Нозирони Тоҷикистон интихоботи президентии Қазоқистонро пайгирӣ хоҳанд кард

© Sputnik / Гузариш ба медиабонкВыборы в Казахстане
Выборы в Казахстане - Sputnik Тоҷикистон, 1920, 19.11.2022
Обуна шудан
Намояндагии кишварҳои Иттиҳоди Давлатҳои Мустақил дар Қазоқистон, ки рӯзи 20 ноябр интихоботи пеш аз муҳлати раисиҷумҳури кишвар баргузор мешавад, кор мекунад
ДУШАНБЕ, 19 ноя — Sputnik. Нозирони Тоҷикистон дар ҳайати ИДМ интихоботи сарвари давлат дар Қазоқистонро пайгирӣ хоҳанд кард.
Дар ҳайати миссия 174 нозир, аз ҷумла намояндагони Тоҷикистон, Озарбойҷон, Арманистон, Беларус, Қирғизистон, Русия, Ӯзбекистон ва Туркманистон аккредитатсия шудаанд.
Тоқаев номзад ба мақоми президенти Қазоқистон пешбарӣ шуд
Дар он, инчунин, намояндагони созмонҳои байниҳукуматӣ, роҳбарони комиссияҳои марказии интихоботии кишварҳои ИДМ ва ходимони ҷамъиятӣ ширкат доштанд. Аз 27 октябри соли ҷорӣ дар кишвар нозирон кор мекунанд.
"10 нафар нозирони дарозмуддат ҳастанд, онҳо тақрибан аз тамоми минтақаҳои Қазоқистон дидан кардаанд, бо намояндагони сохторҳои давлатии масъули омодагӣ ва баргузории интихоботҳо мулоқот карданд", - гуфт роҳбари намояндагии ИДМ Сергей Лебедев.
Ёдовар мешавем, ки КМИ Қазоқистон 6 номзадро барои интихоботи оянда сабти ном кардааст. Дар байни онҳо:
Сарвари кунунии давлат Қосим-Ҷомарт Тоқаев аз Эътилофи халқӣ;
иқтисодчӣ Мейрам Кажыкен аз Иттиҳоди иттифоқҳои касабаи Қазоқистон "Аманат";
Жигулӣ Дайрабоев аз ҲХДТ-и "Ауыл" ("Деҳа");
Каракат Абден аз Иттиҳодияи ҷамъиятии ҷумҳурихоҳони "Альянси миллии коркунони касбии ичтимой";
Салтанат Турсинбекова аз иттиҳодияи республикавии "Казак аналары — дастурге жол";
Нурлан Ауесбоев раиси шӯъбаи Ҳизби умумимиллии сотсиал-демократии мухолиф.
Номзади пурқуввати президент Интихоботи пеш аз мӯҳлат президенти Қазоқистон 20 ноябр баргузор мешавад.
Лентаи хабарҳо
0