https://sputnik.tj/20220623/vuchich-zamon-fishor-mustaqil-khotima-1049443614.html
Вучич: Замони фишор болои кишварҳои мустақил хотима ёфт
Вучич: Замони фишор болои кишварҳои мустақил хотима ёфт
Sputnik Тоҷикистон
Раҳбари Сербистон гуфт, замони овардани фишор болои кишварҳои мустақил тамом шудааст ва акнун кишварҳои хурд аз давлатҳои бузург ҳарос надоранд
2022-06-23T14:20+0500
2022-06-23T14:20+0500
2023-10-02T17:11+0500
иттиҳоди аврупо
сербия
дар ҷаҳон
сиёсат
украина
https://cdnn1.img.sputnik.tj/img/07e5/0b/19/1043766531_0:0:3073:1728_1920x0_80_0_0_e1da8b409b049ef86fb694c8337061f9.jpg
ДУШАНБЕ, 23 июн — Sputnik. Раисиҷумҳури Сербистон Александр Вучич пеш аз нишасти сарони кишварҳои Иттиҳодияи Аврупо ва Балкани Ғарбӣ дар Брюссел гуфт, замони фишорорӣ болои кишварҳои озоду мустақил ба поён расидааст. Рӯзи панҷшанбе дар Брюссел нишасти раҳбарони Иттиҳодияи Аврупо бо раҳбарони кишварҳои Балкани Ғарбӣ ва ҳамчунин Косовои худхонда ҷараён дорад. Мавзӯъҳои аслии эълоншуда пешрафт дар ҳамгироии Иттиҳодияи Аврупо ва чолишҳои марбут ба амалиёти вижаи Русия дар Украина мебошад. Қабл аз мулоқот рӯзноманигорон аз раҳбари Сербистон пурсиданд, ки оё ӯ аз фишори Иттиҳодияи Аврупо метарсад, дар сурате, ки Белград аз таҳримҳо алайҳи Маскав ҳимоят намекунад."Замоне, ки касе метавонист, давлатҳои озоду мустақилро шантаж ё маҷбур кунад, гузаштанд. Мо ба ин ҷо ба назди дӯстон омадем, ба ояндаи аврупоии Сербистон ва минтақа бовар дорем, аммо дар якҷоягӣ бо дӯстони худ аз минтақа барои ин ояндаи Аврупо мубориза хоҳем бурд. эҳтиром ба худ ва эътиқод ба нерӯҳои муштарак. Ва аз он ки мо метарсем, зеро мо хеле хурд ҳастем ва онҳо калон, ин суҳбатҳо барои кӯдакони хурдсол аст", - менависад РИА "Новости" аз қавли раисиҷумҳури Сербистон. "Мо барои муҳокимаи ояндаи аврупоии худ дар ин ҷо ҳастем, мо умедворем, ки барои Балкани Ғарбӣ натиҷаҳои хубе ба даст меорем, агар ин шавад хуб, агар не, мо то ҳол аз ИА барои сармоягузорӣ ба кишварҳои мо, додани маблағи калон ва ҳама коре, ки барои мо анҷом мешавад, миннатдорем", - гуфт Вучич. Вай ёдовар шуд, ки Сербистон рӯзи 2 март дар Маҷмаи умумии СММ алайҳи амалиёти вижаи Русия дар Украина раъй дод. "Мо аз тамомияти арзии Украина пуштибонӣ мекунем, ҳамон тавре ки мо аз тамомияти арзии Сербистон пуштибонӣ мекунем, ки бисёре аз аъзои Иттиҳодияи Аврупо ин корро намекунанд, масъалаҳои хеле душвор ҳастанд, ки ман умедворам имрӯз онҳоро баррасӣ мекунам... Новобаста аз он ки ман танқидро интизорам ё не, онҳо посухро хоҳанд шунид", - таъкид кард раҳбари Сербистон.Вучич: Ғарб аз Сербистон мавқеъгирии зидди Русияро талаб дорадВучич, нахуствазири Албания Эди Рама ва нахуствазири Македонияи Шимолӣ Димитар Ковачевски рӯзи чаҳоршанбе пас аз машварат бо вазирон ва бо ҳамдигар тасмим гирифтанд, ки якҷоя ба Брюссел раванд. Сербистон аз соли 2012 номзад ба узвият дар Иттиҳодияи Аврупо аст ва соли 2014 музокирот барои пайвастан ба Иттиҳодияи Аврупоро оғоз кардааст. Албания дар соли 2014, Македонияи Шимолӣ дар соли 2005 номзади Иттиҳодияи Аврупо шуданд.
https://sputnik.tj/20220529/suhbati-telefonii-putin-vuchich-1048782398.html
сербия
украина
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
президент, сербия, фишорорӣ, кишварҳо
президент, сербия, фишорорӣ, кишварҳо
Вучич: Замони фишор болои кишварҳои мустақил хотима ёфт
14:20 23.06.2022 (Навсозишуда: 17:11 02.10.2023) Раҳбари Сербистон гуфт, замони овардани фишор болои кишварҳои мустақил тамом шудааст ва акнун кишварҳои хурд аз давлатҳои бузург ҳарос надоранд
ДУШАНБЕ, 23 июн — Sputnik. Раисиҷумҳури Сербистон Александр Вучич пеш аз нишасти сарони кишварҳои Иттиҳодияи Аврупо ва Балкани Ғарбӣ дар Брюссел гуфт, замони фишорорӣ болои кишварҳои озоду мустақил ба поён расидааст.
Рӯзи панҷшанбе дар Брюссел нишасти раҳбарони Иттиҳодияи Аврупо бо раҳбарони кишварҳои Балкани Ғарбӣ ва ҳамчунин Косовои худхонда ҷараён дорад.
Мавзӯъҳои аслии эълоншуда пешрафт дар ҳамгироии Иттиҳодияи Аврупо ва чолишҳои марбут ба амалиёти вижаи Русия дар Украина мебошад.
Қабл аз мулоқот рӯзноманигорон аз раҳбари Сербистон пурсиданд, ки оё ӯ аз фишори Иттиҳодияи Аврупо метарсад, дар сурате, ки Белград аз таҳримҳо алайҳи Маскав ҳимоят намекунад.
"Замоне, ки касе метавонист, давлатҳои озоду мустақилро шантаж ё маҷбур кунад, гузаштанд. Мо ба ин ҷо ба назди дӯстон омадем, ба ояндаи аврупоии Сербистон ва минтақа бовар дорем, аммо дар якҷоягӣ бо дӯстони худ аз минтақа барои ин ояндаи Аврупо мубориза хоҳем бурд. эҳтиром ба худ ва эътиқод ба нерӯҳои муштарак. Ва аз он ки мо метарсем, зеро мо хеле хурд ҳастем ва онҳо калон, ин суҳбатҳо барои кӯдакони хурдсол аст", - менависад РИА "Новости" аз қавли раисиҷумҳури Сербистон.
"Мо барои муҳокимаи ояндаи аврупоии худ дар ин ҷо ҳастем, мо умедворем, ки барои Балкани Ғарбӣ натиҷаҳои хубе ба даст меорем, агар ин шавад хуб, агар не, мо то ҳол аз ИА барои сармоягузорӣ ба кишварҳои мо, додани маблағи калон ва ҳама коре, ки барои мо анҷом мешавад, миннатдорем", - гуфт Вучич.
Вай ёдовар шуд, ки Сербистон рӯзи 2 март дар Маҷмаи умумии СММ алайҳи амалиёти вижаи Русия дар Украина раъй дод.
"Мо аз тамомияти арзии Украина пуштибонӣ мекунем, ҳамон тавре ки мо аз тамомияти арзии Сербистон пуштибонӣ мекунем, ки бисёре аз аъзои Иттиҳодияи Аврупо ин корро намекунанд, масъалаҳои хеле душвор ҳастанд, ки ман умедворам имрӯз онҳоро баррасӣ мекунам... Новобаста аз он ки ман танқидро интизорам ё не, онҳо посухро хоҳанд шунид", - таъкид кард раҳбари Сербистон.
Вучич, нахуствазири Албания Эди Рама ва нахуствазири Македонияи Шимолӣ Димитар Ковачевски рӯзи чаҳоршанбе пас аз машварат бо вазирон ва бо ҳамдигар тасмим гирифтанд, ки якҷоя ба Брюссел раванд.
Сербистон аз соли 2012 номзад ба узвият дар Иттиҳодияи Аврупо аст ва соли 2014 музокирот барои пайвастан ба Иттиҳодияи Аврупоро оғоз кардааст.
Албания дар соли 2014, Македонияи Шимолӣ дар соли 2005 номзади Иттиҳодияи Аврупо шуданд.
