https://sputnik.tj/20220813/zakhiraho-tilov-asor-tojikiston-kam-1050685547.html
Захираҳои тилову асъори Тоҷикистон аз ҳама дар БРАО, ба истиснои Қирғизистон камтар аст
Захираҳои тилову асъори Тоҷикистон аз ҳама дар БРАО, ба истиснои Қирғизистон камтар аст
Sputnik Тоҷикистон
Дар ҳамин ҳол, бештари захираҳои ҷумҳурӣ ба тилои ғайрипулӣ рост меояд, дар ҳоле ки дар шакли моддӣ он ҳамагӣ 100 миллион долларро ташкил медиҳад
2022-08-13T12:55+0500
2022-08-13T12:55+0500
2022-08-16T18:48+0500
дар тоҷикистон
иқтисод
дороӣ
захира
тилло
пул
https://cdnn1.img.sputnik.tj/img/102990/45/1029904506_0:0:3077:1731_1920x0_80_0_0_726adb04e8536c7ae87308addec25d3e.jpg
ДУШАНБЕ, 13 авг — Sputnik. Бар асоси гузориши макроиқтисодии Бонки Авруосиёи Рушд барои моҳи август, дороиҳои захираҳои байналмилалии Тоҷикистон то 1 июни соли 2022 2,9 миллиард долларро ташкил додааст. Дар ҳамин ҳол, тиллои монетарӣ дар ин захираҳо ҳамагӣ 100 миллион долларро ташкил медиҳад, яъне тақрибан 3,4%-и ҳаҷми умумии онро ташкил медиҳад. Боқимонда 2,8 миллиард доллар захираҳои дигар аст. Аз рӯи нишондиҳандаҳои умумӣ ҷумҳурӣ қариб аз ҳамаи мамлакатҳои БРАО, аз ҷумла Арманистон — 3,4 миллиард, Беларус — 7,5 миллиард, Қазоқистон — 32 миллиард ва Россия — 584,1 миллиард қафо мемонад. Аммо дар ҳамин ҳол, захираҳои Тоҷикистон нисбат ба Қирғизистони ҳамсоя 200 миллион доллар бештар аст. Дар ин гузориш ҳамчунин захираҳои тиллои пулии кишварҳои узви ин бонк эълом шудааст, ки он ба Беларус 3,1 миллиард, Қазоқистон 22,4 миллиард, Қирғизистон 600 миллион доллар, Арманистон умуман захира надоранд ва дар бораи Русия маълумот дода нашудааст. Дар ҳамин ҳол, дар мавриди Тоҷикистон рақами дақиқи захираҳои тиллову асъор вуҷуд надорад, зеро БМТ ҳаҷми пӯшонидани воридоти кишварро барои як давраи муайян медиҳад. Муовини раиси Бонки Миллӣ Фирдавс Толибзода ахиран дар як нишасти хабарӣ гуфта буд, ки кишвар метавонад 8,1 моҳи воридотро бо тило пӯшонад. Дар давоми моҳҳои январ-июни соли ҷорӣ ин рақам 358 миллион долларро ташкил дода, нисбат ба як соли қабл 8 миллион камтар будааст. Дар баробари ин, захираҳо байни БМТ ва Вазорати молия тақсим карда мешаванд, ки одатан ҳатто дар шакли фарогирии воридот маълумотро мубодила намекунанд ва ин ҳисоб кардани эквиваленти дақиқи пулии захираҳоро ғайриимкон месозад. Қобили зикр аст, ки қаблан Шӯрои ҷаҳонии тило хабар дода буд, ки Тоҷикистон то аввали моҳи май ба маблағи беш аз 1 миллиарду 800 миллион доллар захираи тилову асъор ва ҳамчунин 758 миллион доллар захираи асъорӣ дорад. Ҳангоми тартиб додани омор ин созмон аз маълумотҳои Сандуқи Байналмилалии Пул, бар асоси маълумоти бонкҳои марказии кишварҳои ҷаҳон истифода кардааст.
https://sputnik.tj/20220718/afzoish-tavlid-tilo-tojikiston-1050076538.html
https://sputnik.tj/20220718/tojikiston-zakhira-asor-tillo-1050073285.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
захира тило асъор точикистон брао
захира тило асъор точикистон брао
Захираҳои тилову асъори Тоҷикистон аз ҳама дар БРАО, ба истиснои Қирғизистон камтар аст
12:55 13.08.2022 (Навсозишуда: 18:48 16.08.2022) Дар ҳамин ҳол бештари захираҳои ҷумҳурӣ ба тилои ғайрипулӣ рост меояд, дар ҳоле ки дар шакли моддӣ он ҳамагӣ 100 миллион долларро ташкил медиҳад
ДУШАНБЕ, 13 авг — Sputnik. Бар асоси гузориши макроиқтисодии Бонки Авруосиёи Рушд барои моҳи август, дороиҳои захираҳои байналмилалии Тоҷикистон то 1 июни соли 2022 2,9 миллиард долларро ташкил додааст.
Дар ҳамин ҳол, тиллои монетарӣ дар ин захираҳо ҳамагӣ 100 миллион долларро ташкил медиҳад, яъне тақрибан 3,4%-и ҳаҷми умумии онро ташкил медиҳад. Боқимонда 2,8 миллиард доллар захираҳои дигар аст.
Аз рӯи нишондиҳандаҳои умумӣ ҷумҳурӣ қариб аз ҳамаи мамлакатҳои БРАО, аз ҷумла Арманистон — 3,4 миллиард, Беларус — 7,5 миллиард, Қазоқистон — 32 миллиард ва Россия — 584,1 миллиард қафо мемонад.
Аммо дар ҳамин ҳол, захираҳои Тоҷикистон нисбат ба Қирғизистони ҳамсоя 200 миллион доллар бештар аст.
Дар ин гузориш ҳамчунин захираҳои тиллои пулии кишварҳои узви ин бонк эълом шудааст, ки он ба Беларус 3,1 миллиард, Қазоқистон 22,4 миллиард, Қирғизистон 600 миллион доллар, Арманистон умуман захира надоранд ва дар бораи Русия маълумот дода нашудааст.
Дар ҳамин ҳол, дар мавриди Тоҷикистон рақами дақиқи захираҳои тиллову асъор вуҷуд надорад, зеро БМТ ҳаҷми пӯшонидани воридоти кишварро барои як давраи муайян медиҳад.
Муовини раиси Бонки Миллӣ Фирдавс Толибзода ахиран дар як нишасти хабарӣ гуфта буд, ки кишвар метавонад 8,1 моҳи воридотро бо тило пӯшонад. Дар давоми моҳҳои январ-июни соли ҷорӣ ин рақам 358 миллион долларро ташкил дода, нисбат ба як соли қабл 8 миллион камтар будааст.
Дар баробари ин, захираҳо байни БМТ ва Вазорати молия тақсим карда мешаванд, ки одатан ҳатто дар шакли фарогирии воридот маълумотро мубодила намекунанд ва ин ҳисоб кардани эквиваленти дақиқи пулии захираҳоро ғайриимкон месозад.
Қобили зикр аст, ки қаблан Шӯрои ҷаҳонии тило хабар дода буд, ки Тоҷикистон то аввали моҳи май ба маблағи беш аз 1 миллиарду 800 миллион доллар захираи тилову асъор ва ҳамчунин 758 миллион доллар захираи асъорӣ дорад.
Ҳангоми тартиб додани омор ин созмон аз маълумотҳои Сандуқи Байналмилалии Пул, бар асоси маълумоти бонкҳои марказии кишварҳои ҷаҳон истифода кардааст.
