https://sputnik.tj/20220922/latukub-ikhroj-tojikon-qirghiziston-taqib-1051606065.html
Латукӯб ва ихроҷ мекунанд: тоҷикон дар Қирғизистон мавриди таъқиби шадид қарор гирифтаанд
Латукӯб ва ихроҷ мекунанд: тоҷикон дар Қирғизистон мавриди таъқиби шадид қарор гирифтаанд
Sputnik Тоҷикистон
Тоҷикистон аз ҳолатҳои таъқиб, таҳдид ва табъизи шаҳрвандонаш ва тоҷикони бумӣ, ки дар Қирғизистон будубош доранд, изҳори нигаронӣ кард
2022-09-22T16:41+0500
2022-09-22T16:41+0500
2022-09-23T08:42+0500
дар тоҷикистон
қирғизистон
марз
тоҷикон
сиёсат
https://cdnn1.img.sputnik.tj/img/102056/29/1020562939_48:469:1134:1080_1920x0_80_0_0_0dfdaf64c54607f859da266802cc1cc9.jpg
ДУШАНБЕ, 22 сен — Sputnik. Вазорати умури хориҷии Тоҷикистон дар бораи идомаи сиёсати таъқиби тоҷикон дар Қирғизистон изҳорот дод. Гуфта мешавад, ки Вазорати корҳои хориҷӣ ҳолатҳои таъқиб, таҳдид, табъиз ва таъқиби шаҳрвандони Тоҷикистон ва тоҷикони муқими Қирғизистонро дар рӯзҳои ахир бо нигаронии шадид арзёбӣ мекунад. Дар ин бора далелҳои раднашаванда мавҷуданд, таъкид кардааст ин ниҳод.Ҳамин тавр, барои мисол, рӯзи 14 сентябр мақомоти ноҳияи Қадамҷойи вилояти Бодканд дӯконҳои тоҷикони муқими ин минтақаро бастанд. Мардуми қирғиз, ки аз манотиқи марзӣ тахлия шудаанд, ҳадафмандона дар хонаҳои тоҷикони ҳамон маҳал ҷойгир карда шуданд. Аллакай рӯзи 18-уми сентябр кормандони Кумитаи давлатии амнияти миллии ноҳияи Ленини шаҳри Бишкек бо баҳонаи санҷиши нақшавии аснод бо ихроҷи иҷборӣ аз кишвар шиносномаҳои аъзои як хонаводаи тоҷикро мусодира карданд. Як шаҳрванди дигари Тоҷикистонро маъмурони пулиси Бишкек бидуни тавзеҳот дар манзилаш боздошт ва баъдан дар бозпурсии нӯҳ соата мавриди лату кӯб қарор додаанд. "Пас аз тамаъҷӯӣ ба маблағи 15 000 соми қирғизӣ ин шаҳрванди Тоҷикистон озод карда шуд", - гуфт манбаъ.Ҳодисае ба қайд гирифта шудааст, ки дар Бишкек низ афроди ношинос тирезаҳоро шикаста, мошини як шаҳрванди Тоҷикистон, ки муваққатан дар пойтахти Қирғизистон иқомат дорад, осеб расониданд. Илова бар ин, дар вилояти Ӯш як рӯзноманигор, ки тоҷиктабор аст, бар пояи миллаташ латукӯб шудааст. Вазорати корҳои хориҷӣ бори дигар ёдовар шуд, ки ҳодисаҳои дар Қирғизистон рухдода хилофи муқаррароти баёнияи муштараки нишасти машваратии сарони кишварҳои Осиёи Марказӣ, бахусус банди 25-и ин санад аст. Дар он зарурати таъмини хифзи хукуку манфиатхои шахрвандон, аз ҷумла ба фаъолияти меҳнатии муваққатӣ машғул, ба онҳо расонидани ёрии ҳуқуқӣ, иҷтимоӣ ва машваратӣ қайд карда мешавад.
https://sputnik.tj/20220922/qirghiziston-vayron-harim-havoi-tojikiston-vkkh-1051601170.html
https://sputnik.tj/20220922/muhriddin-hamtoyonash-tajovuz-harbi-qirghiziston-khok-tojikiston-1051595070.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
латукӯб ихроҷ тоҷикон қирғизистон таъқиб
латукӯб ихроҷ тоҷикон қирғизистон таъқиб
Латукӯб ва ихроҷ мекунанд: тоҷикон дар Қирғизистон мавриди таъқиби шадид қарор гирифтаанд
16:41 22.09.2022 (Навсозишуда: 08:42 23.09.2022) Тоҷикистон аз ҳолатҳои таъқиб, таҳдид ва табъизи шаҳрвандонаш ва тоҷикони бумӣ, ки дар Қирғизистон будубош доранд, изҳори нигаронӣ кард
ДУШАНБЕ, 22 сен — Sputnik. Вазорати умури хориҷии Тоҷикистон дар бораи идомаи сиёсати таъқиби тоҷикон дар Қирғизистон изҳорот дод.
Гуфта мешавад, ки Вазорати корҳои хориҷӣ ҳолатҳои таъқиб, таҳдид, табъиз ва таъқиби шаҳрвандони Тоҷикистон ва тоҷикони муқими Қирғизистонро дар рӯзҳои ахир бо нигаронии шадид арзёбӣ мекунад.
Дар ин бора далелҳои раднашаванда мавҷуданд, таъкид кардааст ин ниҳод.
Ҳамин тавр, барои мисол, рӯзи 14 сентябр мақомоти ноҳияи Қадамҷойи вилояти Бодканд дӯконҳои тоҷикони муқими ин минтақаро бастанд. Мардуми қирғиз, ки аз манотиқи марзӣ тахлия шудаанд, ҳадафмандона дар хонаҳои тоҷикони ҳамон маҳал ҷойгир карда шуданд.
Аллакай рӯзи 18-уми сентябр кормандони Кумитаи давлатии амнияти миллии ноҳияи Ленини шаҳри Бишкек бо баҳонаи санҷиши нақшавии аснод бо ихроҷи иҷборӣ аз кишвар шиносномаҳои аъзои як хонаводаи тоҷикро мусодира карданд.
Як шаҳрванди дигари Тоҷикистонро маъмурони пулиси Бишкек бидуни тавзеҳот дар манзилаш боздошт ва баъдан дар бозпурсии нӯҳ соата мавриди лату кӯб қарор додаанд.
"Пас аз тамаъҷӯӣ ба маблағи 15 000 соми қирғизӣ ин шаҳрванди Тоҷикистон озод карда шуд", - гуфт манбаъ.
Ҳодисае ба қайд гирифта шудааст, ки дар Бишкек низ афроди ношинос тирезаҳоро шикаста, мошини як шаҳрванди Тоҷикистон, ки муваққатан дар пойтахти Қирғизистон иқомат дорад, осеб расониданд.
Илова бар ин, дар вилояти Ӯш як рӯзноманигор, ки тоҷиктабор аст, бар пояи миллаташ латукӯб шудааст.
Вазорати корҳои хориҷӣ бори дигар ёдовар шуд, ки ҳодисаҳои дар Қирғизистон рухдода хилофи муқаррароти баёнияи муштараки нишасти машваратии сарони кишварҳои Осиёи Марказӣ, бахусус банди 25-и ин санад аст.
Дар он зарурати таъмини хифзи хукуку манфиатхои шахрвандон, аз ҷумла ба фаъолияти меҳнатии муваққатӣ машғул, ба онҳо расонидани ёрии ҳуқуқӣ, иҷтимоӣ ва машваратӣ қайд карда мешавад.
