Путин мурдуми Русияро ба Рӯзи Русия табрик кард

© Sputnik / POOL / Гузариш ба медиабонкПрезидент РФ Владимир Путин
Президент РФ Владимир Путин  - Sputnik Тоҷикистон, 1920, 12.06.2022
Обуна шудан
Роҳбари Русия ба муносибати Ҷашни истиқлол ба мардуми кишвараш муроҷиат кард ва ба омӯзиши таъриху риояти анъанаҳои давлатдорӣ таъкид кард
ДУШАНБЕ, 12 июн — Sputnik. Владимир Путин, раисиҷумҳури Русия дар маросими супурдани ҷоизаҳои давлатӣ дар Қасри бузурги Кремлин, мардуми кишварро ба ифтихори Рӯзи Русия табрик гуфт.
“Шумо ва тамоми шаҳрвандони кишварро бо Рӯзи Русия - ҷашни умумимиллӣ, ки ба кишвари мо рабт дорад, бо ифтихор аз таърихи ва бовар ба ояндаи он табрик мегуям. Имрӯз мо хусусан дарк мекунем, ки ин ҷашн барои Ватан, ҷамъияти мо ва ягонагии халқи мо то чӣ андоза муҳим аст”, — гуфт ӯ.
Илова бар ин, роҳбари Русия арзиш ва тавоноии анъанаҳои чандинасраро, ки танҳо дар тӯли таърихи Русия мустаҳкам шудаанд, қайд кард.
Президент РФ В. Путин - Sputnik Тоҷикистон, 1920, 10.06.2022
Путин барои нахустин бор бо раисиҷумҳури нави Туркманистон мулоқот кард
"Чунин ҳамдилӣ, садоқат ва масъулият ба Ватан аз тарафи ниёгони мо мерос мондааст. Мо медонем, ки ин анъанаҳо чӣ гуна арзишҳои ахлоқӣ, ва пояҳои маънавӣ доранд. Онҳо дар тӯли таърихи ҳазорсолаи Русия ба вуҷуд омадаанду пурзур шуданд", - илова кард Путин.
Роҳбари Русия қайд кард, ки анъанаҳо имрӯз мардуми сермиллати кишварро муттаҳид мекунанд ва эҳсоси амиқи ватандӯстӣ то ҳол муқаддас боқӣ мондааст.
Қобили зикр аст, ки Рӯзи Русия 12 июн аз соли 1992, вақте ки Эъломия дар бораи истиқлолияти давлатии РСФСР ба имзо расид, таҷлил мешавад. То соли 2002 ин ид "Рӯзи Эъломия дар бораи истиқлолияти давлатии Федератсияи Русия" ном дошт.
Лентаи хабарҳо
0