https://sputnik.tj/20230725/kdam-tojikiston-nizo-marz-qirghizistonro-sharh-1058430040.html
Маст мошинҳои тӯёнаро сангсор кард: Тоҷикистон муноқиша дар марз бо Қирғизистонро шарҳ дод
Маст мошинҳои тӯёнаро сангсор кард: Тоҷикистон муноқиша дар марз бо Қирғизистонро шарҳ дод
Sputnik Тоҷикистон
Мақомоти марзбонии Тоҷикистон мегӯянд, бар асари сангзанӣ аз ҷониби шаҳрванди Қирғизистон 4 шаҳрванди тоҷик осеби сабуки ҷисмонӣ бардоштаанд
2023-07-25T10:26+0500
2023-07-25T10:26+0500
2023-07-25T20:07+0500
вазъ дар марзи тоҷикистону қирғизистон
дар тоҷикистон
марз
қирғизистон
муноқиша
сарраёсати қушунҳои сарҳадии кдам
https://cdnn1.img.sputnik.tj/img/07e6/09/10/1051450859_0:0:1348:759_1920x0_80_0_0_d3e419ce9746d21b2ccc8d5b16f0594e.jpg
ДУШАНБЕ, 25 июл — Sputnik. Қӯшунҳои сарҳадии Кумитаи давлатии амнияти миллии Тоҷикистон омилҳои муноқиша дар марз бо Қирғизистонро, ки шоми 24 июл рух дод, тавзеҳ дод. Ба иттилои ин ниҳод, муноқиша соати 17:30 замоне рух дод, ки қатори мошинҳои сокинони ҷамоати деҳоти Ворух иборат аз 8 адад барои гузаронидани тӯйи арӯсӣ ба самти шаҳри Исфара ҳаракат дошт. Манбаъ омили сар задани муноқишаро як шаҳрванди Қирғизистон гуфтаст, ки дар ҳолати мастӣ қарор доштааст. Таъкид шудааст, ки ин нафар, ки сокини ҷамоати деҳоти Оқсойи Қирғизистон мебошад, дар наздикии даромадгоҳи деҳаи "Оқсой" роҳи қатори мошинҳоро бастасту сангандозӣ кардаст. "Ин шаҳрванд, ки дар ҳолати мастӣ мошини тамғаи "Мерседес Бенс", рақами қайди давлатиаш 134 ACJ 03 KG-ро идора мекард, бо баҳонаи он ки гӯё яке аз мошинҳои тӯёна барои ҳаракати ӯ монеа эҷод кардааст, роҳи ҳаракати мошинҳоро мебандад", - омадааст дар иттилоия. КДАМ Тоҷикистон афзуд, ки сипас аз мошин берун шуда, мошинҳои шаҳрвандони Тоҷикистонро мавриди сангборон қарор додаст. Таъкид гардид, ки баъди ба макони ҳодиса ҳозир шудани кормандони мақомоти маҳалии ҳокимияти давлатӣ ва ҳифзи ҳуқуқи Тоҷикистону Қирғизистон гуфтушунид доир гардид ва ба муноқиша хотима дода шуд.Мақомоти марзбонӣ вазъият дар сарҳади давлатии Тоҷикистон ва Қирғизистонро муътадил арзёбӣ карда, афзудааст, ки комиссияи муштараки дуҷониба сабабу омилҳои асосии муноқишаро байни шаҳрвандони ду давлат муайян менамояд.Қаблан мақомоти Қирғизистон бо нашри як иттилоия омили сар задани муноқишаро шаҳрвандони Тоҷикистон хонда буд. Тоҷикистону Қирғизистон беш аз 980 километр марзи муштарак доранд, ки садҳо километри он ҳанӯз мушаххасу аломатгузорӣ нашудааст.
https://sputnik.tj/20230718/ravobit-sughd-bodkand-tahkim-ahmadzoda-alimboev-suhbat-1058329594.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
марз, тоҷикистон, қирғизистон, шаҳрванд, муноқиша
марз, тоҷикистон, қирғизистон, шаҳрванд, муноқиша
Маст мошинҳои тӯёнаро сангсор кард: Тоҷикистон муноқиша дар марз бо Қирғизистонро шарҳ дод
10:26 25.07.2023 (Навсозишуда: 20:07 25.07.2023) Мақомоти марзбонии Тоҷикистон мегӯянд, бар асари сангзанӣ аз ҷониби шаҳрванди Қирғизистон 4 шаҳрванди тоҷик осеби сабуки ҷисмонӣ бардоштанд
ДУШАНБЕ, 25 июл — Sputnik. Қӯшунҳои сарҳадии Кумитаи давлатии амнияти миллии Тоҷикистон омилҳои муноқиша дар марз бо Қирғизистонро, ки шоми 24 июл рух дод, тавзеҳ дод.
Ба иттилои ин ниҳод, муноқиша соати 17:30 замоне рух дод, ки қатори мошинҳои сокинони ҷамоати деҳоти Ворух иборат аз 8 адад барои гузаронидани тӯйи арӯсӣ ба самти шаҳри Исфара ҳаракат дошт.
Манбаъ омили сар задани муноқишаро як шаҳрванди Қирғизистон гуфтаст, ки дар ҳолати мастӣ қарор доштааст.
Таъкид шудааст, ки ин нафар, ки сокини ҷамоати деҳоти Оқсойи Қирғизистон мебошад, дар наздикии даромадгоҳи деҳаи "Оқсой" роҳи қатори мошинҳоро бастасту сангандозӣ кардаст.
"Ин шаҳрванд, ки дар ҳолати мастӣ мошини тамғаи "Мерседес Бенс", рақами қайди давлатиаш 134 ACJ 03 KG-ро идора мекард, бо баҳонаи он ки гӯё яке аз мошинҳои тӯёна барои ҳаракати ӯ монеа эҷод кардааст, роҳи ҳаракати мошинҳоро мебандад", - омадааст дар иттилоия.
КДАМ Тоҷикистон афзуд, ки сипас аз мошин берун шуда, мошинҳои шаҳрвандони Тоҷикистонро мавриди сангборон қарор додаст.
"Дар натиҷа қисмҳои гуногуни 3 мошин мешикананд ва 4 шаҳрванди Тоҷикистон зарари сабуки ҷисмонӣ мебардоранд", - афзуд манбаъ.
Таъкид гардид, ки баъди ба макони ҳодиса ҳозир шудани кормандони мақомоти маҳалии ҳокимияти давлатӣ ва ҳифзи ҳуқуқи Тоҷикистону Қирғизистон гуфтушунид доир гардид ва ба муноқиша хотима дода шуд.
Мақомоти марзбонӣ вазъият дар сарҳади давлатии Тоҷикистон ва Қирғизистонро муътадил арзёбӣ карда, афзудааст, ки комиссияи муштараки дуҷониба сабабу омилҳои асосии муноқишаро байни шаҳрвандони ду давлат муайян менамояд.
Қаблан мақомоти Қирғизистон бо нашри як иттилоия омили сар задани муноқишаро шаҳрвандони Тоҷикистон хонда буд.
Тоҷикистону Қирғизистон беш аз 980 километр марзи муштарак доранд, ки садҳо километри он ҳанӯз мушаххасу аломатгузорӣ нашудааст.
