Мақомоти ноҳияи Дӯстӣ ба 30 омӯзгор замини наздиҳавлигӣ тақдим карданд

© Schluesseldienst / pixabayКлючи от дома
Ключи от дома - Sputnik Тоҷикистон, 1920, 03.10.2022
Обуна шудан
Раёсати маорифи вилояти Хатлон эълон карааст, ки дар ноҳияи Дӯстӣ 30 нафар омӯзгор соҳиби Сертификати замини наздиҳавлигӣ гардиданд
ДУШАНБЕ, 3 окт — Sputnik. Ахиран аз сӯйи мақомот дар ноҳияи Дӯстӣ ба 30 нафар муаллимони ҷавон Сертификати замини наздиҳавлигӣ тақдим карда шуд, иттилоъ додааст раёсати маорифи вилояти Хатлон.
Тибқи иттилои манбаъ, маросими супурдани сертификатҳои замин дар як ҳамоише ба ифтихори Рӯзи омӯзгор сурат гирифт.
Ба иттилои манбаъ, дар ҳамоиш раиси ноҳия, роҳбарони мақомоти ҳифзи ҳуқуқ, ташкилоту муассисаҳо, собиқадорони соҳаи маориф ва омӯзгорон иштирок намуданд.
“Бо замини наздиҳавлигӣ таъмин гардидани омӯзгорони ҷавон яке аз бандҳои Қарори Ҳукумати Тоҷикистон “Дар бораи муқаррар намудани имтиёзҳо барои омӯзгорони ҷавон” мебошад, ки ҳамасола зина ба зина дар шаҳру навоҳии вилояти Хатлон амалӣ карда мешавад”, - қайд кардааст манбаъ.
Связка ключей от квартир многоэтажного жилого дома, архивное фото - Sputnik Тоҷикистон, 1920, 12.08.2022
Президент дар Хуҷанд ба 45 табибу омӯзгор хона дод
Дар ҳамин ҳол мудири шуъбаи маорифи ноҳия Шаҳноза Маҳмасаидзода иброз доштааст, ин 30 нафар омӯзгорон воқеан нафароне ҳастанд, ки ба замин эҳтиёҷ доранд ва аксарияти онҳо бо таълиму тарбияи шогирдон дар ҷомеа муваффақ гардидаанд.
Ёдовар мешавем, ки дар миёнаи моҳи август Эмомалӣ Раҳмон, раисҷумҳури Тоҷикистон ба корманди соҳаи маориф ва тандурустӣ дар Суғд хона ҳадя кард.
Ӯ дар шаҳри Хуҷанд бинои баландошёнаеро ба истифода дод, ки дар он 45 тан аз кормандони соҳаҳои зикр шуда соҳиби манзил гардиданд.
Лентаи хабарҳо
0