https://sputnik.tj/20230206/tojikiston-tajriba-rusiya-qarz-ipoteki-1054704032.html
Азми афзоиши қарзҳои ипотекӣ дар Тоҷикистон бо таҷрибаи “Нострой”-и Русия
Азми афзоиши қарзҳои ипотекӣ дар Тоҷикистон бо таҷрибаи “Нострой”-и Русия
Sputnik Тоҷикистон
Роҳбарияти "Амонатбонк" азми ҳамкорӣ бо ширкатҳои сохтмонӣ дар додани қарзҳои ипотекиро дошта, таҷрибаи қарздиҳии Русияро дар ин бахш омӯхта истодааст 06.02.2023, Sputnik Тоҷикистон
2023-02-06T17:17+0500
2023-02-06T17:17+0500
2023-02-08T19:47+0500
дар тоҷикистон
иқтисод
ҳамкорӣ
сохтмони манзилҳо
қарздиҳӣ
амонатбонк
дар русия
https://cdnn1.img.sputnik.tj/img/07e5/0c/07/1044001341_0:181:1920:1261_1920x0_80_0_0_1ba1d0661484ca231515ed97cbf9900f.jpg
ДУШАНБЕ, 6 фев – Sputnik. Бонки давлатии Тоҷикистон, "Амонатбонк" барои омӯхтани низоми қарздиҳии ипотекӣ бо “Нострой” – и Русия ҳамкориро ба роҳ андохтааст. Раиси “Амонатбонк”, Сироҷиддин Икромӣ, зимни нишасти матбуотӣ, гуфт, бонкҳои Тоҷикистон сол ба сол теъдоди қарзҳои ипотекиро бо истифода аз таҷрибаҳои ҷаҳонӣ афзоиш медиҳанд. Тибқи иттилои “Амонатбонк”, дар соли 2022 теъдоди онҳое, ки қарзи маскан ё ипотекиро гирифта, соҳиби хонаи худ шудаанд, ба 51 нафар расид. Соли пеш аз ин 31 нафарро ташкил медод.Дарсадии қарзи маскан дар “Амонатбонк” бо пули миллии сомонӣ 22% ва бо доллар 10% аст. Дар ҳамин ҳол, раиси “Амонатбонк” гуфт, ба хотири омӯхтани чигунагии низоми қарзи ипотекӣ бо “Нострой” - Анҷумани миллии сохтмончиёни Русия ҳамкорӣ мекунад, ки таҷрибаи бисёр пешрафтае доранд. “Ҳама ширкатҳои сохтмонӣ лузуман бо бонкҳо кор мекунанд. Мо ҳамчунин Анҷумани созандагони Тоҷикистонро дорем, ки аз наздик бо онҳо ҳамкорӣ мекунем", - гуфт ӯ. Вай афзуд, бо ширкатҳои умдаи сохтмонии ҷумҳурӣ, аз ҷумла онҳое, ки дар шаҳри Душанбе хона месозанд, имконияту зарфиятҳои ҳамкорӣ баррасӣ шуд. Раиси “Амонатбонк” афзуд, акнун ҳукми шаҳрдор шаҳри Душанбе содир шудааст, ки ҳар ширкати сохтмонӣ қабл аз шурӯъи сохтмон бояд ҳадди ақал 20 дарсад ҳазинаи сохт ва ё 5 дарсад замонат дошта бошад. “Онҳо бидуни банк наметавонанд кор кунанд, аз ин хотир, бояд бо банкҳо ҳамкорӣ дошта бошанд. Ҳама чиз тақрибан мутобиқ бо таҷрибаи “Нострой” танзим шудааст”, - гуфт Икромӣ. Қарзҳои ипотекӣ яке аз таҷрибаҳои сангин барои бонкҳо, ширкатҳои сохтмонӣ ва мизоҷон дар Тоҷикистон аст, зеро қимати баланди хонаҳо ва ҳам маошу даромадҳои ками шаҳрвандон амалӣ шудани ин равандро ба мушкил мувоҷеҳ месозад. Бо ин вуҷуд се сол ба ин сӯ бонкҳои Тоҷикистон ин таҷрибаро низ роҳандозӣ кардаанд ва тавре омори “Амонатбонк” нишон медиҳад, ба сахтӣ ҳам бошад, пеш меравад.
https://sputnik.tj/20230206/dastur-prezident-tedodi-zanon-bonkho-hanuz-ikromi-1054703663.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, иқтисод, ҳамкорӣ, сохтмони манзилҳо, қарздиҳӣ, амонатбонк, дар русия
дар тоҷикистон, иқтисод, ҳамкорӣ, сохтмони манзилҳо, қарздиҳӣ, амонатбонк, дар русия
Азми афзоиши қарзҳои ипотекӣ дар Тоҷикистон бо таҷрибаи “Нострой”-и Русия
17:17 06.02.2023 (Навсозишуда: 19:47 08.02.2023) Роҳбарияти "Амонатбонк" азми ҳамкорӣ бо ширкатҳои сохтмонӣ дар додани қарзҳои ипотекиро дошта, таҷрибаи қарздиҳии Русияро дар ин бахш омӯхта истодааст
ДУШАНБЕ, 6 фев – Sputnik. Бонки давлатии Тоҷикистон, "Амонатбонк" барои омӯхтани низоми қарздиҳии ипотекӣ бо “Нострой” – и Русия ҳамкориро ба роҳ андохтааст.
Раиси “Амонатбонк”, Сироҷиддин Икромӣ, зимни нишасти матбуотӣ, гуфт, бонкҳои Тоҷикистон сол ба сол теъдоди қарзҳои ипотекиро бо истифода аз таҷрибаҳои ҷаҳонӣ афзоиш медиҳанд.
“Ба бовари мо, қарзҳои ипотекӣ барои ҳалли мушкили маскан барои мардум хеле муҳим аст, аз ин хотир, раванди амалисозии он бояд ба як низоми коромад дароварда шавад”, - гуфт Икромӣ.
Тибқи иттилои “Амонатбонк”, дар соли 2022 теъдоди онҳое, ки қарзи маскан ё ипотекиро гирифта, соҳиби хонаи худ шудаанд, ба 51 нафар расид. Соли пеш аз ин 31 нафарро ташкил медод.
Дарсадии қарзи маскан дар “Амонатбонк” бо пули миллии сомонӣ 22% ва бо доллар 10% аст.
Дар ҳамин ҳол, раиси “Амонатбонк” гуфт, ба хотири омӯхтани чигунагии низоми қарзи ипотекӣ бо “Нострой” - Анҷумани миллии сохтмончиёни Русия ҳамкорӣ мекунад, ки таҷрибаи бисёр пешрафтае доранд.
“Ҳама ширкатҳои сохтмонӣ лузуман бо бонкҳо кор мекунанд. Мо ҳамчунин Анҷумани созандагони Тоҷикистонро дорем, ки аз наздик бо онҳо ҳамкорӣ мекунем", - гуфт ӯ.
Вай афзуд, бо ширкатҳои умдаи сохтмонии ҷумҳурӣ, аз ҷумла онҳое, ки дар шаҳри Душанбе хона месозанд, имконияту зарфиятҳои ҳамкорӣ баррасӣ шуд.
Раиси “Амонатбонк” афзуд, акнун ҳукми шаҳрдор шаҳри Душанбе содир шудааст, ки ҳар ширкати сохтмонӣ қабл аз шурӯъи сохтмон бояд ҳадди ақал 20 дарсад ҳазинаи сохт ва ё 5 дарсад замонат дошта бошад.
“Онҳо бидуни банк наметавонанд кор кунанд, аз ин хотир, бояд бо банкҳо ҳамкорӣ дошта бошанд. Ҳама чиз тақрибан мутобиқ бо таҷрибаи “Нострой” танзим шудааст”, - гуфт Икромӣ.
Қарзҳои ипотекӣ яке аз таҷрибаҳои сангин барои бонкҳо, ширкатҳои сохтмонӣ ва мизоҷон дар Тоҷикистон аст, зеро қимати баланди хонаҳо ва ҳам маошу даромадҳои ками шаҳрвандон амалӣ шудани ин равандро ба мушкил мувоҷеҳ месозад.
Бо ин вуҷуд се сол ба ин сӯ бонкҳои Тоҷикистон ин таҷрибаро низ роҳандозӣ кардаанд ва тавре омори “Амонатбонк” нишон медиҳад, ба сахтӣ ҳам бошад, пеш меравад.
