https://sputnik.tj/20220913/korkhona-mushtaraki-sanoat-sabuk-turkiya-tojikiston-1051361403.html
Таъсиси корхонаҳои муштараки саноати сабук аз ҷониби Туркия дар Тоҷикистон
Таъсиси корхонаҳои муштараки саноати сабук аз ҷониби Туркия дар Тоҷикистон
Sputnik Тоҷикистон
Соҳибкорони вилояти Хатлон ният доранд, муносиботи тиҷоративу иқтисодиро бо шаҳрҳои Ғозиёнтеппа, Қаҳрамонмараш, Бурса ва Истанбули Туркия густариш диҳанд
2022-09-13T14:53+0500
2022-09-13T14:53+0500
2022-09-13T18:13+0500
дар тоҷикистон
туркия
ҳамкорӣ
созишнома
имзо
санад
ҳамкорӣ
https://cdnn1.img.sputnik.tj/img/07e6/09/0d/1051361191_0:55:1080:663_1920x0_80_0_0_928de814ee1c5e2505d769c37439f0de.jpg
ДУШАНБЕ, 13 сен — Sputnik. Дар Туркия раиси шаҳри Бохтар Сиҷоуддин Саломзода ва ноиби президенти Минтақаи муташаккили саноатии Ғазиёнтеппа Умар Ҷинҷикчӣ санади ҳамкориро дар умури рушди равобити иқтисодию тиҷоратӣ, баррасии имконияти сармоягузорӣ ва таъсиси корхонаҳои муштараки саноати сабук ба имзо расониданд.Ҳамчунин санади ҳамкорӣ миёни роҳбари Минтақаи озоди иқтисодии “Панҷ” Илҳом Камол ва ноиби президенти ММС-и Газиантеп Умар Ҷинҷикчи ба имзо расид.Таъкид шудааст, ки зимни мулоқот, аз ҳайати музофоти Газиантеп, аз ҷумла ММС-и Газиантеп даъват карда шуд, ки соли оянда ба Минтақаи озоди иқтисодии “Панҷ” ташриф биоранд.Ҳамчунин миёни масъулини вилояти Хатлон ва Минтақаи муташаккили саноатии Газиантеп, инчунин доираҳои тиҷоратии ҳар ду ҷониб вобаста ба дастовардҳои соҳаи кишоварзӣ, рушди саноати сабук ва хӯрокворӣ, ҳунармандӣ, имкониятҳо барои роҳандозии ҳамкориҳои тиҷоратӣ, таъсиси корхонаҳои муштарак ва ҷалби сармояи туркӣ ба иқтисоди вилояти Хатлон мубодилаи афкор сурат гирифт.Ёдовар мешавем, ки ахиран ахиран ҳайати ҳукуматию тиҷоратии вилояти Хатлон таҳти роҳбарии Раиси вилоят Қурбон Ҳакимзода ба Туркия сафар намуд.Ҳадафи ин сафар ба роҳ мондани ҳамкории судманд, густариш додани муносибатҳои тиҷоративу иқтисодӣ бо минтақаю шаҳрҳои Газиантеп, Қаҳраманмараш, Бурса ва Истанбул мебошад, ки он то 18 сентябр идома меёбад. Гурӯҳи мазкур бо фаъолияти Минтақаи муташаккили саноатии Газиантепи Туркия аз наздик шинос шуд.Раиси вилояти Хатлон Қурбон Ҳакимзода дар мулоқот бо масъулини ММС ва соҳибкорони Газиантеп зикр кард, ки солҳои тулонист Тоҷикистон бо Туркия муносибати дӯстона ва ҳамкории зич дорад, ки дар асоси принсипҳои эҳтироми якдигар, эътимод, ҳамдигарфаҳмӣ ва ба назар гирифтани манфиатҳои тарафайн бунёд шудаанд.Айни замон бештар аз 100 ширкати сармоягузории Туркия дар Тоҷикистон фаъолияти босамар доранд ва ҳаҷми сармоягузорӣ ҳамасола рӯ ба афзоиш дорад.Қурбон Ҳакимзода дар Туркия иброз доштааст, ки барои бунёди корхонаҳои муштарак ва тақвияти ҳамкорӣ дар вилоят захираҳои зиёди ашёи хом ва имконияту иқтидорҳои зарурӣ мавҷуд мебошад.Вай гуфт, сафари ҳайати Тоҷикистон ба Туркия ба хотири дарёфти ҳамкории судманд дар соҳаҳои комплекси агросаноатӣ, аз ҷумла растанипарварию чорводорӣ, коркарди гӯшту шир, меваю сабзавот, коркарди гиёҳҳои шифобахш ва истеҳсоли доруворӣ, тақвияти ҳунармандӣ мебошад.Инчунин раиси вилояти Хатлон зикр кардааст, ки вилоят барои ба роҳ мондани алоқаи мустақим байни корхонаҳои саноати сабук, аз ҷумла, ресандагӣ, бофандагӣ, рангубор ва дӯзандагӣ, пойафзолбарорию маҳсулот аз чарм, ташкил ва таъмини фаъолияти босамари минтақаҳои саноатии ба содиротнигаронидашуда талош хоҳад кард.
https://sputnik.tj/20220912/mansabdoru-sohibkor-khatlon-turkiya-1051327529.html
https://sputnik.tj/20220909/turkiya-taslim-avrupo-peshgui-1051303071.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, туркия, имзо, созишнома, саноат, густариш, ҳамкорӣ, равобит
тоҷикистон, туркия, имзо, созишнома, саноат, густариш, ҳамкорӣ, равобит
Таъсиси корхонаҳои муштараки саноати сабук аз ҷониби Туркия дар Тоҷикистон
14:53 13.09.2022 (Навсозишуда: 18:13 13.09.2022) Соҳибкорони вилояти Хатлон ният доранд, муносиботи тиҷоративу иқтисодиро бо шаҳрҳои Ғозиёнтеппа, Қаҳрамонмараш, Бурса ва Истанбули Туркия густариш диҳанд
ДУШАНБЕ, 13 сен — Sputnik. Дар Туркия раиси шаҳри Бохтар Сиҷоуддин Саломзода ва ноиби президенти Минтақаи муташаккили саноатии Ғазиёнтеппа Умар Ҷинҷикчӣ санади ҳамкориро дар умури рушди равобити иқтисодию тиҷоратӣ, баррасии имконияти сармоягузорӣ ва таъсиси корхонаҳои муштараки саноати сабук ба имзо расониданд.
Ҳамчунин санади ҳамкорӣ миёни роҳбари Минтақаи озоди иқтисодии “Панҷ” Илҳом Камол ва ноиби президенти ММС-и Газиантеп Умар Ҷинҷикчи ба имзо расид.
Таъкид шудааст, ки зимни мулоқот, аз ҳайати музофоти Газиантеп, аз ҷумла ММС-и Газиантеп даъват карда шуд, ки соли оянда ба Минтақаи озоди иқтисодии “Панҷ” ташриф биоранд.
Ҳамчунин миёни масъулини вилояти Хатлон ва Минтақаи муташаккили саноатии Газиантеп, инчунин доираҳои тиҷоратии ҳар ду ҷониб вобаста ба дастовардҳои соҳаи кишоварзӣ, рушди саноати сабук ва хӯрокворӣ, ҳунармандӣ, имкониятҳо барои роҳандозии ҳамкориҳои тиҷоратӣ, таъсиси корхонаҳои муштарак ва ҷалби сармояи туркӣ ба иқтисоди вилояти Хатлон мубодилаи афкор сурат гирифт.
Ёдовар мешавем, ки ахиран ахиран ҳайати ҳукуматию тиҷоратии вилояти Хатлон таҳти роҳбарии Раиси вилоят Қурбон Ҳакимзода ба Туркия сафар намуд.
Ҳадафи ин сафар ба роҳ мондани ҳамкории судманд, густариш додани муносибатҳои тиҷоративу иқтисодӣ бо минтақаю шаҳрҳои Газиантеп, Қаҳраманмараш, Бурса ва Истанбул мебошад, ки он то 18 сентябр идома меёбад. Гурӯҳи мазкур бо фаъолияти Минтақаи муташаккили саноатии Газиантепи Туркия аз наздик шинос шуд.
Раиси вилояти Хатлон Қурбон Ҳакимзода дар мулоқот бо масъулини ММС ва соҳибкорони Газиантеп зикр кард, ки солҳои тулонист Тоҷикистон бо Туркия муносибати дӯстона ва ҳамкории зич дорад, ки дар асоси принсипҳои эҳтироми якдигар, эътимод, ҳамдигарфаҳмӣ ва ба назар гирифтани манфиатҳои тарафайн бунёд шудаанд.
Айни замон бештар аз 100 ширкати сармоягузории Туркия дар Тоҷикистон фаъолияти босамар доранд ва ҳаҷми сармоягузорӣ ҳамасола рӯ ба афзоиш дорад.
Қурбон Ҳакимзода дар Туркия иброз доштааст, ки барои бунёди корхонаҳои муштарак ва тақвияти ҳамкорӣ дар вилоят захираҳои зиёди ашёи хом ва имконияту иқтидорҳои зарурӣ мавҷуд мебошад.
Вай гуфт, сафари ҳайати Тоҷикистон ба Туркия ба хотири дарёфти ҳамкории судманд дар соҳаҳои комплекси агросаноатӣ, аз ҷумла растанипарварию чорводорӣ, коркарди гӯшту шир, меваю сабзавот, коркарди гиёҳҳои шифобахш ва истеҳсоли доруворӣ, тақвияти ҳунармандӣ мебошад.
Инчунин раиси вилояти Хатлон зикр кардааст, ки вилоят барои ба роҳ мондани алоқаи мустақим байни корхонаҳои саноати сабук, аз ҷумла, ресандагӣ, бофандагӣ, рангубор ва дӯзандагӣ, пойафзолбарорию маҳсулот аз чарм, ташкил ва таъмини фаъолияти босамари минтақаҳои саноатии ба содиротнигаронидашуда талош хоҳад кард.
