Аҳмадзода хост, даъвати наваскарон дар Суғд ҷоннок карда шавад

© Исполнительный орган государственной власти Согдийской областиПредседатель Согдийской области Раджаббой Ахмадзода
Председатель Согдийской области Раджаббой Ахмадзода - Sputnik Тоҷикистон, 1920, 19.10.2022
Обуна шудан
Раиси вилояти Суғд дар ҷамъбасти қариб се ҳафтаи даъвати тирамоҳии наваскарон ба сафи қувваҳои мусаллаҳи Тоҷикистон дастур дод, ки ин равнад тезонда шавад
ДУШАНБЕ, 19 окт — Sputnik. Нақшаи даъвати наваскарон ба сафи қувваҳои мусаллаҳ дар вилояти Суғд ба андозаи 45% иҷро шуд.
Дар ин бора зимни машварати кории раиси вилояти Суғд Раҷаббой Аҳмадзода иттилоъ дода шуд.
Таъкид гардид, ки феълан бар асоси фармони раисҷумҳури Тоҷикистон даъвати шаҳрвандони солҳои таваллуди 1995-2004 ба хизмати ҳарбӣ идома дорад.
Аҳмадзода зимни таҳлили вазъ аз комиссари ҳарбии вилоят ва раисони як қатор шаҳру ноҳияҳо пурсиш ба амал оварда, барои ислоҳи камбудиҳо дастур дод. Дафтари матбуоти ҳукумати Суғд камбудиҳоеро, ки раиси вилоят хостори ислоҳашон шудааст, ном набурдаст.
Проводы в армию таджикских новобранцев  - Sputnik Тоҷикистон, 1920, 12.10.2022
Даҳ рӯзи аввали даъвати тирамоҳӣ: Вазорати дифоъ гуфт, чанд дарсади нақша иҷро шуд
Танҳо зикр намудаст, ки масъулин барои таъмини иҷрои нақшаи даъвати тирамоҳӣ, ҷоннок намудани фаъолияти​ комиссияҳои даъватии шаҳру ноҳияҳо дар ҳамкорӣ бо фаъолон, вакилони маҷлисҳои маҳаллии вакилони халқ, раисони ҷамоатҳои шаҳраку деҳот, вакилони ҷамоатҳо ва раисони маҳаллаҳо муваззаф гардиданд.
Маврид ба зикр аст, ки дар сатҳи ҷумҳурӣ ҳанӯз дар даҳрӯзаи аввали моҳи равон нақшаи даъвати наваскарон беш аз 50% иҷро шуд. Аввалин шуда аз иҷрои нақша Вилояти Мухтори Куҳистони Бадахшон гузориш дод.
Даъвати наваскарон дар Тоҷикистон ҳамасола дар фасли тирамоҳ ва баҳор сурат гирифта, аввалӣ моҳҳои октябр - ноябр ва дуюмӣ моҳҳои апрел - май идома меёбад.
Лентаи хабарҳо
0