Дар роҳҳои Тоҷикистон рейдҳои БДА доир мешавад: сабаб

© Sputnik / Артур ЛебедевЖезл ГИБДД
Жезл ГИБДД  - Sputnik Тоҷикистон, 1920, 08.09.2022
Обуна шудан
Назоратчиён ронандагонро нигоҳ дошта, дар бораи қоидаҳои ҳаракат мегӯянд ва ҳамзамон хотирнишон мекунанд, ки ҳоло дар роҳҳо бачаҳо бисёранд
ДУШАНБЕ, 8 сен — Sputnik. Дар робита ба оғози соли нави хониш дар роҳҳои Тоҷикистон амалиёти "Бачаҳо" ҷараён дорад, хабар медиҳад "МИР 24".
Ҳангоми ин иқдом кормандони БДА аз ронандагон хоҳиш мекунанд, ки қоидаҳои ҳаракатро риоя кунанд ва инчунин дар пиёдагузарҳо аз эҳтиёт кор бигиранд.
Ба гуфтаи омӯзгор Абдураҳмон Сафаров, кӯдакони зиёде мустақилона ба мактаб мераванд ва аксар вақт дар ҷойҳои нодуруст роҳро убур мекунанд ва дар доираи чунин чорабиниҳо ба онҳо фаҳмонда медиҳанд, ки ин ҳолат марговар аст.
Ограничения на улицах в Душанбе - Sputnik Тоҷикистон, 1920, 06.09.2022
Кадом кӯчаҳои Душанбе рӯзи 7-8 сентябр баста мешаванд?
Нозирон қайд мекунанд, ки аксари садамаҳо дар натиҷаи риоя накардани аломатҳои роҳ ва ҳангоми убури чароғаки роҳнамо дар ҳоли сурх буданд, рух медиҳанд. Дар баъзан маврид калонсолон барои насли наврас намунаи ибрат мешаванд.
"Аз аввали соли 2022 дар Тоҷикистон 133 садамаи нақлиётӣ бо иштироки кӯдакон ба қайд гирифта шудааст, ки дар натиҷа 26 нафари онҳо ба ҳалокат расида, 108 нафари дигар ҷароҳатҳои вазнини ҷисмонӣ бардоштаанд", - гуфт Саидмӯъмин Ҳасанзода, мудири шӯъбаи таблиғоти Раёсати БДА дар шаҳри Душанбе.
Барои кам кардани осеби кӯдакон, кормандони БДА ин чорабиниҳои пешгирикунандаро то 10 сентябр идома медиҳанд.
Лентаи хабарҳо
0