Мақомоти Суғд: Дар анборҳо маҳсулоти кишоварзии зарурӣ захира шудааст

© Foto Пресс-служба президента ТаджикистанаМешки с картошкой
Мешки с картошкой - Sputnik Тоҷикистон, 1920, 30.01.2023
Обуна шудан
НовостиTelegram
Мақомоти Суғд иддао дорад, ки дар анбору сардхонаҳои вилоят маҳсулоти кишоварзии зарурӣ дар ҳаҷми кофӣ захира карда шудааст
ДУШАНБЕ, 30 янв — Sputnik. Соли 2022 дар вилояти Суғд ҳаҷми истеҳсоли маҳсулоти кишоварзӣ дар ҳамаи шаклҳои хоҷагидорӣ ба 15 миллиарду 618 миллион сомонӣ расонида шуд, ки тибқи арзёбии масъулон, ба 112 фоизи нишондиҳандаи соли 2021 баробар мебошад, иттилоъ додааст сарраёсати кишоварзии вилояти Суғд.
Тибқи иттилои манбаъ, соли гузашта ҳаҷми истеҳсоли ғалладонагиҳо якҷоя бо ҷуворимакка 396 ҳазору 235 тонна дон, аз ҷумла 173 ҳазору 572 тонна гандумро ташкил додааст.
Ҳамзамон дар ин даврадар вилоят дар ҳамаи шаклҳои хоҷагидорӣ 562 ҳазору 924 тонна картошка, 608 ҳазору 540 тонна сабзавот, 124 ҳазору 477 тонна мева ва 148 ҳазору 551 тонна полезӣ истеҳсол гардидааст.
Зеленый рынок в Душанбе. Архивное фото - Sputnik Тоҷикистон, 1920, 30.01.2023
Дастури Эмомалӣ Раҳмон ба КДАМ-у гумрук дар мавриди пиёз, картошка ва сабзӣ
Мақомоти Суғд таъкид кардааст, ки ҳоло дар анбору сардхонаҳои шаҳру ноҳияҳои вилояти Суғд 135 ҳазору 375 тонна картошка, 21 ҳазору 760 тонна пиёз, 6 ҳазору 739 тонна сабзӣ ва дигар намуди маҳсулоти кишоварзӣ захира карда шудааст.
Зикр гардидааст, ки дар ҳолати афзоиши талабот маҳсулоти захирашуда ба фурӯш бароварда мешавад.
Иттилоъ дода шудааст, ки дар айни замон дар вилояти Суғд 40 сардхонаи замонавӣ мавриди истифода қарор дорад.
Лентаи хабарҳо
0