Эмомалӣ Раҳмон мақбул донист: номи БДА "Амонатбонк" тағйир меёбад

© Пресс-служба Президента Республики ТаджикистанПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 28.02.2023
Обуна шудан
Кишвардори Тоҷикистон ба масъулин дастур додааст, ки кишти баҳориро афзоиш ва захираи кофии маҳсулоти кишоварзӣ, аз қабили пиёз, картошкаву сабзиро таъмин кунанд
ДУШАНБЕ, 28 фев — Sputnik. Дар Душанбе таҳти раёсати президенти Тоҷикистон Эмомалӣ Раҳмон маҷлиси Ҳукумат баргузор шуд, ки мавзӯи асосии он баррасии вазъи БДА "Амонатбонк" ва ивази номи он будааст.
Ба иттилои дафтари матбуоти президент, дар бораи масъалаҳои "Амонатбонк" ва лоиҳаи тағйири номи он ба раисҷумҳур муовини якуми вазири молияии кишвар гузориш додааст.
Ба гуфтаи ӯ лоиҳаи қарор таъсири бевоситаи худро дар раддабандии байналмилалии Тоҷикистон расонида, на танҳо вазъи ҷории молиявӣ, миқдори сармоя ва маблағи қарзӣ, балки фаъолияти ояндаи молиявии ташкилоти қарзиро фарогир мебошад.
Таджикские сомони на столе  - Sputnik Тоҷикистон, 1920, 06.02.2023
"Амонатбонк" ҳаҷми дороию даромади софашро гуфт
Ҳамин тариқ бар асоси лоиҳаи қароре, ки Ҳукумати кишвар қабул донистааст, ҳамакнун номи Бонки давлатии амонатгузории Ҷумҳурии Тоҷикистон "Амонатбонк" ба Корхонаи воҳиди давлатии "Бонки амонатгузории Ҷумҳурии Тоҷикистон "Амонатбонк" иваз карда шуд.
"Ҳамзамон қарор дода шуд, ки Шӯрои нозирони Корхонаи воҳиди давлатии "Бонки амонатгузории Ҷумҳурии Тоҷикистон "Амонатбонк" таъсис ва ҳайати шӯрои нозирони он тасдиқ гардад", - афзудааст манбаъ.
Дар ҷаласа лоиҳаҳои қонунҳо "Дар бораи Палатаи ҳисоби Ҷумҳурии Тоҷикистон" ва "Дар бораи алоқаи барқӣ" муҳокима шуда, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол шудааст.
Гуфта мешавад, ки мақсад аз таҳияи лоиҳаи қарори ҳукумати "Дар бораи алоқаи барқӣ" таъмини амнияти иттилоотӣ, рақобати озод ва рушди соҳа, пешгирии таҳдидҳои нав ва мубориза бар зидди ҷинояткорӣ бо истифода аз шабакаҳои алоқаи барқӣ ва ғайра мебошад.
Манбаъ меафзояд, ки дар кори ҷаласа инчунин як қатор пешниҳодҳои вакилони халқи ноҳияи Зафаробод муҳокима шуда, дар фарҷом Раҳмон ба ҳозирин дастур додааст, ки барои захираи бештари маҳсулот кишти баҳорӣ вусъат дода шуда, ҳадафҳои гузоштаи ҳукумат иҷро гарданд.
Лентаи хабарҳо
0