Шаҳрҳои Тоҷикистону Чинро хатсайри нав мепайвандад

© Sputnik / Илья Наймушин / Гузариш ба медиабонкСамолеты в аэропорту
Самолеты в аэропорту  - Sputnik Тоҷикистон, 1920, 14.05.2023
Обуна шудан
Ширкати ҳавонавардии Чин дар масири Сиан - Урумчӣ - Душанбе хатсайри нав ифтитоҳ намуд, ки ҳафтаи як марготиба парвоз анҷом медиҳад
ДУШАНБЕ, 14 май — Sputnik. Чин ба пойтахти Тоҷикистон роҳи нави ҳавоӣ боз мекунад.
Ба ин тартиб, аз 18 май парвози мустақим байни Сиан ва Душанбе оғоз мегардад, иттилоъ медиҳад хабаргузории Синхуа.
Парвозҳое, ки шаҳрҳои ду кишварро ба ҳам мепайвандад, тавассути ширкати China Southern Airlines анҷом мешавад.
Тибқи маълумоти нав, парвози CZ5083/4 Сиан - Урумчӣ - Душанбе ҳар рӯзи панҷшанбе сурат мегирад. Ҳавопаймо аз Сиан соати 19:05 ба вақти Пекин парвоз карда, рӯзи ҷумъа соати 00:55 ба вақти маҳаллӣ ба Душанбе мерасад.
Вид из иллюминатора пассажирского самолета, архивное фото - Sputnik Тоҷикистон, 1920, 13.05.2023
Ширкати "Сомон Эйр" қасд дорад, ҳавопаймоҳои чиниро харидорӣ кунад
Парвози баргашт, рӯзи шанбе соати 01:35 ба вақти Пекин сурат гирифта, ҳавопаймо бояд соати 12:30 дақиқа дар Сиан фуруд ояд.
Зимнан, Ли Ҷиучуан, муовини директори шӯъбаи Сиании ширкати ҳавопаймоии ҷанубии Чин гуфт, ки бештари мусофирон ҳоло бо сафари корӣ мераванд. Ӯ изҳори боварӣ намуд, ки дар оянда тлабот миёни сайёҳон хоҳад афзуд.
Қобили зикр аст, ки ширкати ҳавопаймоӣ рӯзи шанбеи 13 май хатсайри Сиан-Урумчӣ-Ашқободро ба роҳ монд.
Қаблан ҷониби Чин хабар дода буд, ки барои пурра фаро гирифтани панҷ кишвари Осиёи Марказӣ ҳарчӣ зудтар ду масири нав ба самти Душанбе ва Ишқобод боз мекунад.
Лентаи хабарҳо
0