Борону барфи зиёд боиси баста шудани роҳҳои мошингарди ноҳияи Шуғнон шуд

© Sputnik / Денис Абрамов / Гузариш ба медиабонкДорожная техника расчищает автомобильную дорогу от лавины, архивное фото
Дорожная техника расчищает автомобильную дорогу от лавины, архивное фото - Sputnik Тоҷикистон, 1920, 16.02.2023
Обуна шудан
Мақомоти иҷроияи ҳокимияти давлатии ноҳия Шуғнон бар асари борону барфи зиёд роҳҳои мошингарди ноҳияи Шуғнон муваққатан баста шуданд
ДУШАНБЕ, 16 фев — Sputnik. Бинобар сабаби бориши зиёди барфу борон ва фаромадани зиёда аз 50 адад тармаҳо роҳҳои мошингарди ҳудуди ноҳияи Шуғнон муваққатан баста шудаанд, иттилоъ додааст мақомоти ноҳия.
Ба иттилои манбаъ, 15 феврал дар мавзеъҳои Ёмҷ, Сохчарв, Зевардашти Ҷамоати деҳоти М.Ширинҷонов, Бидурд, Манем, Барсеми Ҷамоати деҳоти Сучон, деҳаҳои Гожак ва Барчадеви Ҷамоати деҳоти Ғ.Шаҳбозов, деҳаи Вабисти Ҷамоати деҳоти Навобод ва дар Ҷамоати деҳоти Ванқалъа, инчунин ағбаи Куҳтезак бинобар сабаби ба амал омадани барфу борони зиёд ва фаромадани тармаҳо роҳҳои мошингарди ҳудуди ноҳияи Шуғнон муваққатан баста шуданд.
Тибқи иттилои мнбаъ, айни ҳол дар мавзеъҳои номбурда 12 техникаи муассисаҳои давлатии нигоҳдории роҳҳои мошингарди ноҳияи Шуғнон ба тозакунии роҳҳо аз барф машғуланд.
“Масъулин талош доранд, ки то 17 феврал роҳҳои мошингардро аз тарма тоза карда, ҳаракати нақлиётро дар роҳҳои ҳудуди ноҳия таъмин намоянд”,- қайд кардааст манбаъ.
Последствия схода лавины в ГБАО - Sputnik Тоҷикистон, 1920, 16.02.2023
Теъдоди қурбониёни тарма дар Тоҷикистон ба 19 нафар расид
Ҳамзамон иттилоъ дода шудааст, ки дар ҳоли ҳозир роҳҳои мошингард дар ҷамоатҳои деҳоти М.Ширинҷонов ва Поршинев аз тарма тоза карда шуда, дар ҷамоатҳои деҳоти Сучон, Ғ.Шаҳбозов, Навобод ва Ванқалъа корҳои бартарафсозии оқибати офати табиӣ идома доранд.
Мақомот аз тамоми ронандагони нақлиёти мусофирбар ва хусусӣ, инчунин сокинон хоҳиш кардааст, ки дар ин давра бе зарурат ба сафар набароянд.
Лентаи хабарҳо
0