https://sputnik.tj/20230523/emomali-rahmon-javonon-shodbosh-1057300644.html
Эмомалӣ Раҳмон ҷавононро шодбош гуфту насиҳат кард
Эмомалӣ Раҳмон ҷавононро шодбош гуфту насиҳат кард
Sputnik Тоҷикистон
Раисҷумҳури Тоҷикистон Рӯзи ҷавононро, ки ҳамасола 23 май дар кишвар таҷлил мегардад, шодбош гуфта, таъкид намуд, ки ояндаи миллат дар дасти онҳост
2023-05-23T11:05+0500
2023-05-23T11:05+0500
2023-05-23T11:06+0500
дар тоҷикистон
ҷавонон
навигариҳои варзиши тоҷикистон
ҳимоя
табрик
шодбошӣ
эмомалӣ раҳмон
https://cdnn1.img.sputnik.tj/img/07e7/01/18/1054436488_0:0:2049:1153_1920x0_80_0_0_903406d75c3c74fa5136529ce06455c6.jpg
ДУШАНБЕ, 23 май — Sputnik. Тоҷикистон кишвари ҷавонон аст ва бо дарназардошти саҳм ва нақши онҳо дар сиёсати пешгирифтаи давлату ҳукумати кишвар ҷойгоҳи афзалиятнок дорад.Ин нуктаро раисҷумҳури Тоҷикистон, Эмомалӣ Раҳмон дар паёми шодбошияш ба муносибати Рӯзи ҷавонон баён дошт. Вай таъкид кард, ки тайи беш аз се даҳсола ҷиҳати фароҳам овардани шароити мусоид барои рушду инкишофи қобилияту истеъдоди ҷавонон ва ҳалли масъалаҳои вобаста ба зиндагиву фаъолияти ин сершумортарин қишри иҷтимоӣ як силсила нақшаву барномаҳо қабул ва амалӣ шуда истодаанд."Зеро мо хуб дарк мекунем, ки таваҷҷуҳ ба ҷавонон – ғамхориву сармоягузорӣ ба хотири ояндаи ободу пешрафтаи миллати тоҷик ва таҳкими неруи давлати тоҷикон мебошад", - изҳор дошт ӯ. Президент гуфт, ҷавононро бояд тавре тарбия кард, ки онҳо фардо тавонанд Ватан ва давлатро соҳибӣ кунанд, онро обод созанд, боз ҳам пешрафта гардонанд ва миллату давлати худро ба аҳли башар ба таври шоиста муаррифӣ намоянд."Шумо бояд ҳамеша ҳушёру зирак бошед, дар шароити торафт вусъат гирифтани равандҳои ҷаҳонишавӣ, бархӯрди тамаддунҳо ва таъсири манфии унсурҳои фарҳангиву тамаддунии бегона манфиатҳои давлативу арзишҳои миллиро ҳимоя кунед", - гуфт Раҳмон. Ба таъкид раисҷумҳур, барои ҷавонон пеш аз ҳама, зиракии сиёсӣ, илму дониш ва касбу ҳунарҳои муосир, забондонӣ, ҷаҳонбинии замонавӣ ва муҳимтар аз ҳама, ҳисси баланди миллӣ, садоқат ба давлату халқи Тоҷикистон ва худшиносиву худогоҳӣ муҳим мебошад.
https://sputnik.tj/20230522/davlatal-said-khtiyoriyoni-khizmat-imsol-ziyod-1057280982.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
насиҳат, эмомалӣ раҳмон, президент, тоҷикистон
насиҳат, эмомалӣ раҳмон, президент, тоҷикистон
Эмомалӣ Раҳмон ҷавононро шодбош гуфту насиҳат кард
11:05 23.05.2023 (Навсозишуда: 11:06 23.05.2023) Раисҷумҳури Тоҷикистон Рӯзи ҷавононро, ки ҳамасола 23 май дар кишвар таҷлил мегардад, шодбош гуфта, таъкид намуд, ки ояндаи миллат дар дасти онҳост
ДУШАНБЕ, 23 май — Sputnik. Тоҷикистон кишвари ҷавонон аст ва бо дарназардошти саҳм ва нақши онҳо дар сиёсати пешгирифтаи давлату ҳукумати кишвар ҷойгоҳи афзалиятнок дорад.
Ин нуктаро раисҷумҳури Тоҷикистон, Эмомалӣ Раҳмон дар паёми шодбошияш ба муносибати Рӯзи ҷавонон баён дошт.
Вай таъкид кард, ки тайи беш аз се даҳсола ҷиҳати фароҳам овардани шароити мусоид барои рушду инкишофи қобилияту истеъдоди ҷавонон ва ҳалли масъалаҳои вобаста ба зиндагиву фаъолияти ин сершумортарин қишри иҷтимоӣ як силсила нақшаву барномаҳо қабул ва амалӣ шуда истодаанд.
"Зеро мо хуб дарк мекунем, ки таваҷҷуҳ ба ҷавонон – ғамхориву сармоягузорӣ ба хотири ояндаи ободу пешрафтаи миллати тоҷик ва таҳкими неруи давлати тоҷикон мебошад", - изҳор дошт ӯ.
Президент гуфт, ҷавононро бояд тавре тарбия кард, ки онҳо фардо тавонанд Ватан ва давлатро соҳибӣ кунанд, онро обод созанд, боз ҳам пешрафта гардонанд ва миллату давлати худро ба аҳли башар ба таври шоиста муаррифӣ намоянд.
"Шумо бояд ҳамеша ҳушёру зирак бошед, дар шароити торафт вусъат гирифтани равандҳои ҷаҳонишавӣ, бархӯрди тамаддунҳо ва таъсири манфии унсурҳои фарҳангиву тамаддунии бегона манфиатҳои давлативу арзишҳои миллиро ҳимоя кунед", - гуфт Раҳмон.
Ба таъкид раисҷумҳур, барои ҷавонон пеш аз ҳама, зиракии сиёсӣ, илму дониш ва касбу ҳунарҳои муосир, забондонӣ, ҷаҳонбинии замонавӣ ва муҳимтар аз ҳама, ҳисси баланди миллӣ, садоқат ба давлату халқи Тоҷикистон ва худшиносиву худогоҳӣ муҳим мебошад.
