https://sputnik.tj/20230123/volodin-munosibot-rusiya-eron-namunavi-1054411879.html
Володин муносиботи Русия бо Эронро намунавӣ хонд
Володин муносиботи Русия бо Эронро намунавӣ хонд
Sputnik Тоҷикистон
Раиси Думаи давлатии Русия аз густариши муносибот бо Эрон гуфта, таъмини заминаи ҳуқуқӣ барои татбиқи қарорҳои дар сатҳи олӣ қабулшударо муҳим хонд
2023-01-23T13:13+0500
2023-01-23T13:13+0500
2023-01-23T13:14+0500
дар русия
маскав
теҳрон
роҳбар
вячеслав володин
https://cdnn1.img.sputnik.tj/img/103002/86/1030028655_0:0:2853:1605_1920x0_80_0_0_abc86708e686971797fd5e9fd1d5004b.jpg
ДУШАНБЕ, 23 янв — Sputnik. Муносиботи Русия ва Эрон бо суръат рушд карда истодаанд ва намунаи хуби ҳамдигарфаҳмӣ мебошанд. Ин нуктаро раиси Думаи давлатии Русия, Вячеслав Володин дар мулоқот бо раиси Маҷлиси Шӯрои исломии Эрон, Муҳаммад Боқир Ғолибоф баён дошт. Ба гуфтаи Володин, комиссияи ҳамкориҳои Думаи давлатӣ ва Маҷлиси Шӯрои исломии Эрон ба ҳалли масоиле машғул мешавад, ки шаҳрвандони ду кишвар интизорашон мебошанд. Маврид ба зикр аст, ки феълан ҳайати Думаи давлатӣ таҳти раёсати Вячеслав Володин, бо сафари расмӣ дар Эрон қарор дорад. Ба ҳайат, аз ҷумла, муовини раиси Думаи давлатӣ Сергей Неверов, раиси Кумитаи Думаи давлатӣ дар масоили амниятӣ Василий Пискарев, раиси Кумита оид ба нақлиёт Евгений Москвичев, раиси Кумита оид ба корҳои байналмилалӣ Леонид Слутский ва раиси Кумитаи Думаи давлатӣ оид ба бозори молиявӣ Анатолий Аксаков вориданд. Ёдовар мешавем, ки дар авоили соли 2022 раисҷумҳури Эрон, Иброҳим Раисӣ аз Маскав боздид карда, бо президенти Русия, Владимир Путин ҳамкориҳоро баррасӣ намуд.Эрон санадеро ба Русия супурд, ки ҳамкориҳои миёни ин кишварҳоро барои 20 сол пешбинӣ мекунад.Раисӣ ҳамчунин бар зарурати боло бурдани сатҳи равобити тиҷоративу иқтисодии давлатҳо ва ҳамкориҳо дар бахшҳои иқтисод, сиёсат, фарҳанг, илму фанноварӣ, дифоъ ва низомӣ, ҳамчунин дар масоили амниятӣ ва кайҳонӣ таъкид намуда буд.Маврид ба зикр аст, ки вақтҳои охир равобити Маскаву Теҳрон майли густариш дошта, ҷонибҳо аз ҷумла гузариш ба пули худӣ дар додугирифту ташкили корхонаҳои муштараки тавлидотиро баррасӣ менамоянд.
https://sputnik.tj/20230119/bonki-markazi-eron-tavsea-munosibot-puli-bonki-rusiya-1054325787.html
маскав
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тавсиф, вячеслав володин, муносибот, эрон, русия
тавсиф, вячеслав володин, муносибот, эрон, русия
Володин муносиботи Русия бо Эронро намунавӣ хонд
13:13 23.01.2023 (Навсозишуда: 13:14 23.01.2023) Раиси Думаи давлатии Русия аз густариши муносибот бо Эрон гуфта, таъмини заминаи ҳуқуқӣ барои татбиқи қарорҳои дар сатҳи олӣ қабулшударо муҳим хонд
ДУШАНБЕ, 23 янв — Sputnik. Муносиботи Русия ва Эрон бо суръат рушд карда истодаанд ва намунаи хуби ҳамдигарфаҳмӣ мебошанд.
Ин нуктаро раиси Думаи давлатии Русия, Вячеслав Володин дар мулоқот бо раиси Маҷлиси Шӯрои исломии Эрон, Муҳаммад Боқир Ғолибоф баён дошт.
"Намунаи рушди равобит ва ҳамдигарфаҳмиро президентҳои кишварҳои мо нишон медиҳанд. Аз ҷониби худ мо бояд таъминоти ҳуқуқии тасмимҳои дар сатҳи олӣ қабулшударо анҷом диҳем", - гуфт Володин ба Ғолибоф.
Ба гуфтаи Володин, комиссияи ҳамкориҳои Думаи давлатӣ ва Маҷлиси Шӯрои исломии Эрон ба ҳалли масоиле машғул мешавад, ки шаҳрвандони ду кишвар интизорашон мебошанд.
Маврид ба зикр аст, ки феълан ҳайати Думаи давлатӣ таҳти раёсати Вячеслав Володин, бо сафари расмӣ дар Эрон қарор дорад.
Ба ҳайат, аз ҷумла, муовини раиси Думаи давлатӣ Сергей Неверов, раиси Кумитаи Думаи давлатӣ дар масоили амниятӣ Василий Пискарев, раиси Кумита оид ба нақлиёт Евгений Москвичев, раиси Кумита оид ба корҳои байналмилалӣ Леонид Слутский ва раиси Кумитаи Думаи давлатӣ оид ба бозори молиявӣ Анатолий Аксаков вориданд.
Ёдовар мешавем, ки дар авоили соли 2022 раисҷумҳури Эрон, Иброҳим Раисӣ аз Маскав боздид карда, бо президенти Русия, Владимир Путин ҳамкориҳоро баррасӣ намуд.
Эрон санадеро ба Русия супурд, ки ҳамкориҳои миёни ин кишварҳоро барои 20 сол пешбинӣ мекунад.
Раисӣ ҳамчунин бар зарурати боло бурдани сатҳи равобити тиҷоративу иқтисодии давлатҳо ва ҳамкориҳо дар бахшҳои иқтисод, сиёсат, фарҳанг, илму фанноварӣ, дифоъ ва низомӣ, ҳамчунин дар масоили амниятӣ ва кайҳонӣ таъкид намуда буд.
Маврид ба зикр аст, ки вақтҳои охир равобити Маскаву Теҳрон майли густариш дошта, ҷонибҳо аз ҷумла гузариш ба пули худӣ дар додугирифту ташкили корхонаҳои муштараки тавлидотиро баррасӣ менамоянд.
