https://sputnik.tj/20230116/erdughon-tolib-naqzi-shariat-muttaham-1054226716.html
Эрдуғон толибҳоро дар нақзи шариат муттаҳам кард
Эрдуғон толибҳоро дар нақзи шариат муттаҳам кард
Sputnik Тоҷикистон
Президенти Туркия аъмоли толибҳоро, ки таҳсили занонро дар муассисаҳои таълимии миёна ва олӣ мамнуъ эълон кардаанд, ғайришаръӣ хондааст
2023-01-16T10:36+0500
2023-01-16T10:36+0500
2023-01-16T10:41+0500
дар ҷаҳон
афғонистон
маориф
раҷаб тайиб эрдуғон
https://cdnn1.img.sputnik.tj/img/07e6/06/09/1049060573_0:0:1874:1054_1920x0_80_0_0_ce8411c803e7f9930c8965a89c9a7f2e.jpg
ДУШАНБЕ, 16 янв — Sputnik. Маҳдудиятҳои толибҳо дар таҳсили занон хилофи арзишҳои умумибашарӣ ва исломӣ аст, изҳор доштаст, президенти Туркия, Раҷаб Тайиб Эрдуғон. Ба иттилои Sputnik Афғонистон, Эрдуғон изҳор доштаст, ки манъи таҳсили занон дар донишгоҳҳо ва мактабҳои миёнаро бо ислом асоснок кардан ғайриимкон аст. Вай таъкид намудаст, ки дини ислом мамнуъ будани таҳсил барои занонро қабул надораду ин қарор хилофи шариат мебошад. Ин дар ҳолест, ки қаблан нигарониҳо аз ин қарорро Вазорати умури хориҷии Ӯзбекистон баён дошта буд. ВУХ Ӯзбекистон бо нашри як изҳорот изҳори умедворӣ карда буд, ки мақомоти Афғонистон тасмими худ дар бораи манъи таҳсили занонро бознигарӣ мекунанд.Пештар Вазорати таҳсилоти олии ҳукумати муваққати толибҳо дар Афғонистон бо интишори номае аз бастани дарвозаҳои донишгоҳҳо ба рӯи духтарон хабар дод. Ин иқдоми толибҳо вокунишҳои дохилӣ ва байналмилалиро ба дунбол дошт.Кишварҳо ва ниҳодҳои байналмилалӣ аз толибҳо интиқод карданд ва хоҳони лағви мамнуъияти таҳсил барои духтарон дар донишгоҳ шудаанд.Дар вокуниш раҳбари ҷабҳаи муқовимати миллии Афғонистон, Аҳмад Масъуд гуфт, дарвозаи сохтмони донишгоҳу мактабро метавон баста кард, аммо дари илму донишро наметавон баст.Бархе аз давлатҳои ҷаҳон, аз ҷумла Ӯзбекистон низ бо нашри як муроҷиатномаи расмӣ аз толибҳо хост, барои ояндаи дурахшони кишвар ин қарорашонро бозбинӣ намоянд.
https://sputnik.tj/20230106/toshkand-rasman-amali-tolibho-izhori-nigaroni-1054021425.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
манъ, таҳсил, хилоф, ислом, президент, туркия
манъ, таҳсил, хилоф, ислом, президент, туркия
Эрдуғон толибҳоро дар нақзи шариат муттаҳам кард
10:36 16.01.2023 (Навсозишуда: 10:41 16.01.2023) Президенти Туркия аъмоли толибҳоро, ки таҳсили занонро дар муассисаҳои таълимии миёна ва олӣ мамнуъ эълон кардаанд, ғайришаръӣ хондааст
ДУШАНБЕ, 16 янв — Sputnik. Маҳдудиятҳои толибҳо дар таҳсили занон хилофи арзишҳои умумибашарӣ ва исломӣ аст, изҳор доштаст, президенти Туркия, Раҷаб Тайиб Эрдуғон.
Ба иттилои Sputnik Афғонистон, Эрдуғон изҳор доштаст, ки манъи таҳсили занон дар донишгоҳҳо ва мактабҳои миёнаро бо ислом асоснок кардан ғайриимкон аст.
Вай таъкид намудаст, ки дини ислом мамнуъ будани таҳсил барои занонро қабул надораду ин қарор хилофи шариат мебошад.
Ин дар ҳолест, ки қаблан нигарониҳо аз ин қарорро Вазорати умури хориҷии Ӯзбекистон баён дошта буд.
ВУХ Ӯзбекистон бо нашри як изҳорот изҳори умедворӣ карда буд, ки мақомоти Афғонистон тасмими худ дар бораи манъи таҳсили занонро бознигарӣ мекунанд.
Пештар Вазорати таҳсилоти олии ҳукумати муваққати толибҳо дар Афғонистон бо интишори номае аз бастани дарвозаҳои донишгоҳҳо ба рӯи духтарон хабар дод. Ин иқдоми толибҳо вокунишҳои дохилӣ ва байналмилалиро ба дунбол дошт.
Кишварҳо ва ниҳодҳои байналмилалӣ аз толибҳо интиқод карданд ва хоҳони лағви мамнуъияти таҳсил барои духтарон дар донишгоҳ шудаанд.
Дар вокуниш раҳбари ҷабҳаи муқовимати миллии Афғонистон, Аҳмад Масъуд гуфт, дарвозаи сохтмони донишгоҳу мактабро метавон баста кард, аммо дари илму донишро наметавон баст.
Бархе аз давлатҳои ҷаҳон, аз ҷумла Ӯзбекистон низ бо нашри як муроҷиатномаи расмӣ аз толибҳо хост, барои ояндаи дурахшони кишвар ин қарорашонро бозбинӣ намоянд.
