Шарҳи Кремл дар бораи созиши ОПЕК+ барои коҳиши истихроҷи нафт

© Sputnik / Сергей ПятаковСпасская башня и стена Кремля
Спасская башня и стена Кремля - Sputnik Тоҷикистон, 1920, 05.06.2023
Обуна шудан
Кишварҳои узви иттиҳодия ният доранд, ки аз соли 2024 сатҳи умумии истихроҷи нафтро ба андозаи 1,4 млн баррел дар як шабонарӯз коҳиш диҳанд
ДУШАНБЕ, 5 июн — Sputnik. Русия созишномаҳои умумиеро, ки дар доираи ОПЕК+ вуҷуд доранд, иҷро хоҳад кард.
Дар ин бора котиби матбуотии раисиҷумҳури Русия, Дмитрий Песков дар шарҳи тасмими созмон дар бораи коҳиши мизони истихроҷи нафт изҳор дошт.
Ба гуфтаи ӯ, ин формат барои таъмини субот дар бозорҳои байналмилалии энержӣ хеле муҳим аст.
"Русия иштирокчии ин тавофуқи муштарак аст. Формат кори худро идома медиҳад, тавофуқҳои муштараке ҳастанд, ки албатта ҳама пайравӣ хоҳанд кард", - изҳор дошт ӯ.
Добыча нефти из нефтяной скважины - Sputnik Тоҷикистон, 1920, 21.05.2023
Ҳамкории Афғонистон ва Русия барои истихроҷи нафт
Эътилофи ОПЕК+ дар пайи нишасти рӯзи 4 июн тамдиди тавофуқро барои соли оянда эълон кард.
Ҳамчунин, кишварҳои узви ин иттиҳодия қасд доранд, ки дар соли 2024 мизони ҳадафгузоштаи истихроҷи нафтро дар як шабонарӯз то 1,4 млн бушка коҳиш диҳанд.
Илова бар ин, коҳиши иловагии ба истилоҳ ихтиёрии истихроҷ аз ҷониби кишварҳои алоҳида идома дорад ва ҳатто то соли 2024 мавқуф гузошта мешавад.
Аз ҷумла Русия ва Арабистони Саудӣ - ҳар кадом 500 ҳазор бушка дар як рӯз коҳиш хоҳад дод. Дар зимн Риёз коҳиши нафтро барои моҳи июл ба 1 млн бушка дар як рӯз бо эҳтимоли тамдид эълон кард.
Лентаи хабарҳо
0