Путин гуфт, муноқиша миёни Боку ва Ереван бояд поён ёбад

© Sputnik / Алексей Бабушкин / Гузариш ба медиабонкПрезидент РФ В. Путин провел встречу с руководителями органов безопасности и спецслужб стран СНГ
Президент РФ В. Путин провел встречу с руководителями органов безопасности и спецслужб стран СНГ - Sputnik Тоҷикистон, 1920, 31.10.2022
Обуна шудан
Дар дидори сеҷониба дар Сочи сарони Арманистон ва Озарбойҷон имкон дорад, ба созише дастёбанд, ки сулҳи давомдор дар манотқи баҳсии кишварҳоро таъмин кунад
ДУШАНБЕ, 31 окт — Sputnik. Ба муноқишаи миёна Арманистону Озарбойҷон, ки чандин даҳа идома дорад, бояд хотима дода шавад.
Дар ин бора раисҷумҳури Русия Владимир Путин дар мулоқот бо Никол Пашинян, нахуствазири Арманистон изҳор дошт
"Ман медонам, ки шумо барои ин иродаи сиёсӣ доред. Мо аз ҳар ҷиҳат онро дастгирӣ мекунем", - гуфт раҳбари Русия.
Сарвазири Арманистон, ки барои нишасти сеҷониба бо Русия ва Ҷумҳурии Озарбойҷон дар Сочи қарор дорад, таъйид кард, ки равишҳои пешниҳодкардаи тарҳи оташбаси Русия барои Ереван қобили қабул аст.
Президент Таджикистана Эмомали Рахмон - Sputnik Тоҷикистон, 1920, 28.10.2022
Баҳси масоили Арманистону Озарбойҷон дар ҷаласаи СПАД: Раҳмон чӣ гуфт?
Президенти Русия гуфт, ки мақсади ҷаласа арзёбии раванди иҷроӣ тавофуқҳои сеҷонибаи қаблан ҳосилшуда миёни раҳбарони Русия, Ҷумҳурии Озарбойҷон ва Арманистон аст.
"Вохӯрӣ, ба назари ман, аҳамияти бузург дорад. Ҳадаф аз ин мулоқот, тавре мебинам, таъмини иҷрои ҳама тавофуқҳои мо, ки дар солҳои 2020 ва 2021 ҳосил шуда буд, аст", - гуфт Путин дар мулоқот бо Алиев.
Маврид ба зикр аст, ки роҳбарони Русия, Арманистон ва Озарбойҷон рӯзи душанбе дар Сочӣ як нишасти сеҷониба баргузор карда, дар он ҳалли масъалаи Қарабоғро баррасӣ мекунанд.
Дар ин нишаст ҳамчунин метавонанд ба тасвиби санаде дастёб шаванд, ки асоси паймони сулҳи ояндаро ташкил медиҳад.
Лентаи хабарҳо
0