Мулоқоти президенти Тоҷикистон бо роҳбари Тотористон: Раҳмон интизориҳояшро гуфт

© Пресс-служба Президента Республики ТаджикистанПрезидент Таджикистан Эмомали Рахмон провел встречу с главой Татарстана Рустамом Миннихановым
Президент Таджикистан Эмомали Рахмон провел встречу с главой Татарстана Рустамом Миннихановым - Sputnik Тоҷикистон, 1920, 03.03.2023
Обуна шудан
Роҳбари ҷумҳурии Тотористон дар доираи сафари раиси ҳукумати Федератсияи Русия ба Тоҷикистон рафта, густариши ҳамкориҳоро баррасӣ дорад
ДУШАНБЕ, 3 мар — Sputnik. Президенти Тоҷикистон, Эмомалӣ Раҳмон бо роҳбари Тотористон Рустам Минниханов таҳкими муносиботро баррасӣ кардаанд.
Ба иттилои дафтари матбуоти раисҷумҳури Тоҷикистон, роҳбари Тотористон дар доираи сафари раиси ҳукумати Русия, Михаил Мишустин дар шаҳри Душанбе қарор дорад.
Дар мулоқот Эмомалӣ Раҳмон аҳамияти рушди минбаъдаи самарабахши муносибатҳои байниминтақавӣ ҳамчун ҷузъи ҷудонашавандаи шарикии стратегии Тоҷикистону Русияро таъкид намуданд.
Дар ин замина ба густариши минбаъдаи фаъоли муносибатҳо бо Тотористон - ҳамчун яке аз минтақаҳои аз ҷиҳати иқтисодӣ пешқадами Русия, изҳори ҳавасмандӣ карда шуд.
В Московской консерватории имени Чайковского прошел концерт Русская фортепианная школа - Sputnik Тоҷикистон, 1920, 03.03.2023
Тарҳи ҷадиди марбути забону фарҳанги рус дар Тоҷикистон оғоз мешавад
"Соҳаҳои гуногуни саноат, аз ҷумла саноати кӯҳӣ ва металлургӣ, нафту газ, кимиё, сабук ва хӯрокворӣ, дорусозӣ, сохтмон, бахшҳои энергетика, нақлиёт ва коммуникатсия, кишоварзӣ ва сайёҳӣ аз самтҳои ояндадори ҳамкорӣ номида шуданд", - омадааст дар иттилоия.
Ҳамчунин татбиқи муштараки лоиҳаҳои сармоягузорӣ аз мавзуъҳои дигари мулоқот будааст.
Зимни мулоқот ҷонибҳо алоқамандии тарафайнро ба густариши минбаъдаи робитаҳои фарҳангию гуманитарӣ, аз ҷумла дар соҳаҳои маориф, илм ва тандурустӣ таъкид намуданд.
Президенти Тоҷикистон изҳори итминон кардааст, ки сафари Минниханов барои густариши равобити дуҷониба таҳким бахшанд.
Лентаи хабарҳо
0