https://sputnik.tj/20230621/eron-baranda-jomi-cafa-2023-1057829091.html
Тими миллии Эрон барандаи Ҷоми CAFA - 2023 шуд
Тими миллии Эрон барандаи Ҷоми CAFA - 2023 шуд
Sputnik Тоҷикистон
Дар бозӣ барои ҷойи севум миёни дастаҳои мунтахаби Қирғизистон ва Уммон, ки рӯзи 20 июн низ дар Тошканд баргузор шуд, тими Уммон пирӯз шуд
2023-06-21T13:31+0500
2023-06-21T13:31+0500
2023-07-04T17:43+0500
федератсияи футбол
футбол
дар тоҷикистон
эрон
навигариҳои варзиши тоҷикистон
https://cdnn1.img.sputnik.tj/img/07e7/06/0e/1057722323_0:0:1144:645_1920x0_80_0_0_95364716d8094d9e5acc86302350b245.jpg
ДУШАНБЕ, 21 июн — Sputnik. Қаҳрамонии CAFA 2023 бо пирӯзии тими Эрон бар Ӯзбекистон анҷом ёфт. Ҳамин тариқ, Теҳрон қаҳрамони мутлақ ва бидуни шарт дар ин мусобиқа шуд. Гуфта мешавад, ки бозии дастаҳо дар даври ниҳоӣ пуршиддат буд, зеро дар нимаи аввал чанд бозигар ҷароҳат бардоштанд. Голи ягонаи бозиро дар дақиқаи 48-ум Сардори Азмуни эронӣ зад. Баъди ин ҳуҷумҳои сершумори ҳар ду даста барбод рафтанд. Дар бозӣ барои ҷойи севум миёни дастаҳои мунтахаби Қирғизистон ва Уммон, ки рӯзи 20 июн дар Тошканд баргузор шуд, тими Уммон пирӯз гардид. Пас аз ҷамъбасти мусобиқот ҷоизаи Fair Play насиби тими миллии Ӯзбекистон шуд. Ҷоизаи беҳтарин нишонзани мусобиқа ва бозигарро ҳамлагари эронӣ Меҳдии Таремӣ, ки 6 гол задааст, ба даст овард. Мунтахаби Тоҷикистон бозиро бо тими Туркманистон дар Ҷоми миллатҳои CAFA мусовӣ кардДар ҳоле, ки беҳтарин дарвозабони қаҳрамонӣ дарвозабони тими миллии Уммон Иброҳим Солеҳ Ал-Муҳайнӣ дониста шуд. Дастаи мунтахаби Тоҷикистон бо вуҷуди бозии дурахшон дар вохӯриҳои аввал, дар ниҳоят аз Ӯзбекистон бо ҳисоби 1:5 шикаст хӯрд ва аз мусобиқот хориҷ шуд. Қаблан мураббии даста Петр Сегрт масъулияти шикастро пурра ба дӯш гирифт. Ёдовар мешавем, ки аввалин мусобиқаи CAFA Nation’s Cup аз 10 то 20 июн дар Тошканд ва Бишкек баргузор шуд. Дар ин мусобиқа дастаҳои кишварҳои Осиёи Марказӣ: Ӯзбекистон, Тоҷикистон, Туркманистон, Қирғизистон, инчунин Уммон, Эрон ва Афғонистон ширкат карданд.
https://sputnik.tj/20230611/cafa-nations-cup-2023-afghoniston-nishoni-etiroz-tark-1057670015.html
эрон
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
баранда, ҷоми cafa - 2023, маълум
баранда, ҷоми cafa - 2023, маълум
Тими миллии Эрон барандаи Ҷоми CAFA - 2023 шуд
13:31 21.06.2023 (Навсозишуда: 17:43 04.07.2023) Дар бозӣ барои ҷойи севум миёни дастаҳои мунтахаби Қирғизистон ва Уммон, ки рӯзи 20 июн дар Тошканд баргузор шуд, тими Уммон пирӯз гардид
ДУШАНБЕ, 21 июн — Sputnik. Қаҳрамонии CAFA 2023 бо пирӯзии тими Эрон бар Ӯзбекистон анҷом ёфт. Ҳамин тариқ, Теҳрон қаҳрамони мутлақ ва бидуни шарт дар ин мусобиқа шуд.
Гуфта мешавад, ки бозии дастаҳо дар даври ниҳоӣ пуршиддат буд, зеро дар нимаи аввал чанд бозигар ҷароҳат бардоштанд.
Голи ягонаи бозиро дар дақиқаи 48-ум Сардори Азмуни эронӣ зад. Баъди ин ҳуҷумҳои сершумори ҳар ду даста барбод рафтанд.
Дар бозӣ барои ҷойи севум миёни дастаҳои мунтахаби Қирғизистон ва Уммон, ки рӯзи 20 июн дар Тошканд баргузор шуд, тими Уммон пирӯз гардид.
Пас аз ҷамъбасти мусобиқот ҷоизаи Fair Play насиби тими миллии Ӯзбекистон шуд.
Ҷоизаи беҳтарин нишонзани мусобиқа ва бозигарро ҳамлагари эронӣ Меҳдии Таремӣ, ки 6 гол задааст, ба даст овард.
Дар ҳоле, ки беҳтарин дарвозабони қаҳрамонӣ дарвозабони тими миллии Уммон Иброҳим Солеҳ Ал-Муҳайнӣ дониста шуд.
Дастаи мунтахаби Тоҷикистон бо вуҷуди бозии дурахшон дар вохӯриҳои аввал, дар ниҳоят аз Ӯзбекистон бо ҳисоби 1:5 шикаст хӯрд ва аз мусобиқот хориҷ шуд.
Қаблан мураббии даста Петр Сегрт масъулияти шикастро пурра ба дӯш гирифт.
Ёдовар мешавем, ки аввалин мусобиқаи CAFA Nation’s Cup аз 10 то 20 июн дар Тошканд ва Бишкек баргузор шуд.
Дар ин мусобиқа дастаҳои кишварҳои Осиёи Марказӣ: Ӯзбекистон, Тоҷикистон, Туркманистон, Қирғизистон, инчунин Уммон, Эрон ва Афғонистон ширкат карданд.
