https://sputnik.tj/20230517/tojikiston-chin-khost-1057169378.html
Тоҷикистон аз Чин чӣ дархост кард?
Тоҷикистон аз Чин чӣ дархост кард?
Sputnik Тоҷикистон
Раисҷумҳури Тоҷикистон бо сарвазири Шӯрои давлатии Чин густариши ҳамкориҳо дар бахшҳои мухталиф, аз сармоягузорӣ то кишоварзиро баррасӣ намуд
2023-05-17T09:40+0500
2023-05-17T09:40+0500
2023-05-17T10:42+0500
дар тоҷикистон
сиёсат
эмомалӣ раҳмон
таваҷҷуҳ
чин
мулоқот
https://cdnn1.img.sputnik.tj/img/07e7/05/11/1057175321_0:0:1080:608_1920x0_80_0_0_263663e670a34e3ac87b2ca051a9c94d.jpg
ДУШАНБЕ, 17 май — Sputnik. Тоҷикистон аз Пекин хост, масъалаи марбут ба додани иҷозат барои содироти бештари маҳсулоти кишоварзӣ ба Чин ҳарчӣ зудтар ҳал карда шавад. Ин нуктаро дар мулоқоти раисҷумҳури Тоҷикистон, Эмомалӣ Раҳмон бо сарвазири Шӯрои давлатии Чин Ли Тсян таъкид кард. Ба иттилои дафтари матбуоти раисҷумҳури Тоҷикистон, дар вохӯрӣ Эмомалӣ Раҳмон изҳор дошт, ки тайи даҳ соли охир равобити шарикии стратегии ду кишвар ба сатҳи сифатан нав баромад ва ин муносибатҳо намунаи ҳамсоягии нек ва дӯстии самимӣ мебошанд."Муомилоти молӣ байни кишварҳо мунтазам афзуда, соли гузашта афзоиши он қариб 40%-ро ташкил дод. Ин имкон медиҳад, ки ҳарду давлат дар ояндаи наздик ҳачми тиҷоратро назаррас зиёд намоянд", - гуфт раисҷумҳур.Дафтари матбуоти раисҷумҳури Тоҷикистон гуфт, масоили робитаҳои ду кишвар дар соҳаҳои саноат, энергетика, нақлиёт, кишоварзӣ, иқтисоди рақамӣ, тиҷорати электронӣ, татбиқи лоиҳаҳои калони инфрасохторӣ ва ҳамкорӣ дар саноати кӯҳӣ низ баррасӣ гардиданд. "Зимни вохӯрӣ ҷалби технологияҳои муосири чинӣ ба бахши коркарди маҳсулоти кишоварзӣ, махсусан пахта, сабзавоту меваҷот ва рушди ҳамкорӣ дар соҳаҳои пиллапарварӣ ва фармасевтӣ амри муҳим маънидод гардид", - омадааст дар иттилоия.Таъкид гардид, ки дар мулоқот ҷонибҳо, ҳамчунин, оид ба дигар масъалаҳои мавриди таваҷҷуҳ гуфтугӯйи судманд анҷом доданд.
https://sputnik.tj/20230516/emomali-rahmon-chin-1057145874.html
чин
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
мулоқот, эмомалӣ раҳмон, раисҷумҳур, тоҷикистон
мулоқот, эмомалӣ раҳмон, раисҷумҳур, тоҷикистон
Тоҷикистон аз Чин чӣ дархост кард?
09:40 17.05.2023 (Навсозишуда: 10:42 17.05.2023) Раисҷумҳури Тоҷикистон бо сарвазири Шӯрои давлатии Чин густариши ҳамкориҳо дар бахшҳои мухталиф, аз сармоягузорӣ то кишоварзиро баррасӣ намуд
ДУШАНБЕ, 17 май — Sputnik. Тоҷикистон аз Пекин хост, масъалаи марбут ба додани иҷозат барои содироти бештари маҳсулоти кишоварзӣ ба Чин ҳарчӣ зудтар ҳал карда шавад.
Ин нуктаро дар мулоқоти раисҷумҳури Тоҷикистон, Эмомалӣ Раҳмон бо сарвазири Шӯрои давлатии Чин Ли Тсян таъкид кард.
Ба иттилои дафтари матбуоти раисҷумҳури Тоҷикистон, дар вохӯрӣ Эмомалӣ Раҳмон изҳор дошт, ки тайи даҳ соли охир равобити шарикии стратегии ду кишвар ба сатҳи сифатан нав баромад ва ин муносибатҳо намунаи ҳамсоягии нек ва дӯстии самимӣ мебошанд.
"Муомилоти молӣ байни кишварҳо мунтазам афзуда, соли гузашта афзоиши он қариб 40%-ро ташкил дод. Ин имкон медиҳад, ки ҳарду давлат дар ояндаи наздик ҳачми тиҷоратро назаррас зиёд намоянд", - гуфт раисҷумҳур.
Дафтари матбуоти раисҷумҳури Тоҷикистон гуфт, масоили робитаҳои ду кишвар дар соҳаҳои саноат, энергетика, нақлиёт, кишоварзӣ, иқтисоди рақамӣ, тиҷорати электронӣ, татбиқи лоиҳаҳои калони инфрасохторӣ ва ҳамкорӣ дар саноати кӯҳӣ низ баррасӣ гардиданд.
"Зимни вохӯрӣ ҷалби технологияҳои муосири чинӣ ба бахши коркарди маҳсулоти кишоварзӣ, махсусан пахта, сабзавоту меваҷот ва рушди ҳамкорӣ дар соҳаҳои пиллапарварӣ ва фармасевтӣ амри муҳим маънидод гардид", - омадааст дар иттилоия.
Таъкид гардид, ки дар мулоқот ҷонибҳо, ҳамчунин, оид ба дигар масъалаҳои мавриди таваҷҷуҳ гуфтугӯйи судманд анҷом доданд.
