Руҳониёни Русия ба мусалмонон хариду фурӯши саҳмияҳоро иҷозат доданд

© Sputnik / Руслан Кривобок / Гузариш ба медиабонкГрафик на экране монитора, архивное фото.
График на экране монитора, архивное фото. - Sputnik Тоҷикистон, 1920, 29.12.2022
Обуна шудан
Шӯрои уламои Идораи рӯҳониёни мусулмонони Русия ба мусалмонон кишвар хариду фурӯши саҳмияҳоро дар бозори коғазҳои қиматнок иҷозат додааст
ДУШАНБЕ, 29 дек — Sputnik. Шӯрои уламои Идораи рӯҳониёни мусулмонони Русия дар ҷаласаи навбатии худ фатво дар бораи иҷозаи хариду фурӯши саҳмияҳои ширкатҳои мухталиф аз ҷониби мусалмонон қабул кард.
Муовини раиси Шӯрои уламои Русия Илдар Аляутдинов рӯзи панҷшанбе ба РИА Новости гуфт, моҳияти фатво дар мавриди хариду фурӯши саҳмияҳо аз ҷониби мусалмонон ин аст, ки дар бозори коғазҳои қиматнок се навъи ширкат вуҷуд дорад.
“Якум ин аст, ки фаъолияти онҳо аз сӯйи шариат (қонунҳои исломӣ) иҷозат дода шуда аст ва мӯъминон ҳақи тиҷорати чунин саҳмияҳоро доранд. Дуюм ширкатҳое ҳастанд, ки фаъолияташон барои мусалмонон мамнӯъ аст, масалан, қимор, бозӣ, машрубот, тиҷорати марбут ба гӯшти хук ва ғайра”, - гуфт оқои Аляутдинов.
Дети на улицах Душанбе на Иди Рамазан - Sputnik Тоҷикистон, 1920, 09.07.2022
Раиси Шӯрои уламо дар бораи идгардаки кӯдакон: Аз хурдӣ ба талбандагӣ хӯ мегиранд
Ҳамзамон ӯ таъкид кард, ки дигар ширкатҳои омехта низ дар ин бозорҳо вуҷуд доранд. Онҳо бештар ба фаъолиятҳое машғуланд, ки аз сӯйи шариат иҷозат дода шудаанд, аммо маҷбуранд аз бонкҳо анъанавӣ қарзҳои рибо гиранд. Хариду фурӯши саҳмияҳои ин ширкатҳо иҷозат дода шудааст, вале бо риояи бархе аз шартҳое, ки дар фатвои мо дар манобеъи расмии Шӯрои уламо нашр хоҳанд шуд ", - гуфт Аляутдинов.
Вай афзуд, хулосаи рӯҳониёни Шӯрои уламо дар бораи иҷозаи хариду фурӯши саҳмияҳо аз ҷониби мусалмонон пурра карда мешавад.
Лентаи хабарҳо
0