https://sputnik.tj/20230516/tojikiston-mizbon-bozi-intikhobi-1057131442.html

Тоҷикистон мизбони бозиҳои марҳилаи интихобии ҶО-2024 шуд

Тоҷикистон мизбони бозиҳои марҳилаи интихобии ҶО-2024 шуд

Sputnik Тоҷикистон

Конфедератсияи футболи Осиё кишварҳоеро, ки бозиҳои марҳилаи интихобии Ҷоми Осиё-2024 байни дастаҳои олимпии то 23-соларо мизбонӣ мекунанд, эълон намуд

2023-05-16T14:21+0500

2023-05-16T14:21+0500

2023-05-16T14:21+0500

дар тоҷикистон

навигариҳои варзиши тоҷикистон

футбол

ҷоми осиё

осиё

https://cdnn1.img.sputnik.tj/img/07e5/03/02/1032928183_0:68:1286:791_1920x0_80_0_0_2da492524cd064e31ad2af54e96e7370.jpg

ДУШАНБЕ, 16 май — Sputnik. Тоҷикистон дар феҳрасти кишварҳое қарор гирифт, бозиҳои марҳилаи интихобии Ҷоми Осиё-2024 байни дастаҳои олимпии то 23-соларо мизбонӣ мекунанд. Дар ин бора Федератсияи футболи Тоҷикистон бо такя ба эълони Конфедератсияи футболи Осиё хабар дод. Ба иттилои манбаъ, Конфедератсияи футболи Осиё 11 кишвар – Тоҷикистон, Ӯзбекистон, Баҳрайн, Чин, Индонезия, Урдун, Кореяи Ҷанубӣ, Кувайт, Арабистони Саудӣ, Таиланд ва Ветнамро барои мизбонии бозиҳои интихобии Ҷоми Осиё-2024 интихоб кардааст. Бозиҳои марҳилаи интихобии Ҷоми Осиё-2024 байни дастаҳои олимпии то 23-сола аз 4 то 12 сентябр сурат мегиранд, омадааст дар иттилоияи ФФТ.Манбаъ афзуд, ки қуръакашии марҳилаи интихобии Ҷоми Осиё-2024 миёни дастаҳои мунтахаби олимпии то 23-сола рӯзи 25 май дар қароргоҳи КФО воқеъ дар Куала-Лумпур баргузор мегардад. Федератсияи футболи Тоҷикистон тавзеҳ дод, ки аз рӯи натиҷаи қуръакашӣ 44 даста ба 11 гурӯҳ тақсим мешаванд. Ғолибони гурӯҳ ва инчунин чаҳор дастаи беҳтарини ҷойҳои дуюмро ишғолкарда ба қисмати ниҳоии Ҷоми Осиё-2024, ки соли оянда дар Қатар баргузор мешавад, роҳхат мегиранд.

https://sputnik.tj/20230515/nuqta-okhir-usmonov-chempionati-jahon-1057105628.html

осиё

2023

Хабарҳо

tg_TJ

тоҷикистон, бозӣ, мизбон, байналмилалӣ, осиё, даста