқат мешавад.
Тоҷикистонро дар ин мусобиқаи бузург мебоист 5 нафар намояндагӣ кунанд, аммо бо сабаби мушкили раводид Муҳаммадсолеҳ Қувватов, Меҳрзод Сӯфиев ва Маҳмадшариф Наҷмиддинов рафта натавонистанд.
Мусобиқа аз 18-ум то 20-уми август дар шаҳри Загреби Хорватия бо ширкати беш аз 560 ҷудокор аз 88 кишвари дунё доир мешавад. Барои иштирок дар ин мусобиқаи бонуфузи байналмилалӣ, аз ҷумла, қариби 340 мард ва зиёда аз 220 зан номнавис шудаанд.
Рақобатҳо, чун анъана, дар ҳафт вазн миёни мардон ва дар 7 вазн миёни бонувон сурат мегиранд.
Ғолибону ҷоизадорон дар баробари медал бо ҷоизапулӣ қадрдонӣ мешаванд. Аз ҷумла ғолибон дар ҳамаи вазнҳо 3 ҳазор евро, барандагони медали нуқра 2 ҳазор евро ва барандагони медали биринҷӣ 1 ҳазор евро мукофотпулӣ мегиранд.
Мушкили раводид бори аввал нест, ки монеаи иштироки ҷудокорони тоҷик дар мусобиқаҳо дар Аврупо мегардад. Қаблан низ ҷудокори тоҷик, Сомон Маҳмадбеков ба далели мушкили раводид натавонист дар мусобиқа дар Маҷористон иштирок намояд.
