https://sputnik.tj/20221219/tojikiston-moshinsozi-kishvar-sabuki-1053599204.html
Тоҷикистон барои мошинсозӣ дар кишвар сабукӣ дод
Тоҷикистон барои мошинсозӣ дар кишвар сабукӣ дод
Sputnik Тоҷикистон
Палатаи болоии парлумони Тоҷикистон тағйирот ба Кодекси гумруки кишварро қабул намуд, ки бар асоси он бархе аз бахшҳо аз пардохти боҷ озод гардиданд
2022-12-19T10:15+0500
2022-12-19T10:15+0500
2022-12-19T10:26+0500
дар тоҷикистон
тағйирот
кодекси гумрук
сабукӣ
мошин
воридот
https://cdnn1.img.sputnik.tj/img/07e5/02/12/1032851173_0:67:1280:787_1920x0_80_0_0_c19c748dd91ea88128620d6295f14060.jpg
ДУШАНБЕ, 19 дек — Sputnik. Тоҷикистон номгӯи молҳоеро мушаххас кард, ки воридоташон аз пардохти боҷи гумрукӣ бе муҳлати амал озод мебошад. Қарор дар ин бораро Маҷлиси миллии Тоҷикистон бо қабули тағйирот ба Кодекси гумруки кишвар қабул намуд. Узви палатаи болоии парлумон, Шарифҷон Ҷумъазода тавзеҳ дод, ки моддаи 345 кодекси амалкунанда дар таҳрири нав таҳия шудааст, ки он номгӯи воридоти молҳои аз боҷи гумрукӣ озодшавандаро бе муҳлати амал муқаррар менамояд."Минбаъд воридоти қисмҳои эҳтиётӣ, маҳсулоти такмилии техника, мошинолоти кишоварзӣ ва қисмҳои эҳтиётӣ, инчунин, маҳсулоти такмилии автомобилҳои сабукрав, боркашу борбардор аз ҷониби корхонаҳои васлу насбкунанда ва истеҳсолкунанда аз боҷи гумрукӣ озод карда мешаванд", - изҳор дошт ӯ. Инчунин тағйирот ба иштирокдорони фаъолияти иқтисодии хориҷӣ даъво оид ба мустақилона аз нав бозҳисобӣ, ислоҳ кардани боҷҳои гумрукӣ ва андозҳои пардохтшударо кафолат медиҳад.Маврид ба зикр аст, ки мақомоти Тоҷикистон талош доранд, бо ироаи сабукиҳо дар ин ё он бахш рушдро фароҳам оранд. Аз ҷумлаи сабукиҳои охир, ки Маҷлиси миллӣ онро тасдиқ намуд, озод кардани ширкатҳои ҳавопаймоии ҷумҳурӣ ва ғайрирезидентҳои хизматрасон ба онҳо аз пардохти андоз мебошад. Таъкид гардид, ки ҳадафи ин сабукиҳо беҳбуди хизматрасониҳо, зиёд намудани парвозу поин бурдани нархи чипта арзёбӣ мешавад.
https://sputnik.tj/20221218/voridot-havopaymo-suzishvori-khadamot-andoz-tojikiston-1053599099.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
воридот, бархе, мол, пардохт, боҷ, озод
воридот, бархе, мол, пардохт, боҷ, озод
Тоҷикистон барои мошинсозӣ дар кишвар сабукӣ дод
10:15 19.12.2022 (Навсозишуда: 10:26 19.12.2022) Палатаи болоии парлумони Тоҷикистон тағйирот ба Кодекси гумруки кишварро қабул намуд, ки бар асоси он бархе аз бахшҳо аз пардохти боҷ озод гардиданд
ДУШАНБЕ, 19 дек — Sputnik. Тоҷикистон номгӯи молҳоеро мушаххас кард, ки воридоташон аз пардохти боҷи гумрукӣ бе муҳлати амал озод мебошад.
Қарор дар ин бораро Маҷлиси миллии Тоҷикистон бо қабули тағйирот ба Кодекси гумруки кишвар қабул намуд.
Узви палатаи болоии парлумон, Шарифҷон Ҷумъазода тавзеҳ дод, ки моддаи 345 кодекси амалкунанда дар таҳрири нав таҳия шудааст, ки он номгӯи воридоти молҳои аз боҷи гумрукӣ озодшавандаро бе муҳлати амал муқаррар менамояд.
"Минбаъд воридоти қисмҳои эҳтиётӣ, маҳсулоти такмилии техника, мошинолоти кишоварзӣ ва қисмҳои эҳтиётӣ, инчунин, маҳсулоти такмилии автомобилҳои сабукрав, боркашу борбардор аз ҷониби корхонаҳои васлу насбкунанда ва истеҳсолкунанда аз боҷи гумрукӣ озод карда мешаванд", - изҳор дошт ӯ.
Инчунин тағйирот ба иштирокдорони фаъолияти иқтисодии хориҷӣ даъво оид ба мустақилона аз нав бозҳисобӣ, ислоҳ кардани боҷҳои гумрукӣ ва андозҳои пардохтшударо кафолат медиҳад.
Маврид ба зикр аст, ки мақомоти Тоҷикистон талош доранд, бо ироаи сабукиҳо дар ин ё он бахш рушдро фароҳам оранд.
Аз ҷумлаи сабукиҳои охир, ки Маҷлиси миллӣ онро тасдиқ намуд, озод кардани ширкатҳои ҳавопаймоии ҷумҳурӣ ва ғайрирезидентҳои хизматрасон ба онҳо аз пардохти андоз мебошад.
Таъкид гардид, ки ҳадафи ин сабукиҳо беҳбуди хизматрасониҳо, зиёд намудани парвозу поин бурдани нархи чипта арзёбӣ мешавад.
