Тоҷикистон Арманистону Озарбойҷонро ба музокирот даъват кард

© Пресс-служба Президента РТ Премьер-министр Таджикистана Кохир Расулзода
Премьер-министр Таджикистана Кохир Расулзода  - Sputnik Тоҷикистон, 1920, 14.09.2022
Обуна шудан
Мақомоти Тоҷикистон дар пайи даргириҳои ахир дар марзи Арманистону Озарбойҷон аз ин кишварҳо даъват карданд, ки мушкилоташонро бо роҳи музокира ҳал намоянд
ДУШАНБЕ, 14 сен – Sputnik. Тоҷикистон аз Арманистон ва Озарбойҷон даъват кард, ки сари мизи музокирот нишинанд, гуфт сарвазири Тоҷикистон Қоҳир Расулзода зимни суханронӣ дар ҷаласаи ғайринавбатии Шӯрои Амнияти дастҷамъии Созмони Аҳдномаи амнияти дастҷамъӣ, ки ахиран ба таври маҷози сурат гирифт.
Тавре АМИТ “Ховар” хабар додааст, Расулзода ба ҳалли ҳарчи зудтари вазъ дар сарҳади Арманистон ва Озарбойҷон бо роҳи дипломатӣ даъват намуд.
Қоҳир Расулзода нигаронии ҷониби Тоҷикистонро аз ташаннуҷи нави равобити Арманистон ва Озарбойҷон иброз дошт.
“Муҳим аст, ки ба ташаннуҷи минбаъдаи вазъият роҳ дода нашавад ва ҷонибҳо ҳарчи зудтар роҳҳои ҳалли мушкилотро ба маҷрои сиёсиву дипломатӣ баргардонанд”, — иброз дошт ӯ.
Ҳамчунин Сарвазири кишвар изҳори итминон кард, ки ягона роҳи таъмини сулҳу субот дар минтақа - ин истифодаи муассир аз воситаҳои муколама дар асоси санадҳои қабулгардида мебошад.
Премьер-министр Таджикистана Кохир Расулзода - Sputnik Тоҷикистон, 1920, 14.09.2022
Иштироки Расулзода ба ҷои Раҳмон дар ҷаласаи СААД: ӯ роҳи сулҳи Боку ва Ереванро гуфт
Ёдовар мешавем, ки шоми 13 сентябр бо дархости Сарвазири Арманистон, Раиси феълии Шӯрои Амнияти дастҷамъии СААД Никол Пашинян ҷаласаи ғайринавбатии Шӯрои Амнияти дастҷамъии Созмон дар шакли маҷозӣ баргузор гардид.
Бо супориши Эмомалӣ Раҳмон дар ҷаласаи мазкур Сарвазири мамлакат Қоҳир Расулзода иштирок ва суханронӣ намуд.
Лентаи хабарҳо
0