Дар Туркия гуфтанд, ки эътирофи Қрим ҳамчун қаламрави Русия ногузир аст

© Sputnik / Констанция ЖдановскаяНовый русский Крым
Новый русский Крым - Sputnik Тоҷикистон, 1920, 15.03.2023
Обуна шудан
Раиси Анҷумани дӯстони Қрим дар Туркия мегӯяд, таърихан нимҷазира ба қаламравҳои Украина тааллуқ надошт ва эътирофи он ҳамчун қаламрави Русия ногузир аст
ДУШАНБЕ, 15 мар — Sputnik. Эътироф кардани мақоми Қрим дар ҳайати Русия ногузир аст, зеро нимҷазира таърихан ҳеҷ гоҳ қаламрави Украина набудааст.
Дар ин бора ба хабаргузории РИА Новости раиси Анҷумани дӯстони Қрим дар Туркия, раиси Федератсияи ҷамъиятҳои фарҳангии тоторҳои Қрими Туркия Унвер Сел изҳор дошт.
"Оқибат чунин мешавад. Дер ё зуд, аммо мешавад. Эътироф ногузир аст, зеро дар амал нигоҳ доштани вазъи феълӣ ғайриимкон аст. Ғарб мехоҳад, Қрим ба Украина интиқол дода шавад", - гуфт Сел.
Вай ёдовар шуд, ки қримиҳо худ тасмим гирифтанд, ки тавассути раъйпурсӣ ба Русия ҳамроҳ шаванд.
"Гузашта аз ин, таърихан Қрим ҳеҷ гоҳ Украина набуд", - афзуд ӯ.
Ба гуфтаи ӯ, агар ба таърих назар андозед, кишварҳои ғарбӣ алакай мансубияти Қримро ба империяи Русия эътироф кардаанд.
Вид на Крым. Архивное фото - Sputnik Тоҷикистон, 1920, 17.12.2022
Намояндаи Қрим мавқеъи ИМА дар қиболи нимҷазираро эълони ҷанг хонд
"Туркия наметавонад Қримро, ки бо он равобити таърихӣ дорад, нодида бигирад. Дар ин рӯзҳо мо ба далели заминларза ва интихоботи қарибулвуқӯъи 14 май дар остонаи тағйироти ҷиддии сиёсӣ қарор дорем, ки боиси тағйири сиёсат дар қиболи Қрим мешавад”,- таъкид кард Сел.
Вай ҳамчунин афзуд, ки сиёсати дар солҳои ахир пешгирифтаи Ғарб барои Туркия хатар дорад.
Ёдовар мешавем, ки Қрим дар моҳи марти соли 2014 дар пайи як раъйпурсӣ пас аз табаддулоти Украина ба як минтақаи Русия табдил ёфт.
Дар раъйпурсӣ 96,77 дарсади интихобкунандагон дар Қрим ва 95,6 дарсад дар Севастопол барои пайвастан ба Русия раъй додаанд.
Лентаи хабарҳо
0